Read Buku Lopatulik Miyambi 31 Bible Online

Miyambi 31 - Buku Lopatulik bible

Miyambi 31

¹Mau a Lemueli mfumu, uthenga umene amace anamphunzitsa.

²Ciani mwananga, Ciani mwana wa mimba yanga? Ciani mwana wa zowinda zanga?

³Musapereke mphamvu yako kwa akazi, Ngakhale kuyenda m'njira yoononga mafumu.

⁴Mafumu, Lemueli, mafumu sayenera kumwa vinyo; Akalonga sayenera kunena, Cakumwa caukali ciri kuti?

⁵Kuti angamwe, naiwale malamulo, Naweruze mokhota anthu onse osautsidwa.

⁶Wofuna kufa umpatse cakumwa caukali, Ndi vinyo kwa owawa mtima;

⁷Amwe, narwale umphawi wace, Osakumbukiranso bvuto lace.

⁸Tsegula pakamwa pako, ukanenere wosalankhula, Ndi mlandu wa amasiye onse.

⁹Tsegula pakamwa pako, Nuweruze molungama, nunenere osauka ndi aumphawi.

¹⁰Mkazi wangwiro ndani angampeze? Pakuti mtengo wace uposa ngale.

¹¹Mtima wa mwamuna wace umkhulupirira, Sadzasowa phindu.

¹²Mkaziyo amcitira zabwino, si zoipa, Masiku onse a moyo wace.

¹³Afuna ubweya ndi thonje, Nacita mofunitsa ndi manja ace.

¹⁴Akunga zombo za malonda; Nakatenga zakudya zace kutari.

¹⁵Aukanso kusanace, Napatsa banja lace zakudya, nagawira adzakazi ace nchito.

¹⁶Asinkhasinkha za munda, naugula; Naoka mipesa ndi zipatso za manja ace.

¹⁷Amanga m'cuuno mwace ndi mphamvu, Nalimbitsa mikono yace,

¹⁸Azindikira kuti malonda ace ampindulira; Nyali yace sizima usiku.

¹⁹Agwira njinga ya thonje ndi dzanja lace, Nafumbata mtengo wace.

²⁰Aolowera cikhato cace osauka; Natambasulira aumphawi manja ace.

²¹Saopera banja lace cipale cofewa; Pakuti banja lace lonse libvala mlangali.

²²Adzipangira zimbwi zamaangamaanga; Nabvala bafuta ndi guta woti biriwiri.

²³Mwamuna wace adziwika kubwalo, Pokhala pakati pa akuru a dziko.

²⁴Asoka maraya abafuta, nawagulitsa; Napereka mipango kwa wogulitsa malonda.

²⁵Abvala mphamvu ndi ulemu; Nangoseka nthawi ya m'tsogolo.

²⁶Atsegula pakamwa pace ndi nzeru, Ndipo cilangizo ca cifundo ciri pa lilime lace.

²⁷Ayang'anira mayendedwe a banja lace, Sadya zakudya za ulesi.

²⁸Anace adzanyamuka, nadzamucha wodala; Mwamuna wace namtama, nati,

²⁹Ana akazi ambiri anacita mwangwiro, Koma iwe uposa onsewo.

³⁰Kukongola kungonyenga, maonekedwe okoma ndi cabe; Koma mkazi woopa Yehova adzatamandidwa.

³¹Mumpatse zipatso za manja ace; Ndi nchito zace zimtame kubwalo.