Read Buku Lopatulik Deuteronomo 32 Bible Online

Deuteronomo 32 - Buku Lopatulik bible

Deuteronomo 32

¹Kumwamba kuchere khutu, ndipo ndidzanena; Ndi dziko lapansi limve mau a m'kamwa mwanga;

²Ciphunzitso canga cikhale ngati mvula; Maneno anga agwe ngati mame; Ngati mvula yowaza pamsipu, Ndi monga madontho a mvula pazitsamba.

³Pakuti ndidzalalika dzina la Yehova; Nenani kuti Mulungu wathu ndi wamkulu.

⁴Thanthwe, nchito yace ndi yangwiro; Pakuti njira zace zonse ndi ciweruzo; Mulungu wokhulupirika ndi wopanda cisalungamo; Iye ndiye wolungama ndi wolunjika,

⁵Anamcitira zobvunda si ndiwo ana ace, cirema ncao; Iwo ndiwo mbadwo wopulukira ndi wokhotakhota.

⁶Kodi mubwezera Yehova cotero, Anthu inu opusa ndi opanda nzeru? Kodi si ndiye Atate wanu, Mbuyewanu; Anakulengani, nakukhazikitsani?

⁷Kumbukirani masiku akale, Zindikirani zaka za mibadwo yambiri; Funsani atate wanu, adzakufotokozerani; Akuru anu, adzakuuzani.

⁸Pamene Wam'mwambamwamba anagawira amitundu colowacao, Pamene anagawa ana a anthu, Anaika malire a mitundu ya anthu, Monga mwa kuwerenga kwao kwa ana a Israyeli,

⁹Pakuti gawo la Yehova ndilo anthu ace; Yakobo ndiye muyeso wa colowacace.

¹⁰Anampeza m'dziko la mabwinja, ndi m'cipululu colira copanda kanthu; Anamzinga, anamlangiza, Anamsunga ngati kamwana lea m'diso;

¹¹Monga mphungu ikasula cisa cace, Nikapakapa pa ana ace, Iye anayala mapiko ace, nawalandira, Nawanyamula pa mapiko ace;

¹²Yehova yekha anamtsogolera, Ndipo palibe mulungu wacilendo naye.

¹³Anamuyendetsa pa misanje ya dziko lapansi, Ndipo anadya zipatso za m'minda; Namyamwitsa uci wa m'thanthwe, Ndi mafutam'mwala wansangalabwe;

¹⁴Mafuta a mkaka wang'ombe, ndi mkaka wankhosa, Ndi mafuta a ana a nkhosa, Ndi nkhosa zamphongo za mtundu wa ku Basana, ndi atonde, Ndi imso zonenepa zatirigu; Ndipo munamwa vinyo, mwazi wamphesa,

¹⁵Koma Yesuruni anasanduka wonenepa, natazira; Wasanduka wonenepa, wakula, wakuta ndi mafuta; Pamenepo anasiya Mulungu amene anamlenga, Napeputsa thanthwe la cipulumutso cace.

¹⁶Anamcititsa nsanje ndi milungu yacilendo, Anautsa mkwiyo wace ndi zonyansa.

¹⁷Anaziphera nsembe ziwanda, si ndizo Mulungu ai; Milungu yosadziwa iwo, Yatsopano yofuma pafupi, Imene makolo anu sanaiopa,

¹⁸Mwaleka Thanthwe limene linakubalani, Mwaiwala Mulungu amene anakulengani.

¹⁹Ndipo Yehova anaciona, nawanyoza, Pakuipidwa nao ana ace amuna, ndi akazi.

²⁰Ndipo iye anati, Ndidzawabisira nkhope yanga, Ndidzaona kutsiriza kwao; Popeza iwo ndiwo mbadwo wopulukira, Ana osakhulupirika iwo.

²¹Anautsa nsanje yanga ndi cinthu cosati Mulungu; Anautsa mkwiyo wanga om zopanda pace zao. Ndidzautsa nsanje yao ndi iwo osakhala mtundu wa anthu; Ndidzautsa mkwiyo wao ndi mtundu wa anthu opusa.

²²Pakuti wayaka moto mu mkwiyo wanga, Utentha kumanda kunsi Ukutha dziko lapansi ndi zipatso zace Nuyatsa maziko a mapiri,

²³Ndidzawaunjikira zoipa; Ndidzawathera nubvi yanga.

²⁴Adzaonda nayo njala Adzanyekeka ndi makala a moto, cionongeko cowawa; Ndipo ndidzawatumizira mana a zirombo, Ndi ululu wa zokwawa m'pfumbi.

²⁵Pabwalo lupanga lidzalanda, Ndi m'zipinda mantha; Lidzaononga mnyamata ndi namwali, Woyamwa pamodzi ndi munthu waimvi.

