Read Buku Lopatulik Aefeso 5 Bible Online

Aefeso 5 - Buku Lopatulik bible

Aefeso 5

¹Cifukwa cace khalani akutsanza a Mulungu, monga ana okondedwa;

²ndipo yendani m'cikondi monganso Kristu anakukondani inu, nadzipereka yekha m'malo mwathu, copereka ndi nsembe kwa Mulungu, ikhale pfungo lonunkhira bwino.

³Koma dama ndi cidetso conse, kapena cisiriro, zisachulidwe ndi kuchulidwa komwe mwa inu, monga kuyenera oyera mtima;

⁴kapena cinyanso, ndi kulankhula zopanda pace, kapena zopusa zimene siziyenera; koma makamaka ciyamiko.

⁵Pakuti ici mucidziwe kuti wadama yense, kapena wacidetso, kapena wosirira, amene apembedza mafano, alibe colowa m'ufumu wa Kristu ndi Mulungu.

⁶Asakunyengeni inu munthu ndi mau opanda pace, pakuti cifukwa ca hi umadza mkwiyo wa Mulungu pa ana a kusamvera.

⁷Cifukwa cace musakhale olandirana nao;

⁸pakuti kale munali mdima, koma tsopano muli kuunika mwa Ambuye; yendani monga ana a kuunika,

⁹pakuti cipatso ca kuunika ticipeza m'ubwino wonse, ndi cilungamo, ndi coonadi,

¹⁰kuyesera cokondweretsa Ambuye nciani;

¹¹ndipo musayanjane nazo nchito za mdima zosabala kanthu, koma maka-makanso muzitsutse;

¹²pakuti zocitidwa nao m'tseri, kungakhale kuzinena kucititsa manyazi.

¹³Koma zinthu zonse potsutsika ndi kuunika, zionekera; pakuti conse cakuonetsa ciri kuunika.

¹⁴Mwa ici anena, Khala maso wogona iwe, nuuke kwa akufa, ndi, po Kristu adzawala pa iwe.

¹⁵Potero, penyani bwino umo muyendera, si monga opanda nzeru, koma monga anzeru;

¹⁶akucita macawi, popeza masiku ali oipa,

¹⁷Cifukwa cace musakhale opusa, koma dziwitsani cifuniro ca Ambuye nciani.

¹⁸Ndipo musaledzere naye vinyo, m'mene muli citayiko; komatu mudzale naye Mzimu,

¹⁹ndi kudzilankhulira nokha ndi masalmo, ndi mayamiko, ndi nyimbo zauzimu, kuyimbira ndi kuyimba m'malimba Ambuye mumtima mwanu;

²⁰ndi kuyamika Mulungu Atate masiku onse, cifukwa ca zonse, m'dzina la Ambuye wathu Yesu Kristu;

²¹ndi kumverana wina ndi mnzace m'kuopa Kristu.

²²Akazi Inu, mverani amuna anu ainu eni, monga kumvera Ambuye.

²³Pakuti mwamuna ndiye mutu wa mkazi, monganso Kristu ndiye mutu wa Eklesia, ali yekha Mpulumutsi wa thupilo.

²⁴Komatu monga Eklesia amvera Kristu, koteronso akazi amvere amuna ao m'zinthu zonse.

²⁵Amuna inu, kondani akazi anu, monganso Kristu anakonda Eklesia, nadzipereka yekha m'malo mwace;

²⁶kuti akampatule, atamyeretsa ndi kumsambitsa madzi ndi mau;

²⁷kutilye akadziikire yekha Eklesia wa ulemerero, wopanda banga, kapena khwinya, kapena kanthu kotere; komatu kuti akhale woyera, ndi wopanda cirema.

²⁸Koteronso amuna azikonda akazi ao a iwo okha monga ngati matupi a iwo okha. Wokonda mkazi wa iye yekha, adzikonda yekha;

²⁹pakuti munthu sanadana nalo thupi lace ndi kale lonse; komatu alilera nalisunga, monganso Kristu Eklesia;

³⁰pakuti tiri ziwalo za thupi lace.

³¹1 Cifukwa ca ici munthu azisiya atate ndi amai, nadzaphatikizana ndi mkazi wace; ndipo iwo awiri adzakhala thupi limodzi.

³²Cinsinsi ici ncacikuru; koma ndinena ine za Kristu ndi Eklesia.

³³Komanso inu, yense pa yekha, yense akonde mkazi wace wa iye yekha, monga adzikonda yekha; ndipo 2 mkaziyo akumbukile kuti aziopa mwamuna.