Read CHUYA QELLQA La Biblia en Quechua de Ayacucho 2012 Nehemías 11 Bible Online

Nehemías 11 - CHUYA QELLQA La Biblia en Quechua de Ayacucho 2012 bible

Nehemías 11

¹Llapa runakunapa kamachiqninkunam Jerusalén llaqtapiña yacharqaku, wakin runakunañataqmi sortearqaku sapa chunka ayllumanta hukta akllanankupaq, chay akllasqa aylluñataq Jerusalén chuya llaqtapi yachananpaq, wakin puchuq isqon ayllukunañataqmi qeparqaku huklaw llaqtakunapi yachanankupaq.

²Hinaptinmi llapallan runakunañataq chay Jerusalenpi yachay munaqkunata bendecirqaku.

³Kaykunam preso apasqa kasqankumanta kutimuqkunapa kamachiqninkuna, paykunam Jerusalenpi yacharqaku. Judá nacionpi kaq wakin llaqtakunapiñataqmi Israel runakunawan, sacerdotekuna, levitakuna, templopi servikuqkuna hinaspa Salomonpa serviqninkunapa mirayninkuna, sapakama llaqtankupi yacharqaku.

⁴Kaykunam Judamanta hinaspa Benjaminmanta Jerusalenpi yachaqkuna; Judamanta kaqkunam karqa: Uziaspa churin Ataías. Uziaspa taytanmi karqa Zacarías, Zacariaspañataqmi Amarías, Amariaspañataqmi Sefatías, Sefatias-pañataqmi Mahalaleel, Mahalaleelqa karqa Farespa mirayninmi;

⁵hinaspa Barucpa churin Maasías, Barucpa taytanmi karqa Colhoze, Colhozepañataqmi Hazaías, Hazaiaspañataqmi Adaías, Adaiaspa-ñataqmi Joiarib, Joiaribpañataqmi Zacarías, Zacariaspañataqmi Siloni.

⁶Farespa mirayninmanta Jerusalenpi yachaqkunam karqaku tawa pachak soqta chunka pusaqniyuq runakuna, paykunaqa guerrapi peleaq runakunam karqaku.

⁷Benjamín ayllumanta kaqkunam karqaku: Mesulampa churin Salú, Mesulampa taytanmi karqa Joed, Joedpañataqmi Pedaías, Pedaiaspañataqmi Colaías, Colaiaspañataqmi Maasías, Maasias-pañataqmi Itiel, Itielpañataqmi Jesaías,

⁸hinaspa Gabaiwan Salai. Gabaiwan Salaiqa Jesaiaspa wawqen-kunam karqaku. Llapallankum karqaku isqon pachak iskay chunka pusaqniyuq runakuna.

⁹Paykunapa kamachiqninkum karqa Zicripa churin Joel, Judapa churin Senuañataqmi Jerusalén llaqtapi iskay kaq kamachikuq karqa.

¹⁰Sacerdotekunamantam karqaku: Joiaribpa churin Jedaías, Jaquín,

¹¹Hilciaspa churin Seraías. Hilciaspa taytanmi karqa Mesulam, Mesulam-pañataqmi Sadoc, Sadocpañataqmi Meraiot, Meraiotpañataqmi Ahitob, Ahitobqa karqa Diospa wasinpi kamachikuqmi.

¹²Paykunam templopi llamkaq masinkunawan kuska karqaku pusaq pachak iskay chunka iskayniyuq runakuna. Chaynallataq Jerohampa churin Adaiaspas, Jerohampa taytanmi karqa Pelalías, Pelaliaspañataqmi Amsi, Amsipañataqmi Zacarías, Zaca-riaspañataqmi Pasur, Pasurpañataqmi Malquías.

¹³Paykunam ayllunkumanta kaq kamachikuqkunapiwan kuska karqaku iskay pachak tawa chunka iskayniyuq runakuna. Azareelpa churin Amasai, Azareelpa taytanmi karqa Azai, Azaipañataqmi Mesilemot, Mesilemotpañataqmi Imer.

¹⁴Paykunam ayllunkunamanta allinnin qari-qari runakunapiwan karqaku pachak iskay chunka pusaqniyuq runakuna. Paykunapa kamachiqninkum karqa Gedolimpa churin Zabdiel.

¹⁵Levitakunamantam karqaku Hasubpa churin Semaías, Hasubpa taytanmi karqa Azricam, Azricampañataqmi Hasabías, Hasabiaspañataqmi Buni.

¹⁶Sabetaiwan Jozabad, paykunaqa levitakunapa kamachiqninkunam karqaku, Diospa templonpa hawa lawninpi llamkachiqkuna.

¹⁷Mecaiapa churin Matanías, Mecaiapa taytanmi karqa Zabdi, Zabdipañataqmi Asaf, Asafqa Diospa templonpi takiqkunapa directorninmi karqa, paykunam mañakuy horapi Diosta yupaychaspanku graciasta qoqku. Qeparqataqmi Bacbu-quiaspas, payqa karqa ayllunkunapi iskay kaq kamachikuqmi. Chaynallataq Samuapa churin Abdapas, Samuapa taytanmi karqa Galal, Galalpañataqmi Jedutún.

¹⁸Chuya llaqtapi yachanankupaq qepaq levitakunam karqaku iskay pachak pusaq chunka tawayuq runakuna.

¹⁹Punku nanachikuqkunam karqaku Acub, Talmón hinaspa wawqenkuna, paykunam punkukunata waqaycharqaku; llapallankum karqaku pachak qanchis chunka iskayniyuq runakuna.

²⁰Israelmanta, sacerdotekunamanta hinaspa Levitakunamanta wakin runa-kunaqa Judá nacionpi kaq llaqta-kunapim sapakama allpankupi yacharqaku.

²¹Templopi llamkaqkunam Ofelpi yacharqaku, paykunapa kamachiqninkum karqa Zihawan, Gispa.

²²Jerusalenpi kaq Levitakunapa kama-chiqninkum karqa Banipa churin Uzi, Bunipa taytanmi karqa Hasabías, Hasabiaspañataqmi Matanías, Mata-niaspañataqmi Micaías. Paykunaqa karqaku Asafpa mirayninmanta kaqkunam, hina paykunataqmi karqaku Diospa templonpi takiqkunapa directorninpas.

²³Ñawpaqta reypa kamachisqanman hinam takiqkunaqa ima ruwanankutapas ruwarqaku.

²⁴Llaqtapa ima asuntontapas atiendenanpaqmi rey churarqa Mesezabeelpa churin Petaiasta, Mesezabeelqa karqa Judapa churin Zerapa mirayninmi.

²⁵Judá ayllumanta wakin runakunam yacharqaku Quiriat-Arba, Dibón, Jecabseel,

²⁶Josué, Molada, Bet-pelet,

²⁷Hazar-sual, Beerseba,

²⁸Siclag, Mecona,

²⁹En-rimón, Zora, Jarmut,

³⁰Zanoa, Adulam, Laquis, Azeca llaqtakunapi chaynataq llaqtachankunapipas. Paykunaqa yacharqaku Beerseba llaqtamanta Hinom wayqokamam.

³¹Benjamín ayllukunañataqmi yacharqaku Geba, Bet-el llaqtakunapi chaynataq llaqtachankunapipas;

³²Yacharqakutaqmi Anatot, Nob, Ananías,

³³Hazor, Ramá, Gitaim,

³⁴Hadid, Seboim, Nebalat,

³⁵Lod, Ono llaqtakunapi chaynataq artesanos nisqan wayqopipas.

³⁶Levitakunamantam wakiqninku Judá allpapiwan Benjamín allpapi yacharqaku.