²⁶Ndinati, Ndikadawauzira ndithu, Ndikadafafaniza cikumbukiro cao mwa anthu;

²⁷Ndikadapanda kuopa mkwiyo wapamdani, Angayese molakwa outsana nao, Anganene, Lakwezeka dzanja lathu, Ndipo Yehova sanacita ici conse.

²⁸Popeza iwo ndiwo mtundu wa anthu wosowa uphungu konse, Ndipo alibe cidziwitso.

²⁹Akadakhala nazo nzeru, akadazindikira ici, Akadasamalira citsirizo cao!

³⁰Mmodzi akadapitikitsa zikwi, Awiri akadathawitsa zikwi khumi, Akadapanda kuwagulitsa Thanthwelao, Akadapanda kuwapereka Yehova.

³¹Popeza thanthwe lao nlosanga Thanthwe lathu, Oweruza a pamenepo ndiwo adani athu.

³²Pakuti mpesa wao ndiwo wa ku Sodomu, Ndi wa m'minda ya ku Gomora; Mphesa zao ndizo mphesa zandulu, Matsangwi ao ngowawa.

³³Vinyo wao ndiwo ululu wa zinjoka, Ndi ululu waukali wa mphiri.

³⁴Kodi sicisungika ndi Ine, Colembedwa cizindikilo mwa cuma canga ceni ceni?

³⁵Kubwezera cilango nkwanga, kubwezera komwe, Pa nyengo ya kuterereka phazi lao; Pakuti tsiku la tsoka lao layandika, Ndi zinthu zowakonzeratu zifulomira kudza.

³⁶Popeza Yehova adzaweruza anthuace, Nadzacitira nsoni anthu ace; Pakuona iye kuti mphamvu yao yatha, Wosatsala womangika kapena waufulu,

³⁷Pamenepo adzati, Iri kuti milunguyao, Thanthwe limene anathawirako?

³⁸Imene inadya mafuta a nsembe zao zophera, Nimwa vinyo wa nsembe yao yothira? Iuke nikuthandizeni, Ikhale pobisalapo panu.

³⁹Tapenyani tsopano kuti Ine ndine iye, Ndipo palibe mulungu koma Ine; Ndipha Ine, ndikhalitsanso ndi mayo: Ndikantha, ndicizanso Ine; Ndipo palibe wakulanditsa m'dzanja langa.

⁴⁰Pakuti ndikweza dzanja langa kuloza kumwamba, Ndipo nditi, Pali moyo wanga kosatha,

⁴¹Ndikanola lupanga langa lonyezimira, Ndi dzanja langa likagwira ciweruzo; Ndidzabwezera cilango ondiukira, Ndi kulanga ondida.

⁴²Mibvi yanga ndiiledzeretsa nao mwazi, Ndi lupanga langa lidzalusira nyama; Ndi mwazi wa ophedwa ndi ogwidwa, Ndi mutu wacitsitsi wa mdani,

⁴³Kondwerani, amitundu inu, ndi anthu ace; Adzalipsira mwazi wa atumiki ace, Adzabwezera cilango akumuukira, Nadzafafanizira zoipa dziko lace, ndi anthu ace.

⁴⁴Ndipo anadza Mose nanena mau onse a nyimbo iyi m'makutu mwa anthu, iye, ndi Hoseya mwana wa Nuni.

⁴⁵Ndipo Mose anatha kunena mau awa onse kwa Israyeli wonse;

⁴⁶nati nao, Ikani mitima yanu pa mau onse ndikucitirani nao mboni lero; kuti muuze ana anu asamalire kuwacita mau onse a cilamulo ici.

⁴⁷Pakuti sicikhala kwa inu cinthu copanda pace, popeza ndico moyo wanu, ndipo mwa cinthu ici mudzacurukitsa masiku anu m'dziko limene muolokera Yordano, kulilandira.

⁴⁸Ndipo Yehova ananena ndi Mose tsiku lomweli, ndi kuti,

⁴⁹Kwera m'phiri muno mwa Abarimu, phiri la Nebo, lokhala m'dziko la Moabu, popenyana ndi Yeriko; nupenye dziko la Kanani, limene ndipereka kwa ana a Israyeli likhale lao lao;

⁵⁰nufe m'phiri m'mene ukweramo, nuitanidwe kumka kwa anthu a mtundu wako; monga Aroni mbale wako anafa m'phiri la Hori, naitanidwa kumka kwa anthu a mtundu wace;

⁵¹popeza munandilakwira pakati pa ana a Israyeli ku madzi a Meriba wa Kadesi m'cipululu ca Zini, popeza simunandipatula Ine pakati pa ana a Israyeli,

⁵²Pakuti udzapenya dzikoli pandunji pako; koma osalowako ku dziko limene ndipatsa ana a Israyeli.