Read Buku Lopatulik Habakuku 3 Bible Online

Habakuku 3 - Buku Lopatulik bible

Habakuku 3

¹Pemphero la Habakuku mneneri, pa Sigionoto.

²Yehova, ndinamva mbiri yanu ndi mantha; Yehova, tsitsimutsani nchito yanu pakati pa zaka, Pakati pa zaka mudziwitse; Pa mkwiyo mukumbukile cifundo.

³Mulungu anafuma ku Temani, Ndi Woyerayo ku phiri la Parana. Ulemerero wace unaphimba miyamba, Ndi dziko lapansi linadzala ndi kumlemekeza.

⁴Ndi kunyezimira kwace kunanga kuunika; Anali nayo mitsitsi ya dzuwa yoturuka m'dzanja lace. Ndi komweko kunabisika mphamvu yace.

⁵Patsogolo pace panapita mliri, Ndi makara amoto anaturuka pa mapaziace.

⁶Anaimirira, nandengulitsa dziko lapansi; Anapenya, nanjenjemeretsa amitundu; Ndi mapiri acikhalire anamwazika, Zitunda za kale lomwe zinawerama; Mayendedwe ace ndiwo a kale lomwe.

⁷Ndinaona mahema a Kusani ali mkusauka; Nsaru zocinga za dziko la Midyani zinanjenjemera.

⁸Kodi Yehova anaipidwa nayo mitsinje? Mkwiyo wanu unali pamitsinje kodi, Kapena ukali wanu panyanja, Kuti munayenda pa akavalo anu, Pa magareta anu a cipulumutso?

⁹Munapombosola uta wanu; Malumbiro analumbirira mafuko anali mau oona. Munang'amba dziko lapansi ndi mitsinje.

¹⁰Mapiri anakuonani, namva zawawa; Cigumula ca madzi cinapita; Madzi akuya anamveketsa mau ace, Nakweza manja ace m'mwamba.

¹¹Dzuwa ndi mwezi zinaima njera mokhala mwao; Pa kuunika kwa mibvi yanu popita iyo. Pa kung'anipa kwa nthungo yanu yonyezimira.

¹²Munaponda dziko ndi kulunda, Munapuntha amitundu ndi mkwiyo.

¹³Munaturukira cipulumutso ca anthu anu, Cipulumutso ca odzozedwa anu; Munakantha mutu wa nyumba yawoipa, Ndi kufukula maziko kufikira m'khosi.

¹⁴Munapyoza ndi maluti ace mutu wa ankhondo ace; Anadza ngati kabvumvulu kundimwaza; Kukondwerera kwao kunanga kufuna kutha ozunzika mabisika.

¹⁵Munaponda panyanja ndi akavaloanu, Madzi amphamvu anaunjikana mulu.

¹⁶Ndinamva, ndi m'mimba mwanga munabwadamuka, Milomo yanga inanthunthumira pamau, M'mafupa mwanga mudalowa cibvundi, ndipo ndinanjenjemera m'malo mwanga; Kuti ndipumule tsiku lamsauko, Pamene akwerera anthu kuti ayambane nao ndi makamu.

¹⁷Cinkana mkuyu suphuka, Kungakhale kulibe zipatso kumpesa; Yalephera nchito ya azitona, Ndi m'minda m'mosapatsa cakudya; Ndi zoweta zacotsedwa kukhola, Palibenso ng'ombe m'makola mwao;

¹⁸Koma ndidzakondwera mwa Yehova, Ndidzasekerera mwa Mulungu wa cipulumutso canga.

¹⁹Yehova, Ambuye, ndiye mphamvuyanga, Asanduliza mapazi anga ngati a mbawala, Nadzandipondetsa pa misanje yanga.