Read Buku Lopatulik Mateyu 22 Bible Online

Mateyu 22 - Buku Lopatulik bible

Mateyu 22

¹Ndipo Yesn anayankha, nalankhulanso kwa iwo m'mafanizo, nati,

²Ufumu wa Kumwamba ufanafana ndi munthu, mfumu, amene anakonzera mwana wace phwando la ukwati,

³natumiza akapolo ace kukaitana oitanidwa ku ukwati umene; ndipo iwo sanafuna kudza.

⁴Pomwepo anatumizanso akapolo ena, nanena, Uzani oitanidwawo, Onani, ndakonza phwando langa; ng'ombe zanga, ndi zonona ndinazipha, ndi zinthu zonse zapsya: idzani kuukwati.

⁵Koma iwo ananyalanyaza, nacoka, wina ku munda wace, wina ku malonda ace:

⁶ndipo otsala anagwira akapolo ace, nawacitira cipongwe, nawapha.

⁷Koma mfumu inakwiya; nituma asilikari ace napululutsa ambanda aja, nitentha mudzi wao.

⁸Pomwepo inanena kwa akapolo ace, Za ukwati tsopano zapsya, koma oitanidwawo sanayenera.

⁹Cifukwa cace pitani inu ku mphambano za njira, ndipo amene ali yense mukampeze, itanani kuukwatiku.

¹⁰Ndipo akapolo ao anaturukira kunjira, nasonkhanitsa onse amene anawapeza, ngakhale oipa, ngakhale abwino; ndipo ukwatiwo unadzala ndi okhala pacakudya.

¹¹Koma mfumuyo m'mene inadza kuwaona akudyawo, anapenya momwemo munthu wosabvala cobvala ca ukwati;

¹²nanena kwa iye, Mnzangawe, unalowa muno bwanji wosakhala naco cobvala ca ukwati? Ndipo iye analibe mau.

¹³Pomwepo mfumu inati kwa atumiki, Mumange iye manja ndi miyendo, mumponye ku mdima wakunja; komweko kudzali kulira ndi kukukuta mano.

¹⁴Pakuti oitanidwa ndiwo ambiri, koma osankhidwa ndiwo owerengeka.

¹⁵Pomwepo Afarisi anamuka, nakhala upo wakumkola Iye m'kulankhula kwace.

¹⁶Ndipo anatumiza kwa Iye ophunzira ao, pamodzi ndi Aherode, amene ananena, Mphunzitsi, tidziwa kuti muli woona, ndipo muphunzitsa njira ya Mulungu moona ndithu, ndipo simusamala munthu ali yense; pakuti simuyang'anira pa nkhope ya anthu.

¹⁷Cifuka cace mutiuze ife, muganiza ciani? Kuloledwa kodi kupatsa msonkho kwa Kaisara, kapena iai?

¹⁸Koma Yesu anadziwa kuipa kwao, nati, Mundiyeseranji Ine, onyenga inu?

¹⁹Tandionetsani Ine ndalama yamsonkho. Ndipo iwo anadza nalo kwa Iye rupiya latheka.

²⁰Ndipo Iye anati kwa iwo, Nca yani cithunzithunzi ici, ndi kulemba kwace?

²¹Nanena iwo, Ca Kaisara. Pomwepo Iye anati kwa iwo, Cifukwa cace patsani kwa Kaisara zace za Kaisara, ndi kwa Mulungu zace za Mulungu.

²²Ndipo pamene iwo anamva, anazizwa, namsiya Iye, nacokapo.

²³Tsiku lomwelo anadza kwa Iye Asaduki, amene amanena kuti palibe kuuka kwa akufa; namfunsa Iye,

²⁴nanena, Mphunzitsi, Mose anati, Ngati munthu akafa wopanda mwana, mphwace adzakwatira mkazi wace, nadzamuukitsira mbale wace mbeu.

²⁵Tsono panali ndi ife abale asanu ndi awiri; ndipo wakuyamba anakwatira, namwalira wopanda mbeu, nasiyira mphwace mkazi wace;

²⁶cimodzimodzi waciwiri, ndi wacitatu, kufikira wacisanu ndi ciwiri.

²⁷Ndipo pomarizira anamwaliranso mkaziyo.

²⁸Cifukwa cace m'kuuka kwa akufa, iye adzakhala mkazi wa yani wa asanu ndi awiriwo? pakuti onse anakhala naye.

²⁹Koma Yesu anayankha, nati kwa iwo, Mungolakwa a osadziwa malembo, kapena mphamvu za Mulungu.

³⁰Pakuti m'kuuka kwa akufa sakwatira, kapena kukwatiwa, koma akhala ngati angelo a Kumwamba.

³¹Koma za kuuka kwa akufa, simunawerenga kodi comwe cinanenedwa kwa inu ndi Mulungu, kuti,

³²Ine ndiri Mulungu wa Abrahamu, ndi Mulungu wa Isake, ndi Mulungu wa Yakobo? Sali Mulungu wa akufa koma wa amoyo.

³³Ndipo pamene makamu a anthu anamva, anazizwa ndi ciphunzitso cace.

³⁴Koma Afarisi, pakumva kuti Iye anatontholetsa Asaduki, anasonkhana.

³⁵Ndipo mmodzi wa iwo, mphunzitsi wa cilamulo, anamfunsa ndi kumuyesa Iye, nati,

³⁶Mphunzitsi, lamulo lalikuru ndi liti la m'cilamulo?

³⁷Ndipo Yesu anati kwa iye, Uzikonda Ambuye Mulungu wako ndi mtima wako wonse, ndi moyo wako wonse, ndi nzeru zako zonse.

³⁸Ili ndilo lamulo lalikuru ndi loyamba.

³⁹Ndipo laciwiri lolingana nalo ndili, Uzikonda mnzako monga udzikonda iwe mwini.

⁴⁰Pa malamulo awa awiri mpokolowekapo cilamulo conse ndi aneneri.

⁴¹Ndipo pamene Afarisi anasonkhana, Yesu anawafunsa,

⁴²nati, Muganiza bwanji za Kristu? ali mwana wa yani? Iwo ananena kwa Iye, Wa Davide.

⁴³Iye anati kwa iwo, Ndipo Davide mu Mzimu amchula Iye bwanji Ambuye, nanena,

⁴⁴Ambuye ananena kwa Ambuye wanga, Ukhale pa dzanja lamanja langa, Kufikira Ine ndidzaika adani ako pansi pa mapazi ako.

⁴⁵Cifukwa cace ngati Davide amchula Iye Ambuye, ali mwana wace bwanji? Ndipo panalibe mmodzi anatha kumyankha mau.

⁴⁶Ndipo sanalimbika mtima munthu ali yense kumfunsa kanthu kuyambira tsiku lomwelo.