Read Buku Lopatulik Luka 1 Bible Online

Luka 1 - Buku Lopatulik bible

Luka 1

¹POPEZA ambiri anayesa kulongosola nkhani ya zinthu zinacitika pakati pa ife,

²monga anazipereka kwa ife iwo amene anakhala mboni ndi atumiki a mau,

³kuyambira paciyambi, ndinayesa nkokoma inenso, amene ndinalondalonda mosamalitsa zinthu zonse kuyambira paciyambi, kulembera kwa iwe tsatane tsatane, Teofilo wabwinotu iwe;

⁴kuti udziwitse zoona zace za mau amene unaphunzira.

⁵Masiku a Herode, mfumu ya Yudeya, kunali munthu wansembe, dzina lace Zakariya, wa gulu la ansembe la Abiya; ndi mkazi wace wa ana akazi a pfuko la Aroni, dzina lace Elisabeti.

⁶Ndipo onse awiri anali olungama mtima pamaso pa Mulungu, namayendabe m'malamulo onse ndi zoikika za Ambuye osacimwa.

⁷Ndipo analibe mwana, popeza Elisabeti anali wouma, ndipo onse awiri anakalamba.

⁸Ndipo panali, pakucita iye nchito yakupereka nsembe m'dongosolo la gulu lace, pamaso pa Mulungu, monga mwa macitidwe a kupereka nsembe,

⁹adamgwera maere akufukiza zonunkhira polowa iye m'Kacisi wa Ambuye.

¹⁰Ndipo khamu lonse la anthu Iinalikupemphera kunja nthawi ya zonunkhira.

¹¹Ndipo anamuonekera iye mngelo wa Ambuye, naimirira ku dzanja lamanja la guwa la nsembe la zonunkhira.

¹²Ndipo Zakariya anadabwa pamene anamuona, ndipo mantha anamgwira.

¹³Koma mngelo anati kwa iye, Usaope Zakariya, cifukwa kuti lamveka pemphero lako, ndipo mkazi wako adzakubalira mwana wamwamuna, ndipo udzamucha dzina lace Yohane.

¹⁴Ndipo udzakhala nako kukondwera ndi msangalalo; ndipo anthu ambiri adzakondwera pa kubadwa kwace.

¹⁵Pakuti iye adzakhala wamkuru pamaso pa Ambuye, ndipo sadzamwa konse vinyo kapena, kacasu; nadzadzazidwa ndi Mzimu Woyera, kuyambira asanabadwe.

¹⁶Ndipo iye adzatembenuzira ana a Israyeli ambiri kwa Ambuye Mulungu wao.

¹⁷Ndipo adzamtsogolera iye, ndi mzimu ndi mphamvu ya Eliya, kutembenuzira mitima ya atate kwa ana ao, ndi osamvera kuti atsate nzeru ya olungama mtima; kukonzeratu Ambuye anthu okonzeka.

¹⁸Ndipo Zakariya anati kwa mngelo, Ndidzadziwitsa ici ndi ciani? Pakuti ndine nkhalamba, ndipo zaka zace za mkazi wanga zacuruka.

¹⁹Ndipo mngelo anayankha, nati kwa iye, ine ndine Gabrieli, woimirira pamaso pa Mulungu; ndipo ndinatumidwa kwa iwe kudzalankhula nawe, ndi kuuza iwe uthenga uwu wabwino.

²⁰Ndipo taona, udzakhala wotonthola ndi wosakhoza kulankhula, kufikira tsiku limene zidzacitika izi, popeza kuti sunakhulupirira mau, anga, amene adzakwanitsidwa pa nyengo yace.

²¹Ndipo anthu analikulindira Zakariya, nazizwa ndi kucedwa kwace m'kacisimo.

²²Koma m'mene iye anaturukamo, sanatha kulankhula nao; ndipo anazindikira kuti iye adaona masomphenya m'Kacisimo. Ndipo iye analinkukodola iwo, nakhalabe wosalankhula.

²³Ndipo kunali, pamene masiku a utumiki wace anamarizidwa, anamuka kunyumba kwace.

²⁴Ndipo atatha masiku awa, Elisabeti mkazi wace anaima; nadzibisa miyezi isanu, nati,

²⁵Ambuye wandicitira cotero m'masiku omwe iye anandipenyera, kucotsa manyazi anga pakati pa anthu.

