Read Buku Lopatulik Yona 2 Bible Online

Yona 2 - Buku Lopatulik bible

Yona 2

¹Pamenepo Yona anapemphera kwa Yehova Mulungu wace ali m'mimba mwa nsombayo.

²Ndipo anati, Ndinaitana Yehova m'nsautso yanga, Ndipo anandiyankha ine; Ndinapfuula ndiri m'mimba ya manda, Ndipo munamva mau anga.

³Pakuti munandiponya mwakuya m'kati mwa nyanja, Ndipo madzi anandizinga; Mapfunde anu onse a nyondonyondo anandimiza.

⁴Ndipo ndinati, Ndatayika ndicoke pamaso panu; Koma ndidzapenyanso Kacisi wanu wopatulika.

⁵Madzi anandizinga mpaka moyo wanga, Madzi akuya anandizungulira, Kayandeyande wa m'nyanja anandikulunga mutu.

⁶Ndinatsikira ku matsinde a mapiri, Mipingiridzo ya dziko inanditsekereza kosatha; Koma munandikwezera moyo wanga kuucotsa kucionongeko, Yehova Mulungu wanga.

⁷Pokomoka moyo wanga m'kati mwanga ndinakumbukila Yehova; Ndi pemphero langa linafikira Inu m'Kacisi wanu wopatulika.

⁸Iwo osamalira mabodza opanda pace Ataya cifundo cao cao.

⁹Koma ine ndidzakupherani Inu nsembe ndi mau akuyamika, Ndidzakwaniritsacowindacanga. Cipulumutso nca Yehova.

¹⁰Pamenepo Yehova analankhula ndi nsombayo, ndipo inamsanzira Yona kumtunda.