Read Buku Lopatulik Yesaya 12 Bible Online

Yesaya 12 - Buku Lopatulik bible

Yesaya 12

¹Tsiku lomwelo udzati, Ndikuyamikani inu Yehova; pakuti ngakhale munandikwiyira, mkwiyo wanu wacoka, ndipo mutonthoza mtima wanga.

²Taonani, Mulungu ndiye cipulumutso canga; ndidzakhulupira, sindidzaopa; pakuti Yehova Mwini ndiye mphamvu yanga ndi nyimbo yanga, Iye ndiye cipulumutso canga.

³Cifukwa cace mudzakondwera pakutunga madzi m'zitsime za cipulumutso.

⁴Tsiku lomwelo mudzati, Muyamikire Yehova, bukitsani dzina lace, mulalikire macitidwe ace mwa mitundu ya anthu, munene kuti dzina lace lakwezedwa.

⁵Muyimbire Yehova; pakuti wacita zaulemerero; cidziwike ici m'dziko lonse.

⁶Tapfuula, takuwa iwe, wokhala m'Ziyoni, cifukwa Woyera wa Israyeli wa m'kati mwako ali wamkuru.