Read Buku Lopatulik Miyambi 5 Bible Online

Miyambi 5 - Buku Lopatulik bible

Miyambi 5

¹Mwananga, mvera nzeru yanga; Cherera makutu ku luntha langa;

²Ukasunge zolingalira, Milomo yako ilabadire zomwe udziwa.

³Pakuti milomo ya mkazi waciwerewere ikukha uci; M'kamwa mwace muti see koposa mafuta.

⁴Cimariziro cace ncowawa ngati civumulo, Ndi cakuthwa ngati lupanga lakuthwa konse konse.

⁵Mayendedwe ace atsikira kuimfa; Mapazi ace aumirira kumanda;

⁶Sasinkhasinkha bwino za njira ya moyo; Mayendedwe ace adzandira dzandi dzandi osadziwa iye.

⁷Ndipo tsopano ana, mundimvere, Musapatuke ku mau a m'kamwa mwanga.

⁸Siyanitsa njira yako kutari kwa iyeyo, Osayandikira ku khomo la nyumba yace;

⁹Kuti ungapereke ulemu wako kwa ena, Ndi zaka zako kwa ankhanza;

¹⁰Kuti mphamvu yako isakhutitse alendo, Ndi kuti usagwire nchito m'nyumba ya wacilendo;

¹¹Ungalire pa cimariziro cako, Pothera nyama yako ndi thupi lako;

¹²Ndi kuti, Bwanji ndinada mwambo, Mtima wanga ndi kunyoza cidzudzulo;

¹³Ndipo sindinamvera mau a aphunzitsi anga; Ngakhale kucherera makutu kwa akundilanga mwambo!

¹⁴Ndikadakhala m'zoipa zonse, M'kati mwa msonkhano ndi khamu la anthu.

¹⁵Imwa madzi a m'citsime mwako, Ndi madzi oyenda a m'kasupe mwako.

¹⁶Kodi magwero ako ayenera kumwazika kunja, Ndi mitsinje ya madzi m'makwalala?

¹⁷Ikhale ya iwe wekha, Si ya alendo okhala nawe ai.

¹⁸Adalitsike kasupe wako; Ukondwere ndi mkazi wokula nayo.

¹⁹Ngati mbawala yokonda ndi cinkhoma cacisomo, Maere ace akukwanire nthawi zonse; Ukodwe ndi cikondi cace osaleka.

²⁰Pakuti ukondwerenji, mwananga, ndi mkazi waciwerewere, Ndi kufungatira cifuwa ca mkazi wacilendo?

²¹Pakuti njira za munthu ziri pamaso pa Yehova, Asinkhasinkha za mayendedwe ace onse.

²²Zoipazacezacezidzagwira woipa; Adzamangidwa ndi zingwe za ucimo wace.

²³Adzafa posowa mwambo; Adzasocera popusa kwambiri.