Read Buku Lopatulik Deuteronomo 33 Bible Online

Deuteronomo 33 - Buku Lopatulik bible

Deuteronomo 33

¹Ndipo mdalitso, Mose munthu wa Mulungu anadalitsa nao ana a Israyeli asanafe, ndi uwu.

²Ndipo anati, Yehova anafuma ku Sinai, Nawaturukiraku Seiri; Anaoneka wowala pa phiri la Parana, Anafumira kwa opatulika zikwi zikwi; Ku dzanja lamanja lace kudawakhalira lamulo lamoto.

³Inde akonda mitundu ya anthu; Opatulidwa ace onse ali m'dzanjamwanu; Ndipo akhala pansi ku mapazi anu; Yense adzalandirako mau anu.

⁴Mose anatiuza cilamulo, Colowa ca msonkhano wa Yakobo.

⁵Ndipo iye anali mfumu m'Yesuruni, Pakusonkhana mafumu a anthu, Pamodzi ndi mapfuko a Israyeli.

⁶Rubeni akhale ndi moyo, asafe, Koma amuna ace akhale owerengeka.

⁷Za Yuda ndi izi; ndipo anati, Imvani, Yehova, mau a Yuda, Ndipo mumfikitse kwa anthu ace; Manja ace amfikire; Ndipo mukhale inu thandizo lace pa iwo akumuukira.

⁸Ndipo za Levi anati, Tumimu ndi Urimu wanu zikhala ndi wokondedwa wanu, Amene mudamuyesa m'Masa, Amene mudalimbana naye ku madzi a Meriba;

⁹Amene anati za atate wace ndi amai wace, Sindinamuone; Sanazindikira abale ace, Sanadziwa ana ace omwe; Popeza anasamalira mau anu, Nasunga cipangano canu.

¹⁰Adzaphunzitsa Yakobo maweruzo anu, Ndi Israyeli cilamulo canu; Adzaika cofukiza pamaso panu, Ndi nsembe yopsereza yamphumphu pa guwa la nsembe lanu.

¹¹Dalitsani, Yehova, mphamvu yace, Nimulandire nchito ya manja ace; Akantheni m'cuuno iwo akumuukira, Ndi iwo akumuda, kuti asaukenso.

¹²Za Benjamini anati, Wokondedwa wa Yehova adzakhala ndi iye mokhazikika; Amphimba tsiku lonse, Inde akhalitsa pakati pa mapewa ace.

¹³Ndipo za Yosefe anati, Yehova adalitse dziko lace; Ndi zinthu zofunikatu za m'mwamba, ndi mame, Ndi madzi okhala pansipo;

¹⁴Ndi zipatso zofunikatu za dzuwa, Ndi zomera zofunikatu za mwezi,

¹⁵Ndi zinthu zoposa za mapiri akale, Ndi zinthu zofunikatu za zitunda zosatha,

¹⁶Ndi zinthu zofunikatu za dziko lapansi, ndi kudzala kwace, Ndi cibvomerezo ca iye anakhala m'citsambayo; Mdalitso ufike pa mutu wa Yosefe, Ndi pakati pa mutu wace wa iye wokhala padera ndi abale ace.

¹⁷Woyamba kubadwa wa ng'ombe yace, ulemerero ndi wace; Nyanga zace ndizo nyanga zanjati; Adzatunga nazo mitundu ya anthu pamodzi, kufikira malekezero a dziko lapansi. Iwo ndiwo zikwi khumi za Efraimu, Iwo ndiwo zikwi za Manase.

¹⁸Ndi za Zebuloni anati, Kondwera, Zebuloni, ndi kuturukakwako; Ndi Isakara, m'mahema mwako.

¹⁹Adzaitana mitundu ya anthu afike kuphiri; Apo adzaphera nsembe za cilungamo; Popeza adzayamwa zocuruka za m'nyanja, Ndi cuma cobisika mumcenga.

²⁰Ndi za Gadi anati, Wodala iye amene akuza Gadi; Akhala ngati mkango waukazi, Namwetula dzanja, ndi pakati pa mutu pomwe.

²¹Ndipo anadzisankhira gawo loyamba, Popeza kumeneko kudasungika gawo la wolamulira; Ndipo anadza ndi mafumu a anthu, Anacita cilungamo ca Yehova, Ndi maweruzo ace ndi Israyeli.

²²Ndi za Dani anati, Dani ndiye mwana wa mkango, Wakutumpha moturuka m'Basana.

²³Za Nafitali anati, Nafitali, wokhuta nazo zomkondweretsa, Wodzala ndi mdalitso wa Yehova; Landira kumadzulo ndi kumwela.

²⁴Ndi za Aseri anati, Aseri adalitsidwe mwa anawo; Akhale wobvomerezeka mwa abale ace, Abviike phazi lace m'mafuta.

²⁵Nsapato zako zikhale za citsulo ndi mkuwa; Ndipo monga masiku ako momwemo mphamvu yako.

²⁶Palibe wina ngati Mulungu, Yesuruni iwe, Wakuyenda wokwera pathambo, kukuthandiza, Ndi pa mitambo m'ukulu wace.

²⁷Mulungu wamuyaya ndiye mokhaliramo mwako; Ndi pansipo pali manja osatha. Ndipo aingitsa mdani pamaso pako, Nati, Ononga.

²⁸Ndipo Israyeli akhala mokhazikika pa yekha; Kasupe wa Yakobo; Akhala m'dziko la tirigu ndi vinyo; Inde thambo lace likukha mame.

²⁹Wodala iwe, Israyeli; Akunga iwe ndani, mtundu wa anthu opulumutsidwa ndi Yehova, Ndiye cikopa ca thandizo lako, Iye amene akhala lupanga la ukulu wako! Ndi adani ako adzakugonjera; Ndipo udzaponda pa misanje yao.