²⁶Ndipo mwezi wacisanu ndi cimodzi mngelo Gabrieli anatumidwa ndi Mulungu kunka ku mudzi wa ku Galileya dzina lace N azarete,

²⁷kwa namwali wopalidwa ubwenzi ndi mwamuna, dzina lace Yosefe, wa pfuko la Davine; ndipo dzina lace la namwaliyo ndilo Mariya.

²⁸Ndipo pakulowa mngelo anati kwa iye, Tikuoneni, wocitidwa cisomo, Ambuye ali ndi iwe.

²⁹Koma iye ananthunthumira ndi mau awa, nasinkhasinkha kulankhula uku nkutani.

³⁰Ndipo mngelo anati kwa iye, Usaope, Mariya; pakuti wapeza cisomo ndi Mulungu.

³¹Ndipo taona, udzakhala ndi pakati, nudzabala mwana wamwamuna, nudzamucha dzina lace Yesu.

³²Iye adzakhala wamkuru, nadzachedwa Mwana wa Wamkurukuru: ndipo Ambuye Mulungu adzampatsa iye mpando wacifumu wa Davine atate wace:

³³ndipo iye adzacita ufumu pa banja la Yakobo ku nthawi zonse; ndipo ufumu wace sudzatha.

³⁴Koma Mariya anati kwa mngelo, ici cidzacitika bwanji, popeza ine sindidziwa mwamuna?

³⁵Ndipo mngelo anayankha, nati kwa iye, Mzimu Woyera adzafika pa iwe, ndi mphamvu ya Wamkulukulu idzakuphimba iwe: cifukwa cacenso Coyeraco cikadzabadwa, cidzachedwa Mwana wa Mulungu.

³⁶Ndipo taona, Elisabeti mbale wako, iyenso ali ndi pakati pa mwana wamwamuna m'ukalamba wace; ndipo mwezi uno uli wacisanu ndi cimodzi wa iye amene ananenedwa wouma.

³⁷Cifukwa 1 palibe mau amodzi akucokera kwa Mulungu adzakhala opanda mphamvu.

³⁸Ndipo Mariya anati, Onani, mdzakazi wa Ambuye; kukhale kwa ine monga mwa mau anu. Ndipo mngelo anacoka kwa iye.

³⁹Ndipo Mariya ananyamuka masiku amenewa, namuka ndi cangu ku dziko la mapiri ku mudzi wa Yuda;

⁴⁰nalowa m'nyumba ya Zakariya, nalankhula Elisabeti.

⁴¹Ndipo panali pamene Elisabeti anamva kulankhula kwace kwa Mariya, mwana wosabadwayo anatsalima m'mimba mwace; ndipo Elisabeti anadzazidwa ndi Mzimu Woyera;

⁴²nakweza mau ndi mpfuu waukuru, nati, 2 Wodalitsika iwe mwa akazi, ndipo codalitsika cipatso ca mimba yako,

⁴³Ndipo ici cicokera kuti kudza kwa ine, kuti adze kwa ine amace wa Ambuye wanga?

⁴⁴Pakuti ona, pamene mau a kulankhula kwako analowa m'makutu anga, mwana anatsalima ndi msangalalo m'mimba mwanga.

⁴⁵Ndipo wodala ali iye amene anakhulupirira; cifukwa zidzacitidwa zinthu zimene Ambuye analankhula naye.

⁴⁶3 Ndipo Mariya anati, Moyo wanga ulemekeza Ambuye,

⁴⁷Ndipo mzimu wanga wakondwera mwa Mulungu Mpulumutsi wanga.

⁴⁸Cifukwa iye anayang'anira umphawi wa mdzakazi wace; Pakuti taonani, kuyambira tsopano, anthu a mibadwo yonse adzandichula ine wodala.

⁴⁹Cifukwa iye Wamphamvuyo anandicitira ine zazikuru; 4 Ndipo dzina lace liri loyera.

⁵⁰5 Ndipo cifundo cace cifikira anthu a mibadwo mibadwo Pa iwo amene amuopa iye.

