Read Buku Lopatulik Miyambi 4 Bible Online

Miyambi 4 - Buku Lopatulik bible

Miyambi 4

¹Ananu, mverani mwambo wa atate, Nimuchere makutu mukadziwe luntha;

²Pakuti ndikuphunzitsani zabwino; Musasiye cilangizo canga.

³Pakuti ndinali mwana kwa atate wanga, Wokondedwa ndi mai, ndine ndekha, sanabala wina.

⁴Atate nandiphunzitsa, nati kwa ine, Mtima wako uumirire mau anga; Sunga malamulo anga, nukhale ndi moyo.

⁵Tenga nzeru, tenga luntha; Usaiwale, usapatuke pa mau a m'kamwa mwanga;

⁶Usasiye nzeru, ndipo Idzakusunga; Uikonde, idzakucinjiriza.

⁷Nzeru ipambana, tatenga nzeru; M'kutenga kwako konseko utenge luntha.

⁸Uilemekeze, ndipo idzakukweza; Idzakutengera ulemu pamene uifungatira.

⁹Idzaika cisada ca cisomo pamtu pako; Idzakupatsa korona wokongola.

¹⁰Tamvera mwananga, nulandire mau anga; Ndipo zaka za moyo wako zidzacuruka.

¹¹Ndakuphunzitsa m'njira ya nzeru, Ndakuyendetsa m'mayendedwe olungama.

¹²Mapazi ako sadzaombana ulikuyenda; Ukathamanga, sudzapunthwa.

¹³Gwira mwambo, osauleka; Uusunge; pakuti ndiwo moyo wako.

¹⁴Usalowe m'mayendedwe ocimwa, Usayende m'njira ya oipa.

¹⁵Pewapo, osapitamo; Patukapo, nupitirire.

¹⁶Pakuti akapanda kucita zoipa, samagona; Ndipo akapanda kukhumudwitsa wina, tulo tao tiwacokera.

¹⁷Pakuti amadya cakudya ca ucimo, Namwa vinyo wa cifwamba.

¹⁸Koma mayendedwe a olungama akunga kuunika kwa mbanda kuca, Kunkabe kuwala kufikira usana woti mbe.

¹⁹Njira ya oipa ikunga mdima; Sadziwa cimene ciwapunthwitsa,

²⁰Mwananga, tamvera mau anga; Cherera makutu ku zonena zanga.

²¹Asacoke ku maso ako; Uwasunge m'kati mwa mtima wako.

²²Pakuti ali moyo kwa omwe awapeza, Nalamitsa thupi lao lonse.

²³Cinjiriza mtima wako koposa zonse uzisunga; Pakuti magwero a moyo aturukamo.

²⁴Tasiya m'kamwa mokhota, Uike patari milomo yopotoka.

²⁵Maso ako ayang'ane m'tsogolo, Zikope zako zipenye moongoka,

²⁶Sinkasinkha bwino mayendedwe a mapazi ako; Njira zako zonse zikonzeke.

²⁷Usapatuke ku dzanja lamanja kapena kulamanzere; Suntha phazi lako kusiya zoipa.