Read Buku Lopatulik Maliro 4 Bible Online

Maliro 4 - Buku Lopatulik bible

Maliro 4

¹Ha! golidi wagugadi; golidi woona woposa wasandulika; Miyala ya malo opatulika yakhutulidwa pa malekezero a makwalalaonse.

²Ana a Ziyoni a mtengo wapatari, olingana ndi golidi woyengetsa, Angoyesedwa ngati mbiya zadothi zozipanga manja a woumba.

³Angakhale ankhandwe amapatsa bere, nayamwitsa ana ao; Koma mwana wamkazi wa anthu amtundu wanga wasanduka wankhanza, ngati nthiwatiwa za m'cipululu.

⁴Lilime la mwana woyamwa limamatira kumalakalaka kwace ndi ludzu; Ana ang'ono apempha mkate koma palibe wakuwanyemera.

⁵Omwe anadya zolongosoka angosiyidwa m'makwalala; Omwe analeredwa nabvekedwa mlangali afungatira madzala.

⁶Pakuti mphulupulu ya mwana wamkazi wa anthu amtundu wanga, ikula koposa cimo la Sodomu, Umene unapasuka m'kamphindi, anthu osaucitira kanthu.

⁷Omveka ace anakonzeka koposa cipale cofewa, nayera koposa mkaka, Matupi ao anafiira koposa timiyala toti pyu; maonekedwe ao ananga a safiro wa mtengo wapatari.

⁸Maonekedwe ao ada koposa makala, sazindikirika m'makwalala; Khungu lao limamatira pa mafupa ao, lakhwinyata, lasanduka ngati ndodo.

⁹Ophedwa ndi lupanga amva bwino kupambana ophedwa ndi njala; Pakuti amenewa angokwalika napyozedwa, posowa zipatso za m'munda.

¹⁰Manja a akazi acisoni anaphika anaanao; Anali cakudya cao poonongeka mwana wamkazi wa anthu a mtundu wanga.

¹¹Yehova wakwaniritsa kuzaza kwace, watsanulira ukali wace; Anayatsa moto m'Ziyoni, unanyambita maziko ace,

¹²Mafumu a dziko lapansi sanakhulupirira, ngakhale onse okhala kunja kuno, Kuti adani ndi amaliwongo adzalowadi m'zipata za Yerusalemu.

¹³Ndico cifukwa ca macimo a aneneri ndi mphulupulu za ansembeace, Amene anakhetsa mwazi wa olungama pakati pace.

¹⁴Asocera m'makwalala ngati akhungu, aipsidwa ndi mwazi; Anthu sangakhudze zobvala zao.

¹⁵Amapfuula kwa iwo, Cokani, osakonzeka inu, cokani, cokani, musakhudze kanthu. Pothawa iwo ndi kusocera, anthu anati mwa amitundu, Sadzagoneranso kuno.

¹⁶Mkwiyo wa Yehova unawalekanitsa, sadzawasamaliranso; Iwo sanalemekeza ansembe, sanakomera mtima akulu.

¹⁷Maso athu athedwa, tikali ndi moyo, poyembekeza thandizo cabe; Kudikira tinadikira mtundu wosatha kupulumutsa.

¹⁸Amalondola mapazi athu, sitingayende m'makwalala athu; Citsiriziro cathu cayandikira, masiku athu akwaniridwa; pakuti citsiriziro cathu cafikadi.

¹⁹Otilondola anaposa ziombankhanga za m'mlengalenga m'liwilo lao, Anatithamangitsa pamapiri natilalira m'cipululu.

²⁰Wodzozedwa wa Yehova, ndiye mpweya wa m'mphuno mwathu, anagwidwa m'maenje ao; Amene tinanena kuti, Tidzakhala m'mthunzi mwace pakati pa amitundu,

²¹Kondwera nusangalale, mwana wamkazi wa Edomu, wokhala m'dzikola Uzi; Cikho cidzapita ngakhale mwa iwenso; udzaledzera ndi kubvulazako.

²²Mphulupulu yako yatha, mwana wamkazi wa Ziyoni, Yehova sadzakutenganso ndende; Koma adzazonda mphulupulu yako, mwana wa mkazi wa Edomu, nadzabvumbulutsa zocimwa zako.