Read Buku Lopatulik Nyimbo 7 Bible Online

Nyimbo 7 - Buku Lopatulik bible

Nyimbo 7

¹Ha, mapazi ako akongola m'zikwakwata, Mwana wamkaziwe wa mfumu! Pozinga m'cuuno mwako pakunga zonyezimira, Nchito ya manja a mmisiri waluso.

²Pamcombo pako pakunga cikho coulungika, Cosasowamo vinyo wosanganika: Pamimba pako pakunga mulu wa tirigu Wozingidwa ndi akakombo.

³Maere ako akunga ana awiri a nswala Anabadwa limodzi.

⁴Khosi lako likunga nsanja yaminyanga; Maso ako akunga matawale a ku Hesiboni, A pa cipata ca Batirabimu; Mphuno yako ikunga nsanja ya ku Lebano Imene iloza ku Damasiko.

⁵Mutu wako ukunga Karimeli, Ndi tsitsi la pamtu pako likunga nsaru yakuda; Mfumu yamangidwa ndi nkhata zace ngati wamsinga.

⁶Ha, ndiwe wokongola ndi wofunika, Bwenziwe, m'zokondweretsa!

⁷Msinkhu wakowu ukunga mlaza, Maere ako akunga matsango amphesa,

⁸Ndinati, Ndikakwera pamlazapo, Ndikagwira nthambi zace: Maere ako ange ngati matsango amphesa, Ndi kununkhira kwa mpweya wako ngati maula;

⁹M'kamwa mwako munge ngati vinyo woposa, Womeza tseketeke bwenzi langa, Wolankhulitsa milomo ya ogona tulo.

¹⁰Ndine wa wokondedwa wanga mnyamatayo, Ndine amene andifunayo.

¹¹Tiye, bwenzi langa, tinke kuminda; Titsotse m'miraga.

¹²Tilawire kunka ku minda yamipesa; Tiyang'ane ngati mpesa waphuka, kunje ndi kuonetsa zipatso, Makangaza ndi kutuwa maluwa ace; Pompo ndidzakupatsa cikondi canga,

¹³Mandimu anunkhira, Ndi pamakomo pathu zipatso zabwino, za mitundu mitundu, zakale ndi zatsopano, Zimene ndakukundikira iwe, wokondedwa wanga.