Read Buku Lopatulik Miyambi 3 Bible Online

Miyambi 3 - Buku Lopatulik bible

Miyambi 3

¹Mwananga, usaiwale malamulo anga, Mtima wako usunge malangizo anga;

²Pakuti adzakuonjezera masiku ambiri, Ndi zaka za moyo ndi mtendere.

³Cifundo ndi coonadi zisakusiye; Uzimange pakhosi pako; Uzilembe pamtima pako;

⁴Motero udzapezakisomo ndi nzeru yabwino, Pamaso pa Mulungu ndi anthu.

⁵Khulupirira Yehova ndi mtima wako wonse, Osacirikizika pa luntha lako;

⁶Umlemekeze m'njira zako zonse, Ndipo Iye adzaongola mayendedwe ako.

⁷Usadziyese wekha wanzeru; Opa Yehova, nupatuke pazoipa;

⁸Mitsempha yako idzalandirapo moyo, Ndi mafupa ako uwisi.

⁹Lemekeza Yehova ndi cuma cako, Ndi zinthu zako zonse zoyambirira kuca;

¹⁰Motero nkhokwe zako zidzangoti the, Mbiya zako zidzasefuka vinyo.

¹¹Mwananga, usapeputse mwambo wa Yehova, Ngakhale kutopa ndi kudzudzula kwace;

¹²Pakuti Yehova adzudzula omwe awakonda; Monga atate mwana amene akondwera naye.

¹³Wodala ndi wopeza nzeru, Ndi woona luntha;

¹⁴Pakuti malonda a nzeru aposa malonda a siliva, Phindu lace liposa golidi woyengeka.

¹⁵Mtengo wace uposa ngale; Ndipo zonse zikukondweretsa sizilingana naye.

¹⁶Masiku ambiri ali m'dzanja lamanja lace; Cuma ndi ulemu m'dzanja lace lamanzere.

¹⁷Njira zace ziri zokondweretsa, Mayendedwe ace onse ndiwo mtendere.

¹⁸Ndiyo mtengo wa moyo wa akuigwira; Wakulumirira ngwodala.

¹⁹Yehova anakhazika dziko ndi nzeru; Naika zamwamba ndi luntha.

²⁰Zakuya zinang'ambika ndi kudziwakwace; Thambo ligwetsa mame.

²¹Mwananga, zisacokere ku maso ako; Sunga nzeru yeniyeni ndi kulingalira;

²²Ndipo mtima wako udzatengapo moyo, Ndi khosi lako cisomo.

²³Pompo udzayenda m'njira yako osaopa, Osapunthwa phazi lako.

²⁴Ukagona, sudzacita mantha; Udzagona tulo tokondweretsa.

²⁵Usaope zoopsya zodzidzimutsa, Ngakhale zikadza zopasula oipa;

²⁶Pakuti Yehova adzalimbitsa mtima wako, Nadzasunga phazi lako lingakodwe.

²⁷Oyenera kulandira zabwino usawamane; Pokhoza dzanja lako kuwacitira zabwino.

²⁸Usanene kwa mnzako, Ukabwerenso, Ndipo mawa ndidzakupatsa; Pokhala uli nako kanthu.

²⁹Usapangire mnzako ciwembu; Popeza akhala nawe pafupi osatekeseka.

³⁰Usakangane ndi munthu cabe, Ngati sanakucitira coipa,

³¹Usacitire nsanje munthu waciwawa; Usasankhe njira yace iri yonse.

³²Pakuti wamphulupulu anyansa Yehova; Koma cinsinsi cace ciri ndi oongoka.

³³Mulungu atemberera za m'nyumba ya woipa; Koma adalitsa mokhalamo olungama.

³⁴Anyozadi akunyoza, Koma apatsa akufatsa cisomo.

³⁵Anzeru adzalandira ulemu colowa cao; Koma opusa adzakweza manyazi.