⁵¹Iye anacita zamphamvu ndi mkono wace; 6 Iye anabalalitsa odzitama ndi mlingaliro wa mtima wao,

⁵²iye anatsitsa mafumu pa mipando yao yacifumu, Ndipo anakweza aumphawi,

⁵³7 Anawakhutitsa anjala ndi zinthu zabwino, Ndipo eni cuma anawacotsa opanda kanthu.

⁵⁴Anathangatira Israyeli mnyamata wace, Kuti akakumbukile cifundo,

⁵⁵8 (Monga analankhula kwa makolo athu) Kwa Abrahamu ndi kwa mbeu yace ku nthawi yonse.

⁵⁶Ndipo Mariya anakhala ndi iye ngati miyezi itatu, nabweranso kunyumba kwace.

⁵⁷Ndipo inakwanira nthawi ya Elisabeti, ya kubala kwace, ndipo anabala mwana wamwamuna.

⁵⁸Ndipo anansi ace ndi abale ace anamva kuti Ambuye anakulitsa cifundo cace pa iye; 9 nakondwera naye pamodzi.

⁵⁹Ndipo panali 10 tsiku lacisanu ndi citatu iwo anadza kudzadula kamwanako; ndipo akati amuche dzina la atate wace Zakariya.

⁶⁰Ndipo amace anayankha, kuti, lai; koma 11 adzachedwa Yohane.

⁶¹Ndipo iwo anati kwa iye, Palibe wina wa abale ako amene achedwa dzina ili.

⁶²Ndipo anakodola atate wace, afuna amuche dzina liti?

⁶³Ndipo iye anafunsa colemberapo, nalemba, kuti, Dzina lace ndi Yohane. Ndipo anazizwa onse.

⁶⁴Ndipo 12 pomwepo panatseguka pakamwa pace, ndi lilume lace linamasuka, ndipo iye analankhula, nalemekeza Mulungu.

⁶⁵Ndipo panagwa mantha pa iwo onse akukhala oyandikana nao; ndipo analankhulalankhula nkhani izi zonse m'dziko: lonse la mapiri a Yudeya,

⁶⁶Ndipo onse amene anazimva anazisunga m'mtima mwao, nanena, Nangamwana uyu adzakhala wotani? Pakuti 13 dzanja la Ambuye linakhala pamodzi ndi iye.

⁶⁷Ndipo atate wace Zakariya anadzazidwa ndi Mzimu Woyera, nanenera za Mulungu, nati,

⁶⁸Wolemekezeka Ambuye, Mulungu wa Israyeli; 14 Cifukwa iye anayang'ana, nacitira anthu ace ciombolo,

⁶⁹Ndipo iye anatikwezera ife nyanga ya cipulumutso, Mwa pfuko la Davine mwana wace,

⁷⁰15 (Monga iye analankhula ndi m'kamwa mwa aneneri ace oyera mtima, a kale lomwe),

⁷¹Cipulumutso ca adani athu, ndi pa dzanja la anthu onse amene atida ife;

⁷²16 Kucitira atate athu cifundo, Ndi kukumbukila pangano lace lopatulika;

⁷³Cilumbiro cimene iye anacilumbira kwa Abrahamu atate wathu,

⁷⁴Kutipatsa ife kuti titalanditsidwa ku dzanja la adani athu, 17 Tidzamtumikira iye, opanda mantha,

⁷⁵18 M'ciyero ndi cilungamo pamaso pace, masiku athu onse.

⁷⁶19 Eya, ndipo iwetu kamwanawe, udzanenedwa mneneri wa Wamkulukulu: 20 Pakuti udzatsogolera Ambuye, kukonza njira zace;

⁷⁷Kuwapatsa anthu ace adziwitse cipulumutso, 21 Ndi makhululukidwe a macimoao,

⁷⁸Cifukwa ca mtima wacifundo wa Mulungu wathu. M'menemo mbanda kuca wa kumwamba udzaticezera ife;

⁷⁹22 Kuwalitsira iwo okhala mumdima ndi mthunzi wa imfa; Kulunjikitsa mapazi athu mu njira ya mtendere.

⁸⁰Ndipo mwanayo anakula, nalimbika mu mzimu wace, ndipo 23 iye anali m'mapululu, kufikira masiku akudzionetsa yekha kwa Israyeli.