Read Buku Lopatulik Miyambi 28 Bible Online

Miyambi 28 - Buku Lopatulik bible

Miyambi 28

¹Woipaathawapalibewomthamangitsa; Koma olungama alimba mtima ngati mkango.

²Pocimwa dziko akalonga ace acuruka; Koma anthu ozindikira ndi odziwa alikhazikikitsa nthawi yaikuru.

³Munthu waumphawi wotsendereza osauka Akunga mvula yamadzi yokokolola dzinthu.

⁴Omwe asiya cilamulo atama oipa; Koma omwe asunga cilamulo akangana nao.

⁵Oipa samvetsetsa ciweruzo; Koma omwe afuna Yehova amvetsetsa zonse.

⁶Waumphawi woyenda mwangwiro Apambana ndi yemwe akhotetsa njira zace, angakhale alemera.

⁷Wosunga cilamulo ndiye mwana wozindikira; Koma mnzao wa adyera acititsa atate wace manyazi.

⁸Wocurukitsa cuma cace, pokongoletsa ndi phindu, Angokundikira yemwe acitira osauka cisoni.

⁹Wopewetsa khutu lace kuti asamve cilamulo, Ngakhale pemphero lace linyansa.

¹⁰Wosoceretsa oongoka mtima alowe m'njira yoipa, Adzagwa mwini m'dzenje lace; Koma angwiro adzalandira colowa cabwino.

¹¹Wolemera adziyesa wanzeru; Koma wosauka wozindikira aululitsa zace.

¹²Posekera olungama pali ulemerero wambiri; Koma pouka oipa anthu amabisala.

¹³Wobisa macimo ace sadzaona mwai; Koma wakuwabvomereza, nawasiya adzacitidwa cifundo.

¹⁴Wodala munthu wakuopakosalekeza; Koma woumitsa mtima wace adzagwa m'zoipa.

¹⁵Monga mkango wobangula ndi cirombo coyendayenda, Momwemo mfumu yoipa ya anthu osauka.

¹⁶Kalonga wosowa nzeru apambana kusautsa; Koma yemwe ada cisiriro adzatanimphitsa moyo wace.

¹⁷Woparamula mlandu wakupha munthu adzathawira kudzenje; Asamuletse.

¹⁸Woyenda mwangwiro adzapulumuka; Koma wokhota m'mayendedwe ace adzagwa posacedwa.

¹⁹Wolima munda wace zakudya zidzamkwanira; Koma wotsata anthu opanda pace umphawi udzamkwanira.

²⁰Munthu wokhulupirika ali ndi madalitso ambiri; Koma wokangaza kulemera sadzapulumuka cilango,

²¹Cetera siliri labwino, Ngakhale kulakwa kuti ukadye kanthu.

²²Mwini diso lankhwenzule akangaza kulemera, Osadziwa kuti umphawi udzamfikira.

²³Adzamkomera mtima wodzudzula m'tsogolo mwace, Koposa wosyasyalika ndi lilime lace.

²⁴Wobera atate wace, pena amace, nati, Palibe kulakwa; Ndiye mnzace wa munthu wopasula.

²⁵Wodukidwa mtima aputa makangano; Koma wokhulupirira Yehova adzakula.

²⁶Wokhulupirira mtima wace wace ali wopusa; Koma woyenda mwanzeru adzapulumuka,

²⁷Wogawira aumphawi sadzasowa; Koma wophimba maso ace adzatembereredwa kwambiri.

²⁸Pouka oipa anthu amabisala; Koma pakufa amenewo olungama acuruka.