Read Buku Lopatulik Oweruza 5 Bible Online

Oweruza 5 - Buku Lopatulik bible

Oweruza 5

¹Ndipo Debora ndi Baraki mwana wa Abinoamu anayimba tsiku lomwelo ndi kuti,

²Lemekezani Yehova Pakuti atsogoleri m'Israyeli anatsogolera, Pakuti anthu anadzipereka mwaufulu.

³Imvani mafumu inu; cherani makutu, akalonga inu; Ndidzayimbira ine Yehova, inetu; Ndidzamuyimbira nyimbo, Yehova, Mulungu wa Israyeli,

⁴Yehova, muja mudaturuka m'Seiri, Muja mudayenda kucokera ku thengo la Edomu, Dziko linanjenjemera, thambo lomwe linakha, Inde mitambo inakha madzi.

⁵Mapiri anagwedezeka pamaso pa Yehova, Sinai ili pamaso pa Yehova, Mulungu wa Israyeli.

⁶Masiku a Samagara, mwana wa Anati, Masiku a Yaeli maulendo adalekeka Ndi apanjira anayenda mopazapaza,

⁷Miraga idalekeka m'Israyeli, idalekeka. Mpaka ndinauka ine Debora, Ndinauka ine amai wa Israyeli.

⁸Anasankha milungu yatsopano, Pamenepo nkhondo inaoneka kuzipata. Ngati cikopa kapena nthungo zidaoneka Mwa zikwi makumi anai a Israyeli?

⁹Mtima wanga ubvomerezana nao olamulira a m'Israyeli, Amene anadzipereka mwaufulu mwaanthu. Lemekezani Yehova.

¹⁰Inu akuyenda okwera pa aburu oyera, Inu akukhala poweruzira, Ndi inu akuyenda m'njira, fotokozerani.

¹¹Posamveka phokoso la amauta potunga madzi, Pomwepo adzafotokozera zolungama anazicita Yehova, Zolungama anazicita m'miraga yace, m'lsrayeli. Pamenepo anthu a Yehova anatsikira kuzipata.

¹²Galamuka, Debora, galamuka, Galamuka, galamuka, unene nyimbo; Uka, Baraki, manga nsinga ndende zako, mwana wa Abinoamu, iwe.

¹³Pamenepo omveka otsala anatsika ndi anthu; Yehova ananditsikira pakati pa acamuna.

¹⁴Anafika Aefraimu amene adika mizu m'Amaleki; Benjamini anakutsata iwe pakati pa anthu ako. Ku Makiri kudacokera olamulira, Ndi ku Zebuloni iwo akutenga ndodo ya mtsogoleri.

¹⁵Akalonga a Isakara anali ndi Debora; Monga Isakara momwemo Baraki, Anawatuma m'cigwa namka coyenda pansi. Pa mitsinje ya Rubeni panali zotsimikiza mtima zazikuru.

¹⁶Wakhaliranji pakati pa makola, Kumvera kulira kwa zoweta? Ku timitsinje ta Rubeni kunali zotsimikiza mtima zazikuru.

¹⁷Gileadi anakhala tsidya lija la Yordano; Ndi Dani, akhaliranji mzombo? Aseri anakhala pansi m'mphepete mwa nyanja, Nakhalitsa pa nyondo yace ya nyanja.

¹⁸Zebuloni ndiwo anthu anataya moyo wao mpaka imfa, Nafitali yemwe poponyana pamisanje.

¹⁹Anadza mafumu, nathira nkhondo Pamen'epo anathira nkhondo mafumu a Kanani. M'Taanaki, ku madzi a Megido; Osatengako phindu la ndarama.

²⁰Nyenyezi zinathira nkhondo yocokera kumwamba, M'mipita mwao zinathirana ndi Sisera.

²¹Mtsinje wa Kisoni unawakokolola, Mtsinje uja wakale, mtsinje wa Kisoni. Yenda mwamphamvu, moyo wangawe.

²²Pamenepo ziboda za akavalo zinaguguda, Ndi kutumphatumpha, kurumphatumpha kwa anthu ace eni mphamvu,

²³Mutemberere Merozi, ati mthenga wa Yehova, Mutemberere citemberere nzika zace; Pakuti sanadzathandiza Yehova, Kumthandiza Yehova pa acamuna.

²⁴Wodalitsika, woposa akazi, akhale Yaeli Mkazi wa Heberi Mkeni. Akhale wodalitsika woposa akazi a m'hema.

²⁵Mwamunayo anapempha madzi, anampatsa mkaka, Anamtengera mafuta a mkaka m'cotengera ca mfulu.

²⁶Dzanja lace analitambasulira kuciciri, Ndi dzanja lace lamanja ku nyundo ya anchito, Nakhomera Sisera, nakantha mutu wace, Inde, anaphwanya napyoza m'litsipa mwace.

²⁷Pa mapazi ace anabzong'onyoka, anagwa, anagona; Pa mapazi ace anabzong'onyoka, anagwa; Pobzong'onyokapo, pamenepo wagwa wafa.

²⁸Anapenyerera ali pazenera, napfuula Mace wa Sisera, pa made ace, Acedweranji gareta wace? Zizengerezeranji njinga za magareta ace?

²⁹Akazi anzace omveka anzeru anamyankha; Koma anadziyankhira yekha mau,

³⁰Kodi sanapeza, sanagawa zofunkha? Namwali, anamwali awiri kwa munthu ali yense. Cofunkha ca nsaru za mawanga mawanga kwa Sisera; Cofunkha ca nsaru za mawanga mawanga, za maluwa, Nsaru za mawanga mawanga, za maluwa konse konse, kwa cofunkha ca khosi lace.

³¹Adani anu onse, Yehova, atayike momwemo. Koma iwo akukonda Inu akhale ngati dzuwa loturuka mu mphamvu yace. Ndipo dziko linapumula zaka makumi anai.