Read Buku Lopatulik Mateyu 14 Bible Online

Mateyu 14 - Buku Lopatulik bible

Mateyu 14

¹Nthawi imeneyo Herode mfumu anamva mbiri ya Yesu,

²nanena kwa anyamata ace, U yo ndiye Yohane Mbatizi; anauka kwa akufa; ndipo cifukwa ca ici zamphamvuzi zilimbalimba mwa iye.

³Pakuti Herode adamgwira Yohane, nammanga, namuika m'nyumba yandende cifukwa ca Herodiya, mkazi wa mbale wace Filipo.

⁴Pakuti Yohane ananena kwa iye, Sikuloledwa kwa iwe kukhala naye.

⁵Ndipo pofuna kumupha iye, anaopa khamu la anthu, popeza anamuyesa iye mneneri.

⁶Koma pakufika tsiku la kubadwa kwace kwa Herode, mwana wamkazi wa Herodiya anabvina pakati pao, namkondweretsa Herode.

⁷Pomwepo iye anamlonjeza cilumbirire, kumpatsa iye cimene ciri conse akapempha.

⁸Ndipo iye, atampangira amace, anati, Ndipatseni ine kuno m'mbizi mutu wa Yohane Mbatizi. Ndipo mfumuyo anagwidwa ndi cisoni;

⁹koma cifukwa ca malumbiro ace, ndi ca iwo anali naye pacakudya, analamulira upatsidwe;

¹⁰ndipo anatumiza mnyamata, namdula mutu Yohane m'nyumba yandende.

¹¹Ndipo anautenga mutu wace m'mbizimo, naupatsa buthulo: ndipo iye anamuka nao kwa amace.

¹²Ndipo ophunzira ace anadza, natola mtembo, nauika; ndipo anadza nauza Yesu.

¹³Ndipo Yesu pakumva, anacokera kumeneko m'ngalawa, kunka ku malo acipululu pa yekha; ndipo makamu, pamene anamva, anamtsata Iye mumtunda kucokera m'midzi.

¹⁴Ndipo Iye anaturuka, naona khamu lalikuru la anthu, nacitira iwo cifundo, naciritsa akudwala ao.

¹⁵Ndipo pamene panali madzulo, ophunzira ace anafika kwa Iye, nanena, Malo ano nga cipululu, ndipo nthawi yapita tsopano; kauzeni makamuwo amuke, apite ku midzi kukadzigulira okha kamba.

¹⁶Koma Yesu anati kwa iwo, Iwo alibe cifukwa ca kumukira, apatseni ndinu adye.

¹⁷Koma iwo ananena kwa Iye, Ife tiribe kanthu pano koma mikate isanu, ndi nsomba ziwiri.

¹⁸Ndipo Iye anati, Mudze nazo kuno kwa Ine.

¹⁹Ndipo Iye analamulira makamu a anthu akhale pansi pamaudzu; ndipo Iye anatenga mikate isanuyo ndi nsomba ziwirizo, ndipo m'mene anayang'ana kumwamba, anadalitsa, nanyema, napatsa mikateyo kwa ophunzira, ndi ophunzira kwa makamuwo.

²⁰Ndipo anadya onse, nakhuta; ndipo anatola makombo otsala, mitanga khumi ndi iwiri yodzala.

²¹Ndipo anadyawo anali amuna monga zikwi zisanu, kuwaleka akazi ndi ana.

²²Ndipo pomwepo Iye anafulumiza ophunzira alowe m'ngalawa, ndi kumtsogolera Iye ku tsidya lija, kufikira Iye atauza makamu amuke.

²³Ndipo pamene Iye anawauza makamuwo, anakwera m'phiri pa yekha, kukapemphera: ndipo pamene panali madzulo, Iye anakhala kumeneko yekha.

²⁴Koma pomwepo ngalawa idafika pakati pa nyanja, yozunzika ndi mafunde; pakuti mphepo inadza mokomana nao.

²⁵Ndipo pa ulonda wacinai wa usiku, Iye anadza kwa iwo, nayenda pamwamba pa nyanja.

²⁶Koma m'mene ophunzirawo anamuona Iye, alikuyenda pamadzi, ananthunthumira, nati, ndi mzukwa! Ndipo anapfuula ndi mantha.

²⁷Koma pomwepo Yesu analankhula nao, nati, Limbani mtima; ndine; musaope.

²⁸Ndipo Petro anamyankha Iye nati, Ambuye, ngati ndinutu, mundiuze ndidze kwa lou pamadzi.

²⁹Ndipo Iye anati, Idza, Ndipo Petro anatsika m'ngalawa, nayenda pamadzi, kufika kwa Yesu.

³⁰Koma m'mene iye anaiona mphepo, ana, opa; ndipo poyamba kunura, anapfuula, nati, Ambuye, ndipulumutseni ine!

³¹Ndipo pomwepo Yesu anatansa dzanja lace, namgwira iye, nanena naye, Iwe wokhulupirira pang'ono, wakayikiranji mtima?

³²Ndipo pamene iwo analowa m'ngalawamo, mphepo inaleka.

³³Ndipo iwo amene anali m'ngalawamo anamgwadira, nanena, Zoonadi, ndinu Mwana wa Mulungu.

³⁴Ndipo pamene iwo anaoloka, anafika kumtunda, ku Genesarete.

³⁵Ndipo m'meneamuna a pamenepo anamzindikira, anatumiza konse ku dziko lonse lozungulira, nadzanao kwa Iye onse akukhala ndi nthenda;

³⁶ndipo anampempha Iye, kuti akhudze yokha mphonje ya cobvala cace; ndipo onse amene anamkhudza anaciritsidwa.