Read Buku Lopatulik Marko 15 Bible Online

Marko 15 - Buku Lopatulik bible

Marko 15

¹Ndipo pomwepo mamawa anakhala upo ansembe akuru, ndi akuru a anthu, ndi alembi, ndi akuru a milandu onse, namanga Yesu, namtenga, nampereka kwa Pilato.

²Ndipo Pilato anamfunsa Iye, Kodi ndiwe Mfumu ya Ayuda? Ndipo anayankha, nanena naye, Mwatero.

³Ndipo ansembe akuru anamnenera Iye zinthu zambiri.

⁴Ndipo Pilato anamfunsanso, nanena, Suyankha kanthu kodi? taona, akunenera Iwe zinthu zambiri zotere.

⁵Koma Yesu sanayankhanso kanthu; kotero kuti Pilato anazizwa.

⁶Ndipo adafuwamasulira paphwando wandende mmodzi, amene iwo anampempha,

⁷Ndipo analipo wina dzina lace Baraba, womangidwa pamodzi ndi opanduka, amene anapha munthu mumphandumo.

⁸Ndipo khamu la anthu anabwera nayamba kupempha kuti acite monga adafuwacitira.

⁹Ndipo Pilato anawayankha, nanena nao, Kodi mufuna kuti ndikumasulireni Mfumu ya Ayuda?

¹⁰Pakuti anazindikira kuti ansembe akuru anampereka Iye mwanjiru.

¹¹Koma ansembe akuru anasonkezera khamulo, kuti makamaka awamasulire Baraba.

¹²Ndipo Pilato anawayankhanso, nati kwa iwo, Pamenepo ndidzacita ciani ndi Iye amene mumchula Mfumu ya Ayuda?

¹³Ndipo anapfuulanso, Mpacikeni pamtanda.

¹⁴Ndipo Pilato ananena nao, Pakuti Iye anacita coipa cotani? Koma iwo anapfuulitsatu, Mpacikeni Iye.

¹⁵Ndipo Pilato pofuna kuwakhazika mtima anthuwo, anawamasulira Baraba, napereka Yesu, atamkwapula, akampacike pamtanda.

¹⁶Ndipo asilikari anacoka naye nalowa m'bwalo, ndilo Pretorio; nasonkhanitsa gulu lao lonse.

¹⁷Ndipo anambveka Iye cibakuwa, naluka korona waminga, nambveka pa Iye;

¹⁸ndipo anayamba kumlankhula Iye, kuti, Tikuoneni, Mfumu ya Ayuda!

¹⁹Ndipo anampanda Iye pamutu pace ndi bango, namthira malobvu, nampindira maondo, namlambira.

²⁰Ndipo atatha kumnyoza anambvula cibakuwaco nambveka Iye zobvala zace. Ndipo anaturuka naye kuti akampacike Iye pamtanda.

²¹Ndipo anakangamiza wina wopitirirapo, Simoni wa ku Kurene, alikucokera kuminda, atate wao wa Alesandere ndi Rufu, kuti anyamule mtanda wace.

²²Ndipo anamtenga kunka naye ku malo Golgota, ndiwo, osandulika, Malo-a-bade.

²³Ndipo anampatsa vinyo wosanganiza ndi mure; koma Iye sanamlandira.

²⁴Ndipo anampacika Iye, nagawana zobvala zace mwa iwo okha, ndi kucita maere pa izo, kuti adziwe yense adzatengaciani.

²⁵Ndipo panali ora lacitatu, ndipo anampacika Iye.

²⁶Ndipo lembo la mlandu wace linalembedwa pamwamba, MFUMU YAAYUDA.

²⁷Ndipo anapacika pamodzi ndi Iye acifwamba awiri; mmodzi ku dzanja lace lamanja ndi wina kulamanzere.[

²⁸]

²⁹Ndipo iwo akupitirirapo anamcitira mwano, napukusa mitu yao, nanena, Ha! iwe wakupasula Kacisi, ndi kummanga masiku atatu,

³⁰udzipulumutse mwini, nutsike pamtanda.

³¹Moteronso ansembe akuru anamtonza mwa iwo okha pamodzi ndi alembi, nanena, Anapulumutsa ena; sakhoza kudzipulumutsa yekha.

³²Atsike tsopano pamtanda, Kristu Mfumu ya Israyeli, kuti tione, ndi kukhulupirira. Ndipo iwo akupacikidwa naye anamlalatira.

³³Ndipo pofika ora lacisanu ndi cimodzi, panali mdima pa dziko lonse, kufikira ora lacisanu ndi cinai.

³⁴Ndipo pa ora lacisanu ndi cinai Yesu anapfuula ndi mau okweza, Eloi, Eloi, lama sabakitani? ndiko kusandulika, Mulungu wanga, Mulungu wanga, mwandisiyiranji Ine?

³⁵Ndipo ena akuimirirapo, paku mva, ananena, Taonani, aitana Eliya

³⁶Ndipo anathamanga wina, nadzaza cinkhupule ndi vinyo wosasa naciika pabango, namwetsa Iye nanena, Lekani; tione ngati Eliys adza kudzamtsitsa.

³⁷Ndipo Yesr anaturutsa mau okweza, napereka mzimu wace.

³⁸Ndipo cinsart cocinga ca m'Kacisi cinang'ambika pakati, kuyambira kumwamba kufikira pansi.

³⁹Ndipo pamene kenturiyo, woimirirapo popenyana ndi Iye, anaona kuti anapereka mzimu kotero, anati, Zoonadi, munthu uyu anali Mwana wa Mulungu.

⁴⁰Ndipo analinso kumeneko akazi akuyang'anira kutali; mwa iwo anali Maliya wa Magadala, ndi Maliya amace wa Yakobo wamng'ono ndi wa Yose, ndi Salome;

⁴¹amene anamtsata Iye, pamene anali m'Galileya, namtumikira; ndi akazi ena ambiri, amene anakwera kudza ndi Iye ku Yerusalemu.

⁴²Ndipo atafika tsono madzulo, popeza mpa tsiku lokonzera, ndilo la pambuyo pa Sabata,

⁴³anadzapo Y osefe wa ku Arimateya, mkulu wa mirandu womveka, amene yekha analikuyembekezera Ufumu wa Mulungu; nalimba mtima nalowa kwa Pilato, napempha mtembo wace wa Yesu.

⁴⁴Ndipo Pilato anazizwa ngati adamwaliradi; naitana kenturiyo, namfunsa ngati adamwalira kale.

⁴⁵Ndipo pamene anacidziwa ndi kenturiyo, anamninkha Yosefe ntembowo.

⁴⁶Ndipo anagula oafuta, namtsitsa Iye, namkulunga n'bafutamo, namuika m'manda osenedwa m'thanthwe; nakunkhunicira mwala pa khomo la manda.

⁴⁷Ndipo Maliya wa Magadala ndi Maliya amace wa Yose anapenya pomwe anaikidwapo.