Read Buku Lopatulik Agalatiya 5 Bible Online

Agalatiya 5 - Buku Lopatulik bible

Agalatiya 5

¹Kristu anatisandutsa mfulu, kuti tikhale mfulu; cifukwa cace cirimikani, musakodwenso ndi gori la ukapolo.

²Taonani, ine Paulo ndinena ndi inu, kuti, ngati mulola akuduleni, Kristu simudzapindula naye kanthu.

³Ndicitanso umboni kwa munthu yense wolola amdule, kuti ali wamangawa kucita cilamulo conse.

⁴Mulibe kanthu ndi Kristu, inu amene muyesedwa olungama ndi lamulo; mudagwa posiyana naco cisomo.

⁵Pakuti ife mwa Mzimu, kucokera m'cikhulupiriro, tilindira ciyembekezo ca cilungamo,

⁶Pakuti mwa Kristu Yesu kapena mdulidwe kapena kusadulidwa kulibe mphamvu; komatu cikhulupiriro cakucititsa mwa cikondi.

⁷Munathamanga bwino; anakuletsani ndani kuti musamvere coonadi?

⁸Kukopa kumene sikucokera kwa iye anakuitanani.

⁹Cotupitsa pang'ono citupitsa mtanda wonse.

¹⁰Ine ndikhulupirira inu mwa Ambuye, kuti simudzakhala nao mtima wina; koma iye wakubvuta inu, angakhale ali yani, adzasenza citsutso cace.

¹¹Koma ine, abale, ngati ndilalikiransoindulidwe, ndizunzikanso bwanji? Pamenepo cikhumudwitso ca mtanda cidatha.

¹²Mwenzi atadzidula, iwo akugwedezetsani inu.

¹³Pakuti adakuitanani inu, abale, mukhale mfulu; cokhaco musacite nao ufulu wanu cothandizira thupi, komatu mwa cikondi citiranani ukapolo.

¹⁴Pakuti mau amodzi akwaniritsa cilamulo conse ndiwo; Uzikonda mnzako monga udzikonda iwe mwini.

¹⁵Koma ngati mulumana ndi kudyana, cenjerani mungaonongane.

¹⁶Koma ndinena, Muyendeyende ndi Mzimu, ndipo musafitse cilakolako ca thupi.

¹⁷Pakuti thupi lilakalaka potsutsana naye Mzimu, ndi Mzimu potsutsana nalo thupi; pakuti izi sizilingana; kuti zimene muzifuna musazicite.

¹⁸Ngati Mzimu akutsogolerani, simuli omvera lamulo.

¹⁹Ndipo nchito za thupi zionekera, ndizo dama, codetsa, kukhumba zonyansa, kupembedza mafano,

²⁰nyanga, madano, ndeu, kaduka, zopsa mtima, zotetana, magawano, mipatuko, njiru,

²¹kuledzera, mcezo, ndi zina zotere; zimene ndikucenjezani nazo, monga ndacita, kuti iwo akucitacita zotere sadzalowa Ufumu wa Mulungu.

²²Koma cipatso ca Mzimu ndico cikondi, cimwemwe, mtendere, kuleza mtima, cifundo, kukoma mtima, icikhulupirtro,

²³cifatso, ciletso; pokana zimenezi palibe lamulo.

²⁴Koma iwo a Kristu Yesu adapacika thupi, ndi zokhumba zace, ndi zilakolako zace.

²⁵1 N gati tiri ndi moyo ndi Mzimu, ndi Mzimunso tiyende.

²⁶2 Tisakhale odzikuza, outsana, akucitirana njiru.