Read Buku Lopatulik Levitiko 18 Bible Online

Levitiko 18 - Buku Lopatulik bible

Levitiko 18

¹Ndipo Yehova ananena ndi Mose, nati,

²Nena ndi ana a Israyeli, nuti nao, Ine ndine Yehova Molungu wanu.

³Musamacita monga mwa macitidwe a dziko la Aigupto muja munakhalamo; musamacita monga mwa macitidwe a dziko la Kanani kumene ndipita nanuko, nimusamayenda m'malemba ao.

⁴Muzicita maweruzo anga, ndi kusunga malemba anga, kumayenda m'mwemo; Ine ndine Yehova Mulungu wanu.

⁵Inde, muzisunga malemba anga, ndi maweruzo anga; amenewo munthu akawacita, adzakhala nao ndi moyo; Ine ndine Yehova.

⁶Asasendere mmodzi wa inu kwa mbale wacekumbvula; Ine ndine Yehova.

⁷Usamabvula atate wako, ndi mai wako; ndiye mai wako, usamambvula.

⁸Usamabvula mkazi wa atate wako; ndiye thupi la atate wako.

⁹Usamabvula mlongo wako, mwana wamkazi wa atate wako, kapena mwana wamkazi wa mai wako, wobadwa kwanu, kapena wobadwa kwina.

¹⁰Usamabvula mwana wamkazi wa mwana wamwamuna wako, kapena mwana wamkazi wa mwana wamkazi wako; pakuti thupi lao ndi lako.

¹¹Usamabvula mwana wamkazi wa mkazi wa atate wako, amene anambala atate wako, ndiye mlongo wako.

¹²Usamabvula mlongo wa atate wako; ndiye wa cibale ca atate wako.

¹³Usamabvula mbale wa mai wako; popeza ndiye mbale wa mai wako.

¹⁴Usamabvula mbale wa atate wako; usamasendera kwa mkazi wace; ndiye mai wako.

¹⁵Usamabvula mpongozi wako; ndiye mkazi wa mwana wamwamuna wako; usamambvula.

¹⁶Usamabvula mkazi wa mbale wako; ndiye thupi la mbale wako.

¹⁷Usamabvula mkazi ndi mwana wamkazi wace; usamatenga mwana wamkazi wa mwana wamwamuna wace, kapena mwana wamkazi wa mwana wamkazi wace kumbvula; ndiwo abale; cocititsa manyazi ici.

¹⁸Usamtenga mkazi kumuonjezera kwa mbale wace, kumbvuta, kumbvula pamodzi ndi mnzace, akah ndi moyo mnzaceyo.

¹⁹Usamasendera kwa mkazi kumbvula pokhala ali padera cifukwa ca kudetsedwa kwace.

²⁰Usagona naye mkazi wa mnansi wako, kudetsedwa naye limodzi.

²¹Ndipo usamapereka a mbumba yako kuwapitiriza kumoto cifukwa ca Moleke, usamaipsa dzina la Mulungu wako: Ine ndine Yehova.

²²Usamagonana ndi mwamuna, monga amagonana ndi mkazi; conyansa ici.

²³Ndipo usamagonana ndi nyama iri yonse, kudetsedwa nayo; kapena mkazi asamaima panyama, kugonana nayo; cisokonezo coopsa ici.

²⁴Musamadzidetsa naco cimodzi ca izi; pakuti amitundu amene ndiwapitikitsa pamaso panu amadetsedwa nazo zonsezi;

²⁵dziko lomwe lidetsedwa; cifukwa cace ndililanga, ndi dzikoli lisanza okhala m'mwemo.

²⁶Koma inu, muzisunga malemba anga ndi maweruzo anga, osacita cimodzi conse ca zonyansa izi; ngakhale wa m'dziko ngakhale mlendo wakugonera pakati pa inu;

²⁷(pakuti eni dziko okhalako, musanafike inu, anazicita zonyansa izi zonse, ndi dziko linadetsedwa)

²⁸lingakusanzeni inunso dzikoli, polidetsa inu, monga linasanza mtundu wa anthu wokhalako musanafike inu.

²⁹Pakuti ali yense akacita ciri conse ca zonyansa Izi, inde amene azicita idzasadzidwa pakati pa anthu a mtundu wao.

³⁰Potero muzisunga cilangizo canga, ndi kusacita ziri zonse za miyambo yonyansayi anaicita musanafike inu, ndi kusadzidetsa nayo: Ine ndine Yehova Mulungu-wako.