Read Buku Lopatulik Maliro 5 Bible Online

Maliro 5 - Buku Lopatulik bible

Maliro 5

¹Yehova, kumbukirani cotigweraci, Penyani nimuone citonzo cathu.

²Colowa cathu casanduka ca alendo, Ndi nyumba zathu za acilendo.

³Ndife amasiye opanda atate, Amai athu akunga akazi amasiye.

⁴Tinamwa madzi athu ndi ndalama, Tiona nkhuni zathu pozigula.

⁵Otilondola atigwira pakhosi pathu, Tatopa osaona popumira.

⁶Tinagwira mwendo Aigupto Ndi Asuri kuti tikhute zakudya.

⁷Atate athu anacimwa, kulibe iwo; Ndipo tanyamula mphulupulu zao.

⁸Akapolo atilamulira; Palibe wotipulumutsa m'dzanja lao.

⁹Timalowa m'zoopsya potenga zakudya zathu, Cifukwa ca lupanga la m'cipululu,

¹⁰Khungu lathu lapserera ngati pamoto Cifukwa ca kuwawa kwa njala.

¹¹Anaipitsa akazi m'Ziyoni, Ndi anamwali m'midzi ya Yuda.

¹²Anawapacika akalonga manja ao; Sanalemekeza nkhope za akulu.

¹³Anyamata ananyamula mphero, Ana nakhumudwa posenza nkhuni.

¹⁴Akulu adatha kuzipata, Anyamata naleka nyimbo zao.

¹⁵Cimwemwe ca mtima wathu calekeka, Masewera athu asanduka maliro.

¹⁶Korona wagwa pamutu pathu; Kalanga ife! pakuti tinacimwa.

¹⁷Cifukwa ca ici mtima wathu ufoka, Cifukwa ca izi maso athu acita cimbuuzi;

¹⁸Pa phiri la Ziyoni lopasukalo Ankhandwe ayendapo.

¹⁹Inu, Yehova, mukhala cikhalire, Ndi mpando wanu wacifumu ku mibadwo mibadwo.

²⁰Bwanji mutiiwala ciiwalire, Ndi kutisiya masiku ambirimbiri;

²¹Mutitembenuzire kwa Inu, Yehova, ndipo tidzatembenuzidwadi, Mukonzenso masiku athu ngati kale lija.

²²Koma mwatikaniza konse, Mwatikwiyira kopambana.