Read Buku Lopatulik Mlaliki 10 Bible Online

Mlaliki 10 - Buku Lopatulik bible

Mlaliki 10

¹Nchenche zakufa zinunkhitsa moipa nizioletsa mafuta onunkhira a sing'anga; comweco kupusa kwapang'ono kuipitsa iye amene achuka cifukwa ca nzeru ndi ulemu.

²Wanzeru, mtima wace uli ku dzanja lace lamanja; koma citsiru, mtima wace kulamanzere.

³Inde, poyendanso citsiru panjira, nzeru yace imthera ndipo angoti kwa onse kuti, Ndine citsiru.

⁴Ngati mkuru akukwiyira, usasiye malo ako; cifukwa cifatso cipembedza utacimwa kwambiri.

⁵Pali coipa ndaciona pansi pano, ngati kulakwa koyambira ndi mkuru;

⁶utsiru ukhazikika pamwamba penipeni, ndipo olemera angokhala mwamanyazi.

⁷Ndaona akapolo atakwera pa akavalo, ndi mafumu, alikuyenda pansi ngati akapolo.

⁸Wokumba mbuna adzagwamo; ndipo woboola mpanda njoka idzamluma.

⁹Wosendeza miyala adzaphwetekedwa nayo; wowaza nkhuni nadzitema.

¹⁰Citsulo cikakhala cosathwa, ndipo ukaleka kunola, uzipambana kulimbikira; koma nzeru ipindulira pocenjeza.

¹¹Njoka ikaluma isanalodzedwe, watsenga saona mphotho.

¹²Mau a m'kamwa mwa munthu wanzeru nga cisomo; koma milomo ya citsiru idzacimeza.

¹³Ciyambi ca mau a m'kamwa mwace ndi utsiru; ndipo cimariziro ca m'kamwa mwace ndi misala yoipa,

¹⁴Citsiru cicurukitsanso mau; koma munthu sadziwa cimene cidzaoneka; ndipo ndani angamuuze comwe cidzakhala m'tsogolo mwace?

¹⁵Nchito ya zitsiru izitopetsa zonsezo, pakuti sicidziwa kunka kumudzi.

¹⁶Tsoka kwa dzikowe, pamene mfumu yako ndiye mwana, ndipo akalonga ako adyera mamawa!

¹⁷Mwai kwa dzikowe, pamene mfumu yako ndiye mwana wa aufulu, ndipo akalonga ako adya pa nthawi yoyenera akalimbe osati akaledzere ai.

¹⁸Tsindwi litewa ndi mphwai za eni ace; nyumba nidontha ndi ulesi wa manja.

¹⁹Amaphikira zakudya kuti asekere, vinyo nakondweretsa moyo; ndipo ndalama zibvomera zonse.

²⁰Usatemberere mfumu ngakhale poganizira; usatemberere wolemera m'cipinda cogona iwemo; pakuti mbalame ya mlengalenga idzanyamula mauwo, ndipo couluka ndi mapiko cidzamveketsa zonenazo.