Read Buku Lopatulik Agalatiya 4 Bible Online

Agalatiya 4 - Buku Lopatulik bible

Agalatiya 4

¹Koma ndinena kuti, pokhala wolowa nyumba ali wakhanda, sasiyana ndi kapolo, angakhale ali mwini zonse;

²komatu ali wakumvera omsungira ndi adindo, kufikira nthawi yoikika kale ndi atate wace.

³Koteronso ife, pamene tinali akhanda, tinali akapolo akumvera miyambo ya dziko lapansi;

⁴koma pokwaniridwa nthawi, Mulungu anatuma Mwana wace, wobadwa ndi mkazi, wobadwa wakumvera lamulo,

⁵kuti akaombole iwo akumvera lamulo, kuti ife tikalandire umwana.

⁶Ndipo popeza muli ana, Mulungu anatumiza Mzimu wa Mwana wace alowe m'mitima yathu, wopfuula Abba, Atate.

⁷Kotero kuti sulinso kapolo, koma mwana; koma ngati mwana, wolowa nyumbanso mwa Mulungu.

⁸Komatu pajapo, posadziwa Mulungu inu, munacitira ukapolo iyo yosakhalamilungu m'cibadwidwe cao;

⁹koma tsopano, podziwa Mulungu inu, koma makamaka podziwika ndi Mulungu, mubwereranso bwanji kutsata miyambo yofoka ndi yaumphawi, imene mufuna kubwerezanso kuicitira ukapolo?

¹⁰Musunga masiku, ndi miyezi, ndi nyengo, ndi zaka.

¹¹Ndiopera inu, kuti kapena odadzibvutitsa ndi inu cabe.

¹²Abale, ndikupemphani, khalani monga ine, pakuti inenso ndiri mongainu. Simunandicitira coipa ine;

¹³koma mudziwa kuti m'kufoka kwa thupi ndinakulalikirani Uthenga Wabwino poyamba:

¹⁴ndipo cija ca m'thupi langa cakukuyesani inu simunacipeputsa, kapena sicinakunyansirani, komatu munandilandira ine monga mngelo wa Mulungu, monga Kristu Yesu mwini.

¹⁵Pamenepo thamo lanu liri kuti? Pakuti ndikucitirani inu umboni, kuti, kukadatheka, mukadakolowola maso anu ndi kundipatsa ine.

¹⁶Kotero kodi ndasanduka mdani wanu, pakukunenerani zoona?

¹⁷Acita cangu pa inu koma si kokoma ai, komatu afuna kukutsekerezani inu kunja, kuti mukawacitire iwowa cangu.

¹⁸Koma nkwabwino kucita cangu m'zabwino nthawi zonse, si pokha pokha pokhala nanu pamodzi ine.

¹⁹Tiana tanga, amene ndirikumvanso zowawa za kubala inu, kufikira Kristu aumbika mwa inu,

²⁰koma mwenzi nditakhala nanu tsopano, ndi kusintha mau anga; cifukwa ndisinkhasinkha nanu.

²¹Ndiuzeni, inu akufuna kukhala omvera lamulo, kodi simukumva cilamulo?

²²Pakuti palembedwa, kuti Abrahamu anali nao ana amuna awiri, mmodzi wobadwa mwa mdzakazi, ndi mmodzi wobadwa mwa mfulu.

²³Komatu uyo wa mdzakazi anabadwa monga mwa thupi; koma iye wa mfuluyo, anabadwa monga mwa Ionjezano, Izo ndizo zophiphiritsa;

²⁴pakuti akaziwa ali mapangano awiri, mmodzi wa ku phiri la Sinai, akubalira ukapolo, ndiye Hagara.

²⁵Koma Hagara ndiye phiri la Sinai, m'Arabiya, nafanana ndi Yerusalemu wa tsopano; pakuti ali muukapolo pamodzi ndi ana ace.

²⁶Koma, Yerusalemu wa kumwamba uli waufulu, ndiwo amai wathu.

²⁷Pakuti kwalembedwa, Kondwera, cumba iwe wosabala; Yimba nthungululu, nupfuule iwe wosamva kuwawa kwa kubala; Pakuti ana ace a iye ali mbeta acuruka koposa ana a iye ali naye mwamuna.

²⁸Koma ife, abale, monga Isake, tiri ana a lonjezano.

²⁹Komatu monga pompaja iye wobadwa monga mwa thupi anazunza wobadwa monga mwa Mzimu, momwemonso tsopano,

³⁰Koma lembo linena ciani? Taya kubwalo mdzakazi ndi mwana wace, pakuti sadzalowa nyumba mwanawa mdzakazi pamodzi ndi mwana wa mfulu.

³¹Cifukwa cace, abale, z sitiri ana a mdzakazi, komatu a mfulu.