Read Buku Lopatulik Numeri 23 Bible Online

Numeri 23 - Buku Lopatulik bible

Numeri 23

¹Ndipo Balamu anati kwa Balaki, Ndimangireni kuno maguwa a nsembe asanu ndi awiri, nimundikonzere kuno ng'ombe zisanu ndi ziwiri, ndi nkhosa zamphongo zisanu ndi ziwiri.

²Ndipo Balaki anacita monga Balamu ananena; ndipo Balaki ndi Balamu anapereka pa guwa la nsembe liri lonse ng'ombe ndi nkhosa yamphongo.

³Ndipo Balamu anati kwa Balaki, Imani pa nsembe yopsereza yanu, ndipite ine, kapena Yehova akadza kukomana ndi ine; ndipo cimene akandionetsa ine ndidzakufotokozerani. Ndipo anapita pamsanje poyera,

⁴Pamenepo Mulungu anakomana ndi Balamu; ndipo ananena ndi iye, Ndakonza maguwa a nsembe asanu ndi awiri, ndipo ndapereka ng'ombe ndi nkhosa yamphongo pa guwa la nsembe liri lonse.

⁵Ndipo Yehova anaika mau m'kamwa mwa Balamu, nati, Bwerera kwa Balaki, nukanene cakuti cakuti.

⁶Ndipo anabwerera kwa iye, ndipo, taonani, analikuima pa nsembe yopsereza yace, iye ndi akalonga onse a Moabu.

⁷Ndipo ananena fanizo lace, nati, Ku Aramu ananditenga Balaki, Mfumu ya Moabu ananditenga ku mapiri a kum'mawa; Idza, udzanditembererere Yakobo. Idza, nudzanyoze Israyeli.

⁸Ndidzatemberera bwanji amene Mulungu sanamtemberera? Ndidzanyoza bwanji, amene Yehova sanamnyoza?

⁹Pakuti, pokhala pamwamba pa matanthwe ndimpenya, Pokhala pa zitunda ndimuyang'ana; Taonani, ndiwo anthu akukhala paokha. Osadziwerengera pakati pa amitundu ena,

¹⁰Adzawerenga ndani pfumbi la Yakobo, Kapena kuwerenga limodzi la magawo anai la Israyeli? Ndipo ine ndife monga amafa aongoka mtima, Citsiriziro canga cifanane naco cace!

¹¹Pamenepo Balaki anati kwa Balamu, Wandicitiranji? Ndinakutenga utemberere adani anga, ndipo taona, wawadalitsa ndithu.

¹²Ndipo anayankha nati, Cimene aciika m'kamwa mwanga Yehova, sindiyenera kodi kunena ici?

¹³Ndipo Balaki anati naye, Tiyetu, upite nane kumalo kwina, kumene ukawaona; udzaona malekezero ao okha, osawaona onse; ndipo pokhala pamenepo ukanditembererere iwo.

¹⁴Ndipo anamuka naye ku thengo la Zofimu, pamwamba pa Pisiga, namangako maguwa a nsembe asanu ndi awiri, napereka ng'ombe ndi nkhosa pa guwa la nsembe liri lonse.

¹⁵Ndipo anati kwa Balaki, Imani pano pa nsembe yopsereza yanu, ndipite ine ndikakomane ndi iye uko.

¹⁶Ndipo Yehova anakomana naye Balamu, naika mau m'kamwa mwace, nati, Bwerera kwa Balaki, nukanene cakuti cakuti.

¹⁷Ndipo anadza kuli iye, ndipo taona, analikuima pa nsembe yace yopsereza, ndi akalonga a Moabu pamodzi naye. Ndipo Balaki anati kwa iye, Wanenanji Yehova?

¹⁸Ndipo ananena fanizo lace, nati, Ukani, Balaki, imvani; Ndimvereni, mwana wa Zipori;

¹⁹Mulungu sindiye munthu, kuti aname; Kapena mwana wa munthu, kuti aleke; Kodi anena, osacita?

²⁰Kapena kulankhula, osacitsimikiza? Taonani, ndalandira mau akudalitsa, Popeza iye wadalitsa, sinditha kusintha.

²¹Sayang'anira mphulupulu iri m'Yakobo, Kapena sapenya kupulukira kuli m'lsrayeli. Yehova Mulungu wace ali ndi iye, Ndi mpfuu wa mfumu uli pakati pao,

²²Mulungu awaturutsa m'Aigupto; Mphamvu yace ikunga ya njati.

²³Pakuti palibe nyanga pakati pa Yakobo, Kapena ula mwa Israyeli; Pa nyengo yace adzanena kwa Yakobo ndi Israyeli, Cimene Mulungu acita.

²⁴Taonani, anthuwo auka ngati mkango waukazi, Nadzitukumula ngati mkango waumuna: Sugonansokufikira utadya nyama yogwira, Utamwa mwazi wa zophedwa.

²⁵Ndipo Balaki anati kwa Balamu, Usawatemberera konse, kapena kuwadalitsa konse.

²⁶Koma Balamu anayankha nati kwa Balaki, Sindinakuuzani ndi kuti, Ciri conse acinena Yehova, comweco ndizicita?

²⁷Ndipo Balaki anati kwa Balamu, Tiyetu, ndimuke nawe kumalo kwina; kapena kudzakomera pamaso pa Mulungu kuti unditembererere iwo pokhala kumeneko.

²⁸Ndipo Balaki anamka naye Balamu pamwamba pa Peori, popenyana ndi cipululu.

²⁹Ndipo Balamu anati kwa Balaki, Mundimangire pano maguwa a nsembe asanu ndi awiri, nimundikonzere pano ng'ombe zisanu ndi ziwiri, ndi nkhosa zamphongo zisanu ndi ziwiri.

³⁰Ndipo Balaki anacita monga adanena Balamu, napereka ng'ombe ndi nkhosa yamphongo pa guwa la nsembe liri laose.