Read CHUYA QELLQA La Biblia en Quechua de Ayacucho 2012 2~Crónicas 11 Bible Online

2~Crónicas 11 - CHUYA QELLQA La Biblia en Quechua de Ayacucho 2012 bible

2~Crónicas 11

¹Rey Roboammi Jerusalén llaq-taman chayaramuspan, Judá ayllu-manta hinaspa Benjamín ayllumanta huñururqa guerrapaq akllasqa pachak pusaq chunka waranqa soldadokunata, chaynapi Israel runakunapa contranpi peleaspan munaychakusqan allpata kutichikunanpaq.

²Chaymi profeta Semaiasta Tayta Dios nirqa:

³Judapa reynin Salomonpa churin rey Roboamtawan Judapi chaynataq Benjaminpi yachaq Israelpa mirayninkunata kaynata nimuy:

⁴Tayta Diosmi kaynata nin: “Ama riychikchu nitaq Israelpa mirayninkunamanta aylluykichikkunawanpas peleamuychikchu, wasikichikman sapakama kutikuychik, kayqa ñoqapa tanteasqaymi”, nispa. Chaymi Tayta Diospa nisqanta kasukuspanku sapakama wasinkuman kutikurqaku.

⁵Roboammi Jerusalén llaqtapi yacharqa, hinaspam murallasqa llaqtakunata Judá lawpi hatarichirqa.

⁶Chay hatarichisqan llaqtakunam kaykuna: Belén, Etam, Tecoa,

⁷Bet-sur, Soco, Adulam,

⁸Gat, Maresa, Zif,

⁹Adoraim, Laquis, Azeca,

¹⁰Zora, Ajalón hinaspa Hebrón. Kay llaqtakunam Judá lawpi hinaspa Benjamín lawpipas allin murallasqa llaqtakuna karqaku.

¹¹Murallankunatapas raktata ruwachispanmi chayman capitankunata churarqa, churarqataqmi mikuytawan, aceiteta hinaspa vinotapas.

¹²Chay llaqtakunamanmi escudokunatawan lanzakunata qomurqa, hinaspam sapa llaqtapa perqankunata alli raktata ruwachirqa. Chaynatam Judá ayllupiwan Benjamín ayllupi munaychakurqa.

¹³Israel nacionpi sacerdotekunawan levitakunapas maymi yachasqankumanta hamuspankum Roboamman hukllawakuykurqaku.

¹⁴Llapa levitakunam kapuqninkutawan echaderonkuta saqespa Judá lawmanwan hinaspa Jerusalén llaqtaman hamurqaku. Ripukurqakuqa Jeroboamwan churinkuna Tayta Diosta serviyninkumanta qarqorusqankuraykum.

¹⁵Paykunapa rantinpim Jeroboamqa kikinpa sacerdotenkunataña churarurqa, moqokunapi kaq capillakunapi, demoniokunapa chaynataq toro idolokunata ruwachisqanpa sacerdotenkuna kanankupaq.

¹⁶Israelpi llapa ayllunkunamanta tukuy sonqonkuwan Tayta Diosta qatiy munaqkunapas levitakunawan sacerdotekuna hinam Jerusalén llaqtaman rirqaku, ñawpaq taytankupa yupaychasqan Tayta Diosman sacrificiokunata ofrecemunankupaq.

¹⁷Chaynatam Judá nacionta takyachirqaku hinaspam Salomonpa churin Roboamta yanaparqaku; Roboamqa kimsa watallam Davidpa hinaspa Salomonpa ruwasqanta hina ruwarqa.

¹⁸Rey Roboammi casarakururqa Davidpa willkan Mahalatwan, Maha-latqa karqa Jerimotpa churinmi. Casa-rakurqataqmi Eliabpa churin Abihailwanpas. Eliabqa karqa Isaipa churinmi.

¹⁹Mahalatmi Roboampa churinkunata wachakurqa, paykunam karqa: Jehús, Semarías hinaspa Zaham.

²⁰Chaymantam Absalonpa churin Maacawan casarakururqa, paypa wa-wankunam karqa: Abías, Atai, Ziza hinaspa Selomit.

²¹Roboamqa llapallan warmikunamantapas mastaqa Absalonpa churin Maacatam kuyarqa. Roboampam karqa chunka pusaqniyuq warminkuna, soqta chunka uywanakuq masinkuna. Qari churinkunam karqa iskay chunka pusaqniyuq, warmi churinkunañataqmi karqa soqta chunka.

²²Roboammi churarurqa Maacapa wawan Abiasta llapallan wawqenkunapa kamachiqnin kananpaq. Chaynataqa ruwarqa Abías rey kananta munaspanmi.

²³Allinta tanteaspam llapallan churinkunaman rakirurqa Judá lawpi hinaspa Benjamín lawpi kaq murallasqa llaqtakunata, qorqataqmi mikuykunatapas achkanpi, hinaspam achka warmikunawan casarachirqa.