Read Buku Lopatulik Nyimbo 8 Bible Online

Nyimbo 8 - Buku Lopatulik bible

Nyimbo 8

¹Mwenzi utakhala ngati mlongwanga, Woyamwa pa bere la amai! Ndikadakupeza panja, ndikadakupsompsona; Osandinyoza munthu.

²Ndikadakutsogolera, kukulowetsa m'nyumba ya amai, Kuti andilange mwambo; Ndikadakumwetsa vinyo wokoleretsa, Ndi madzi a makangaza anga.

³Dzanja lamanzere lace akadanditsamiritsa kumutu, Lamanja lace ndi kundifungatira.

⁴Ndikulumbirirani, ana akazi inu a ku Yerusalemu, Muutsiranji, mugalamutsiranji cikondi, Cisanafune mwini.

⁵Ndaniyu acokera kucipululu, Alikutsamira bwenzi lace? Pa tsinde la muula ndinakugalamutsa mnyamatawe: Pomwepo amako anali mkusauka nawe, Pomwepo wakukubala anali m'pakati pa iwe.

⁶Undilembe pamtima pako, mokhoma cizindikilo, nundikhomenso cizindikilo pamkono pako; Pakuti cikondi cilimba ngati imfa; Njiru imangouma ngati manda: Kung'anima kwace ndi kung'anima kwa moto, Ngati mphezi ya Yehova,

⁷Madzi ambiri sangazimitse cikondi, Ngakhale mitsinje yodzala kucikokolola: Mwamuna akapereka katundu yense wa m'nyumba yace ngati sintho la cikondi, Akanyozedwa ndithu.

⁸Tiri ndi mlongwathu wamng'ono, Alibe maere; Ticitirenji mlongwathu Tsiku lokhoma unkhoswe wace?

⁹Ngati ndiye khoma, tidzamanga pa iye nsanja yasiliva: Ngati ndiye citseko tidzamtsekereza ndi matabwa amikungudza.

¹⁰Ndine khoma, maere anga akunga nsanja zace: Pamaso pa mnyamatayo ndinafanana ngati wopeza mtendere.

¹¹Solomo anali ndi munda wamipesa ku Baalahamoni; Nabwereka alimi mundawo; Yense ambwezere ndalama cikwi cifukwa ca zipatso zace.

¹²Koma munda wanga wamipesa, uli pamaso panga ndiwo wangatu; Naco cikwico, Solomo iwe, Koma olima zipatso zace azilandira mazana awiri.

¹³Namwaliwe wokhala m'minda, Anzake amvera mau ako: Nanenso undimvetse.

¹⁴Dzifulumira, mnyamatawe wokondedwa wanga, Dzifanane ngati mphoyo pena mwana wa mbawala Pa mapiri a mphoka,