Read Buku Lopatulik Aroma 10 Bible Online

Aroma 10 - Buku Lopatulik bible

Aroma 10

¹Abale, kufunitsa kwa mtima wanga ndi pemphero langa limene ndiwapempherera kwa Mulungu, ndilo, kuti apulumuke.

²Pakuti ndiwacitira iwo umboni kuti a ali ndi cangu ca kwa Mulungu, koma si monga mwa cidziwitso.

³Pakuti pakusadziwa cilungamo ca Mulungu, ndipo pofuna kukhazikitsa cilungamo ca iwo okha, iwo sanagonja ku cilungamo ca Mulungu.

⁴Pakuti Kristu ali cimariziroca lamulo kulinga kucilungamo kwa amene ali yense akhulupira,

⁵Pakuti Mose walemba kuti munthu amene acita cilungamo ca m'lamulo, adzakhala naco ndi moyo.

⁶Koma cilungamo ca cikhulupiriro citero, Usamanena mumtima mwako, Adzakwera ndani Kumwambako? ndiko, kutsitsako Kristu;

⁷kapena, Adzatsikira ndani kudzenieko? ndiko, kukweza Kristu kwa akufa.

⁸Koma citani? Mau ali pafupi ndiwe, m'kamwa mwako, ndi mumtima mwako; ndiwo mau a cikhulupiriro, amene ife tiwalalikira:

⁹kuti ngati udzabvomereza m'kamwa mwako Yesu ndiye Ambuye, ndi kukhulupirira mumtima mwako kuti Mulungu anamuukitsa kwa akufa, udzapulumuka:

¹⁰pakuti ndi mtima munthu akhulupira kutengapo cilungamo; ndi m'kamwa abvomereza kutengapo cipulumutso

¹¹Pakuti lembo litere, Amene ali yense akhulupirira iye, sadzacita manyazi.

¹²Pakuti kulibe kusiyana Myuda ndi Mhelene; pakuti Yemweyo ali Ambuye wa onse, nawacitira zolemera onse amene aitana pa iye;

¹³pakuti, amene ali yense adzaitana pa dzina la Ambuye adzapulumuka.

¹⁴Ndipo iwo adzaitana bwanji pa iye amene sanamkhulupirira? ndipo adzakhulupirira bwanji iye amene sanamva za iye? ndipo adzamva bwanji wopanda wolalikira?

¹⁵ndipo adzalalikira bwanji, ngati satumidwa? monganso kwalembedwa, Okometsetsa ndithu ali mapazi a iwo akulalikira Uthenga Wabwino wa zinthu zabwino.

¹⁶Koma sanamvera Uthenga Wabwino onsewo. Pakuti Yesaya anena, Ambuye, anakhulupirira ndani zonena ife?

¹⁷Comweco cikhulupiriro cidza ndi mbiri, ndi mbiri idza mwa mau a Kristu.

¹⁸Koma ine nditi, Sanamva iwo kodi! Indetu, Liu lao linaturukira ku dziko lonse lapansi, Ndi maneno ao ku malekezero a dziko lokhalamo anthu.

¹⁹Koma nditi, Kodi Israyeli alibe kudziwa? Poyamba Mose anena, Ine ndidzacititsa inu nsanje ndi iwo amene sakhala mtundu wa anthu, Ndidzakwiyitsa inu ndi mtundu wopulukira.

²⁰Ndipo Yesaya alimbika mtima ndithu, nati, Ndinapezedwa ndi iwo amene sanandifuna; Ndinaonekera kwa iwo amene sanandifunsa.

²¹Koma kwa Israyeli anena, Dzuwa lonse ndinatambalitsira manja anga kwa anthu osamvera ndi okanakana.