Read Buku Lopatulik Nyimbo 4 Bible Online

Nyimbo 4 - Buku Lopatulik bible

Nyimbo 4

¹Taona, wakongola, bwenzi langa, namwaliwe, taona, wakongola; Maso ako akunga a nkhunda patseri pa cophimba cako: Tsitsi lako likunga gulu la mbuzi, Zooneka pa phiri la Gileadi.

²Mano ako akunga gulu la nkhosa zosengasenga, Zokwera kucokera kosamba; Yonse iri ndi ana awiri, Palibe imodzi yopoloza.

³Milomo yako ikunga mbota yofiira, M'kamwa mwako ndi kukoma: Palitsipa pako pakunga phande la khangaza Patseri pa cophimba cako.

⁴Khosi lako likunga nsanja ya Davide anaimangira zida, Apacikapo zikopa zikwi, Ngakhale zikopa zonse za amuna amphamvu,

⁵Maere ako awiri akunga ana awiri a nswala obadwa limodzi, Akudya pakati pa akakombo.

⁶Mpaka dzuwa litapepa, mithunzi ndi kutanimpha, Ndikamuka ku phiri la nipa, Ndi ku citunda ca mtanthanyerere.

⁷Wakongola monse monse, wokondedwa wanga, namwaliwe, Mulibe cirema mwa iwe.

⁸Idza nane kucokera ku Lebano, mkwatibwi, Kucokera nane ku Lebano: Unguza pamwamba pa Amana, Pa nsonga ya Seniri ndi Hermoni, Pa ngaka za mikango, Pa mapiri a anyalugwe.

⁹Walanda mtima wanga, mlongwanga, mkwatibwi; Walanda mtima wanga ndi diso lako limodzi, Ndi cinganga cimodzi ca pakhosi pako,

¹⁰Ha, cikondi cako ncokongola, mlongwanga, mkwatibwi! Kodi cikondi cako siciposa vinyo? Kununkhira kwa mphoka yako ndi kuposa zonunkhiritsa za mitundu mitundu!

¹¹M'milomo yako, mkwatibwi, mukukha uci, Uci ndi mkaka ziri pansi pa lilime lako; Kununkhira kwa zobvala zako ndi kunga kununkhira kwa Lebano,

¹²Mlongwanga, mkwatibwi ndiye munda wotsekedwa; Ngati kasupe wotsekedwa, ndi citsime copikiza.

¹³Mphukira zako ndi munda wamakangaza, Ndi zipatso zofunika, bonongwe ndi mphoka,

¹⁴Mphoka ndi cikasu, Nzimbe ndi ngaho, ndi mitengo yonse yamtanthanyerere; Nipa ndi khonje, ndi zonunkhiritsa zonse zomveka.

¹⁵Ndiwe kasupe wa m'minda, Citsime ca madzi amoyo, Ndi mitsinje yoyenda yocokera ku Lebano.

¹⁶Galamuka, mphepo ya kumpoto iwe, nudze, mphepo iwe ya kumwela; Nuombe pamunda panga, kuti zonunkhiritsa zace ziturukemo. Bwenzi langa mnyamatayo, alowe m'munda mwace, Nadye zipatso zace zofunika.