Read Buku Lopatulik Aroma 9 Bible Online

Aroma 9 - Buku Lopatulik bible

Aroma 9

¹Ndinena zoona mwa Kristu, sindinama ai, cikumbu mtima canga cicita umboni pamodzi ndine mwa Mzimu Woyera,

²kuti ndagwidwa ndi cisoni cacikuru ndi kuphwetekwa mtima kosaleka.

³Pakuti ndikadafunakuti ine ndekha nditembereredwe kundicotsa kwa Kristu cifukwa ca abale anga, ndiwo a mtundu wanga monga mwa thupi;

⁴ndiwo Aisrayeli; ali nao umwana, ndi ulemerero, ndi mapangano, ndi kupatsa kwa malamulo, ndi kutumikira m'kacisi wa Mulungu, ndi malonjezo;

⁵a iwo ali makolo, ndi kwa iwo anacokera Kristu, monga mwa thupi, ndiye Mulungu wa pamwamba pa zonse wolemekezeka ku nthawi zonse. Amen.

⁶Koma sikuli ngati mau a Mulungu anakhala cabe ai. Pakuti onse akucokera kwa a Israyeli siali Israyeli;

⁷kapena cifukwa ali mbeu ya Abrahamu, siali onse ana; koma anati, Mwa Isake, mbeu yako idzaitanidwa.

⁸Ndiko kuti, ana a thupi sakhala iwo ana a Mulungu ai; koma ana a lonjezo awerengedwa mbeu yace.

⁹Pakuti mau a lonjezo ndi amenewa, Pa nyengo iyi ndidzadza, ndipo Sara adzakhala ndi mwana

¹⁰Ndipo si cotero cokha, koma Rebekanso, pamene anali ndi pakati pa mmodzi, ndiye kholo lathu Isake;

¹¹pakuti anawo asanabadwe, kapena asanacite kanthu kabwino kapena koipa, kuti kutsimikiza mtima kwa Mulungu monga mwa kusankha kukhale, si cifukwa ca nchito ai, koma cifukwa ca wakuitanayo,

¹²cotero kunanenedwa kwa uyo, Wamkuru adzakhala kapolo wa wamng'ono.

¹³Inde monga kunalembedwa, Ndinakonda Yakobo, koma ndinamuda Esau.

¹⁴Ndipo tsono tidzatani? Kodi ciripo cosalungama ndi Mulungu? Msatero ai.

¹⁵Pakuti anati ndi Mose, Ndidzacitira cifundo amene ndimcitira cifundo, ndipo ndidzakhala ndi cisoni kwa iye amene ndikhala naye cisoni.

¹⁶Cotero sicifuma kwa munthu amene afuna, kapena kwa iye amene athamanga, koma kwa Mulungu amene acitira cifundo.

¹⁷Pakuti lembo linena kwa Farao, Cifukwa ca ici, ndinakuutsa iwe, kuti ndikaonetse mwa iwe mphamvu yanga, ndi kuti dzina langa likabukitsidwe pa dziko lonse lapansi.

¹⁸Cotero iye acitira cifundo amene iye afuna, ndipo amene iye afuna amuumitsamtima.

¹⁹Pamenepo udzanena ndine kodi, Adandaulabe bwanji? Pakuti ndani anakaniza cifuno cace?

²⁰Koma munthu iwe, ndiwe yani wakubwezera Mulungu mau? Kodi cinthu copangidwa cidzanena ndi amene anacipanga, U ndipangiranji ine cotero?

²¹Kodi kapena woumba mbiya sakutha kucita zace padothi, kuumba ndi ncinci yomweyo cotengera cimodzi caulemu ndi cina camanyazi?

²²Ndipo titani ngati Mulungu, pofuna iye kuonetsa mkwiyo wace, ndi kudziwitsa mph amvu yace, analekerera ndi cilekerero cambiri zotengera za mkwiyo zokonzekera cionongeko?

²³ndi kuti iye akadziwitse ulemerero wace waukuru pa zotengera zacifundo, zimene iye anazikonzeratu kuulemerero,

²⁴ndi ife amenenso iye anatiitana, si a mwa Ayuda okha okha, komanso a mwa anthu amitundu?

²⁵Monga atinso mwa Hoseya, Amene sanakhala anthu anga, ndidzawacha anthu anga; Ndi iye amene sanali wokondedwa, wokondedwa.

²⁶1 Ndipo kudzali, kuti pamalo pamenepo kunanenedwa kwa iwo, Simuli anthu anga ai, Pomwepo iwo adzachedwa ana a Mulungu wamoyo.

²⁷Ndipo Yesaya apfuula za Israyeli, kuti, 2 Ungakhale unyinji wa ana a Israyeli ukhala monga mcenga wa kunyanja, 3 cotsalira ndico cidzapulumuka.

²⁸Pakuti Ambuye adzacita mau ace pa dziko lapansi, kuwatsiriza mwacidule.

²⁹Ndipo monga Yesaya anati kale, 4 Ngati Ambuye wa makamu a kumwamba sanatisiyira ife mbeu, Tikadakhala monga Sodoma, ndipo tikadafanana ndi Gomora.

³⁰Cifukwa cace tidzatani? 5 Kuti amitundu amene sanatsata cilungamo, anafikira cilungamo, ndico cilungamo ca cikhulupiriro;

³¹6 koma Israyeli, potsata lamulo la cilungamo, sanafikira lamulolo.

³²Cifukwa canji? Cifukwa kuti sanacitsata ndi cikhulupiriro, koma monga ngati ndi nchito. 7 Anakhumudwa pa mwala wokhumudwitsa;

³³monganso kwalembedwa, kuti, 8 Onani, ndikhazika m'Ziyoni mwala wakukhumudwa nao, ndi thanthwe lopunthwitsa; Ndipo 9 wakukhulupirira iye sadzacita manyazi.