Read Buku Lopatulik Ahebri 3 Bible Online

Ahebri 3 - Buku Lopatulik bible

Ahebri 3

¹Potero, abale oyera mtima, olandirana nao maitanidwe akumwamba, lingirirani za Mtumwi ndi. Mkuluwansembe wa cibvomerezo cathu, Yesu;

²amene anakhala wokhulupirika kwa iye adamuikayo, monganso Mose m'nyumba yace yonse.

³Pakuti ameneyo wayesedwa woyenera ulemerero woposa Mose, monga momwe iye amene anaimanga nyumba ali nao ulemerero woposa nyumbayi.

⁴Pakuti nyumba iri yonse iri naye wina woimanga; koma wozimanga zonse ndiye Mulungu.

⁵Ndipo Mosetu anali wokhulupirika m'nyumba yace yonse, monga mnyamata, acitire umboni izi zidzalankhulidwazi;

⁶koma Kristu monga mwana, wosunga nyumba yace; ndife nyumba yace, ngati tigwiritsa kulimbika mtima ndi kudzitamandira kwa ciye-I mbekezoeo, kucigwira kufikira citsiriziro.

⁷Momwemo, monga anena Mzimu Woyera, Lero ngati mudzamva mau ace,

⁸Musaumitse mitima yanu, monga m'kupsetsa mtimamo, Monga muja tsiku la ciyesero m'cipululu,

⁹Cimene makolo anu anandiyesa naco, Ndi kundibvomereza, Naona nchito zanga zaka makumi anai.

¹⁰Momwemo ndinakwiya nao mbadwouwu, Ndipo ndinati, Nthawi zonse amasocera mumtima; Koma sanazindikira njira zangaiwowa;

¹¹Monga ndinalumbira m'ukali wanga: Ngati adzalowa mpumulo wanga!

¹²Tapenyani, abale, kuti kapena ukakhale mwa wina wa inu mtima woipa wosakhulupira, wakulekana ndi Mulungu wamoyo;

¹³komatu dandauliranani nokha tsiku ndi tsiku, pamene paehedwa, Lero; kuti angaumitsidwe wina wa inu ndi cenjerero la ucimo;

¹⁴pakuti takhala ife olandirana ndi Kristu, ngatitu tigwiritsa ciyambi ca kutama kwathu kucigwira kufikira citsiriziro;

¹⁵umo anenamo, Lero ngati mudzamva mau ace, Musaumitse mitima yanu, monga pa kupsetsa mtima.

¹⁶Pakuti ndi ayani, pakumva, anapsetsa mtima? Kodi si onse aja adaturuka m'Aigupto ndi Mose?

¹⁷Koma anakwiya ndi ayani zaka makumi anai? Kodi si ndi awo adacimwawo, amene matupi ao adagwa m'cipululu?

¹⁸Ndipo adawalumbirira ayani kuti asalowe mpumulo wace?

¹⁹Si awo kodiosamverawo? Ndipo tiona kuti sanakhoza kulowa cifukwa ca kusakhulupirira.