Read Buku Lopatulik Numeri 33 Bible Online

Numeri 33 - Buku Lopatulik bible

Numeri 33

¹Maulendo a ana a Israyeli amene anaturuka m'dziko la Aigupto monga mwa makamu ao, ndi dzanja la Mose ndi Aroni, ndi awa.

²Ndipo Mose analembera maturukidwe ao monga mwa maulendo ao, monga mwa mau a Yehova; ndipo maulendo ao ndi awa monga mwa maturukidwe ao.

³Ndipo anacokera ku Ramese mwezi woyamba, tsiku lakhumi ndi cisanu la mwezi woyamba; atacita Paskha m'mawa mwace ana a Israyeli, anaturuka ndi dzanja lokwezeka pamaso pa Aaigupto onse,

⁴pamene Aaigupto ailalikuika oyamba kubadwa ao onse, amene Yehova adawakantha; Yehova adaweruzanso milungu yao.

⁵Ndipo ana a Israyeli macokera ku Ramese, nayenda namanga ku Sukoti.

⁶Nacokera ku Sukoti, nayenda namanga m'Etamu, ndiko ku malekezero a cipululu.

⁷Ndipo anacokera ku Etamu, nayenda nabwerera ku Pihahiroti, ndiko kutsogolo kwace kwa Baala Zefoni; namanga iwo patsogolo pa Migidoli.

⁸Ndipo anacokera ku Pihahiroti, naoloka pakati pa nyanja nalowa m'cipululu; nayenda ulendo wa masiku atatu m'cipululu ca Etamu, namanga m'Mara.

⁹Ndipo anacokera ku Mara, nayenda nafika ku Elimu, ku Elimu ndiko kuli akasupe khumi ndi awiri a madzi, ndi akanjedza makumi asanu ndi awiri; namanga iwo komweko.

¹⁰Ndipo anacokera ku Elimu, nayenda namanga ku Nyanja Yofiira.

¹¹Nacokera ku Nyanja Yofiira, nayenda namanga m'cipululu ca Sini.

¹²Nacokera ku cipululu ca Sini, nayenda namanga m'Dofika.

¹³Nacokera ku Dofika, nayenda namanga m'Alusi.

¹⁴Nacokera ku Alusi, nayenda namanga m'Refidimu; kumeneko kunalibe madzi kuti anthu amwe.

¹⁵Ndipo anacokera ku Refidimu, nayenda namanga m'cipululu ca Sinai.

¹⁶Nacokera ku cipululu ca Sinai, nayenda namanga m'Kibiroti Hatava.

¹⁷Nacokera ku Kibiroti Hatava, nayenda namanga m'Hazeroti.

¹⁸Nacokera ku Hazeroti, nayenda namanga m'Ritima.

¹⁹Nacokera ku Ritima, nayenda namanga m'Rimoni Perezi.

²⁰Nacokera ku Rimoni Perezi, nayenda namanga m'Libina.

²¹Nacokera ku Libina, nayenda namanga m'Risa.

²²Nacokera ku Risa, nayenda namanga m'Kehelata.

²³Nacokera ku Kehelata, nayenda namanga m'phiri la Saferi.

²⁴Nacokera ku phiri la Saferi, nayenda namanga n'Harada.

²⁵Nacokera ku Harada, nayenda namanga m'Makeloti.

²⁶Nacokera ku Makeloti, nayenda namanga m'Tahata.

²⁷Nacokera ku Tahata, nayenda namanga m'Tara.

²⁸Nacokera ku Tara, nayenda namanga m'Mitika.

²⁹Nacokera ku Mitika, nayenda namanga m'Hasimona.

³⁰Nacokera ku Hasimona, nayenda namanga m'Moseroto.

³¹Nacokera ku Moseroto, nayenda namanga m'Bene Yaakana.

³²Nacokera ku Bene Yaakana, nayenda namanga m'Hori Hagidigadi.

³³Nacokera ku Hori Hagidigadi, nayenda namanga m'Yotibata.

³⁴Nacokera ku Yotibata, nayenda namanga m'Abirona.

³⁵Nacokera ku Abirona, nayenda namanga m'Ezioni Geberi.

³⁶Nacokera ku Ezioni Geberi, nayenda namanga m'cipululu ca Zini (ndiko Kadesi).

³⁷Nacokera ku Kadesi, nayenda namanga m'phiri la Hori, ku malekezero a dziko la Edomu.

³⁸Ndipo Aroni wansembe anakwera m'phiri la Hori pa mau a Yehova, nafa komweko, ataturuka ana a Israyeli m'dziko la Aigupto zaka makumi anai, mwezi wacisanu, tsiku loyamba la mwezi.

³⁹Ndipo Aroni ndiye wa zaka zana limodzi mphambu makumi awiri kudza zitatu pakufa iye m'phiri la Hori.

⁴⁰Ndipo Mkanani, mfumu ya Aradi, wakukhala kumwela m'dziko la Kanani, anamva za kudza kwao kwa ana a Israyeli.

⁴¹Ndipo anacokera ku phiri la Hori, nayenda namanga m'Tsalimona.

⁴²Nacokera ku Tsalimona, nayenda namanga m'Punoni.

⁴³Nacokera ku Punoni, nayenda namanga m'Oboti.

⁴⁴Nacokera ku Oboti, nayenda namanga m'iye Abarimu, m'malire a Moabu.

⁴⁵Nacokera ku lyimu, nayenda namanga m'Diboni Gadi.

⁴⁶Nacokera ku Diboni Gadi, nayenda namanga m'Alimoni Diblataimu.

⁴⁷Nacokera ku Alimoni Diblataimu, nayenda namanga m'mapiri a Abarimu, cakuno ca Nebo.

⁴⁸Nacokera ku mapiri a Abarimu, nayenda namanga m'zidikhaza Moabu pa Yordano ku Yeriko,

⁴⁹Ndipo anamanga pa Yordano, kuyambira ku Beti Yesimoti kufikira ku Abeli Sitimu m'zidikha za Moabu.

⁵⁰Ndipo Yehova ananena ndi Mose m'zidikha za Moabu pa YordaBaku Yeriko, nati,

⁵¹Nena ndi ana a Israyeli, nuti nao, Mutaoloka Yordano kulowa m'dziko la Kanani,

⁵²mupitikitse onse okhala m'dzikopamaso panu, ndi kuononga mafano ao onse a miyala, ndi kuononga mafano ao onse oyenga, ndi kupasula misanje yao yonse;

⁵³ndipo mulande dziko, ndi kukhala m'mwemo, pakuti ndinakupatsani inu dzikoli likhale lanu lanu.

⁵⁴Ndipo mulandire dzikoli ndi kucita maere monga mwa mabanja anu; colowa cao cicurukire ocurukawo, colowa cao cicepere ocepawo; kumene maere amgwera munthu, kumeneko nkwace; mulandire colowa canu monga mwa mapfuko a makolo anu.

⁵⁵Koma mukapanda kupitikitsa okhala m'dziko pamaso panu, pamenepo iwo amene muwalola atsale adzakhala ngati zotwikira m'maso mwanu, ndi minga m'mbali zanu, nadzakubvutani m'dziko limene mukhalamo.

⁵⁶Ndipo kudzakhala kuti monga ndinayesa kucitira iwowa, ndidzakucitirani inu.