Read Buku Lopatulik 1 Timoteo 2 Bible Online

1 Timoteo 2 - Buku Lopatulik bible

1 Timoteo 2

¹Ndidandaulira tsono, poyambayamba, kuti acitike mapembedzo, mapemphero, mapembedzero, mayamiko, cifukwa ca anthu onse;

²cifukwa ca mafumu ndi onse akucita ulamuliro kuti m'moyo mwathu tikakhale odika mtima, ndi acete m'kulemekeza Mulungu, ndi m'kulemekezeka monse.

³Pakuti ici ncokoma ndi colandirika pamaso pa Mulungu Mpulumutsi wathu;

⁴amene afuna anthu onse apulumuke, nafike pozindikira coonadi.

⁵Pakuti pali Mulungu mmodzi, ndi Mtetezi mmodzi pakati pa Mulungu ndi anthu, ndiye munthu, Kristu Yesu,

⁶amene anadzipereka yekha ciombolom'malo mwa onse; umboni m'nyengo zace;

⁷umene anandiika ine mlaliki wace ndi mtumwi (ndinena zoona, wosanama ine), mphunzitsi wa amitundu m'cikhulupiriro ndi coonadi.

⁸Cifukwa cace ndifuna kuti amunawo apemphere pamalo ponse, ndi kukweza manja oyera, opanda mkwiyo ndi makani.

⁹Momwemonso, akazi adzibveke okha ndi cobvala coyenera, ndi manyazi, ndi cidziletso; osati ndi tsitsi lace loluka, ndi golidi kapena ngale, kapena maraya a mtengo wace wapatali;

¹⁰komatu (umo mokomera akazi akubvomereza kulemekeza Mulungu), mwa nchito zabwino.

¹¹Mkazi aphunzire akhale wacete m'kumvera konse.

¹²Koma sindilola ine kuti mkazi aphunzitse, kapena kulamulira mwamuna; komatu akhale cete.

¹³Pakuti Adamu anayamba kulengedwa, pamenepo Heva;

¹⁴ndipo Adamu sananyengedwa, koma mkaziyo ponyengedwa analowa m'kulakwa;

¹⁵koma adzapulumutsidwa mwa kubala mwana, ngati akhala m'cikhulupiriro ndi cikondi ndi ciyeretso pamodzi ndi cidziletso.