Read Buku Lopatulik Ahebri 8 Bible Online

Ahebri 8 - Buku Lopatulik bible

Ahebri 8

¹Koma mutu wafzi tanenazi ndi uwu: Tiri naye Mkuruwansembe wotere, amene anakhala pa dzanja lamanja la mpando wacifumu wa Ukulu m'Kumwamba,

²Mtumiki wa malo opatulika, ndi wa cihema coona, cimene Ambuye anacimanga, si munthu ai.

³Pakuti mkulu wa ansembe ali yense aikidwa kupereka mitulo, ndiponso nsembe; potero nkufunika kuti ameneyo akhale nako kanthunso kakupereka,

⁴Ndipo iye akadakhala padziko, sakadakhala konse wansembe, popeza pali iwo akupereka mitulo monga mwa lamulo;

⁵amene atumikira cifaniziro ndi mthunzi wa zakumwambazo monga Mose acenjezedwa m'mene anafuna kupanga cihema: pakuti, Cenjera, ati, ucite zonse monga mwa citsanzoco caonetsedwa kwa iwe m'phiri.

⁶Koma tsopano iye walandira citumikiro comveka coposa, umonso ali Nkhoswe ya pangano labwino loposa, limene likhazikika pa malonjezano oposa.

⁷Pakuti loyamba lija likadakhala lopanda cirema sakadafuna malo a laciwirilo.

⁸Pakuti powachulira iwo cifukwa, anena, Taonani, akudza masiku, anena Ambuye, Ndipo ndidzapangana pangano latsopano ndi nyumba ya Israyeli, ndi nyumba ya Yuda,

⁹Losati longa pangano ndinalicita ndi makolo ao, Tsikuli ndinawagwira kudzanja iwo kuwatsogolera aturuke m'dziko la Aigupto; Kuti iwo sanakhalabe m'pangano langa, Ndipo loe sindinawasamalira iwo, anena Ambuye,

¹⁰Pakuti ili ndi pangano ndidzalipangana ndi nyumba ya Israyeli, Atapita masiku ajawa, anena Ambuye: Ndidzapatsa malamulo anga kuwalonga m'nzeru zao, Ndipo pamtima pao ndidzawalemba iwo; Ndipo ndidzawakhalira iwo Mulungu, Ndipo iwo adzandikhalira Ine anthu:

¹¹Ndipo sadzaphunzitsa yense mfulu mnzace, Ndipo yense mbale wace, ndi kuti, Zindikira Ambuye: Pakuti onse adzadziwa Ine, Kuyambira wamng'ono kufikira wamkuru wa iwo.

¹²Kuti ndidzacitira cifundo rosalungama zao, Ndipo zoipa zao sindidzazikumbukanso.

¹³Pakunena iye, Latsopano, anagugitsa loyambali. Koma cimene cirimkuguga ndi kusukuluka, cayandikira kukanganuka.