Read Buku Lopatulik 1 Akorinto 16 Bible Online

1 Akorinto 16 - Buku Lopatulik bible

1 Akorinto 16

¹Koma za copereka ca kwa oyera mtima, mongandinalangiza Mipingo ya ku Galatiya, motero citani inunso.

²Tsiku loyamba la sabata yense wa inu asunge yekha; monga momwe anapindula, kuti zopereka zisacitike pakudza ine.

³Ndipo pamene ndifika, ndidzatuma iwo amene mudzawayesa oyenera, ndi akalata, apite nayo mphatso yanu ku Yerusalemu.

⁴Ndipo ngati kuyenera kwa ine kupitanso, adzapita nane.

⁵Koma ndidzadza kwa inu, nditapyola Makedoniya; pakuti ndidzapyola Makedoniya;

⁶ndipo kapena ndidzakhalitsa ndi inu, kapenanso kugonera nyengo yacisanu kuti mukandiperekeze ine kumene kuli konse ndipitako,

⁷Pakuti sindifuna kukuonani tsopano popitirira; pakuti ndiyembekeza kukhala ndi inu nthawi, ngati alola Ambuye.

⁸Koma ndidzakhaia ku Efeso kufikira Penteskoste,

⁹Pakuti panditsegukira pa khomo lalikuru ndi locititsa, ndipo oletsana nafe ndi ambiri.

¹⁰Koma akadza Timoteo, penyani kuti akhale ndi inu wopanda mantha; pakuti agwira nchito ya Ambuye, monganso ine;

¹¹cifukwa cace munthu asampeputse, Koma mumperekeze mumtendere, kuti akadze: kwa ine; pakuti ndimuyembekezera pamodzi ndi abale,

¹²Koma za Apolo, mbaleyo, ndamuumiriza iye, adze kwa inu pamodzi ndi abale; ndipo sicinali cifuniro cace kuti adze tsopano, koma adzafika pameneaona nthawi.

¹³Dikirani, cirimikani m'cikhulupiriro; dzikhalitseni amuna, limbikani.

¹⁴Zanu zonse zicitike m'cikondi.

¹⁵Koma ndikupemphani inu, abale, (mudziwa banja la Stefana, kuti ali cipatsocoundukula ca Akaya, ndi kuti anadziika okha kutumikira oyera mtima),

¹⁶kuti inunso mubvomere otere, ndi yense wakucita nao, ndi kugwiritsa nchito.

¹⁷Koma ndikondwera pa kudza kwao kwa Stefana, ndi Fortunato, ndi Akayiko; cifukwa iwo anandikwaniritsa cotsalira canu.

¹⁸Pakuti anatsitsimutsa mzimu wanga ndi wanu; cifukwa cace muzindikire otere.

¹⁹Mipingo ya ku Asiya ilankhula inu. Akulankhulani ndithu inu mwa Ambuye, Akula ndi Priska, pamodzi ndi Mpingo wa m'nyumba yao,

²⁰Akulankhulani inu abale onse. Lankhulanani ndi kupsompsona kopatulika.

²¹Kulankhula kwa ine Paulo ndi dzanja langa.

²²Ngati wina sakonda Ambuye, akhale wotembereredwa. Akudza Ambuye.

²³Cisomo ca Ambuye Yesu Kristu cikhale ndi inu.

²⁴Cikondi canga cikhale ndi inu nonse mwa Kristu Yesu. Amen.