Read CHUYA QELLQA La Biblia en Quechua de Ayacucho 2012 Nehemías 7 Bible Online

Nehemías 7 - CHUYA QELLQA La Biblia en Quechua de Ayacucho 2012 bible

Nehemías 7

¹Llaqtapa murallan qespiruptinmi punkunkunatapas churarurqaniku, hinaspam punkukuna nanachikuqkunata, takiqkunata chaynataq levitakunatapas churarqaniku.

²Jerusalenpi kamachikunanpaqmi wawqey Hananita churarqani, Hananiastañataqmi reypa palacionpi kamachikunanpaq, paytaqa churarqani confianza runa kaptinmi chaynataq Tayta Diostapas manchakusqanraykum.

³Hinaspaymi paykunata nirqani: Jerusalén llaqtapa punkunkunataqa inti qespimunankamam ama kichankichikchu, tardenñataqmi llaqta nana-chikuqkuna puestonkupi kachkaptillanraq cerrojowan allinta wichqankichik. Jerusalén llaqtapi yachaqkunamantam churankichik llaqta nanachikuqkunata. Paykunamantam wakiqnin nanachikunqa maymi nanachikunankupi, wakinña-taqmi wasinkupa chimpanpi nanachikunqaku.

⁴Llaqtaqa hatunmi karqa, chaypi yachaqkunam ichaqa aslla karqaku, tuñichisqa wasikunata manaraq hatarichisqankurayku.

⁵Hinaptinmi sonqoyman Dios churarqa ancha reqsisqa runakunata, kamachikuqkunata hinaspa llapa runakunatapas huñunaypaq, chaynapi sapakamata ayllun-ayllun listachinaypaq, hinaspam ñawpaq kutimuqkunapa listachikusqanku librota tarirurqani, chaypim kayna qellqasqa kasqa:

⁶Kaykunam Judá lawpi kaq runakuna, rey Nabucodonosorpa Babiloniaman preso apasqanmanta kutimuqkuna. Paykunam sapakama kutimurqaku Jerusalenman, Judá nacionman hinaspa llaqtankuman.

⁷Zorobabelwan, Josueywan, Nehemiaswan, Azariaswan, Raamiaswan, Nahamaniwan, Mardoqueowan, Bilsanwan, Misperetwan, Bigvaiwan, Nehumwan hinaspa Baanawan kutimuqkunam kaykuna:

⁸Parospa mirayninkunamanta iskay waranqa pachak qanchis chunka iskayniyuq runakuna.

⁹Sefatiaspa mirayninkunamanta kimsa pachak qanchis chunka iskayniyuq runakuna.

¹⁰Arapa mirayninkunamanta soqta pachak pichqa chunka iskayniyuq runakuna.

¹¹Pahat-moabpa, Josueypa hinaspa Joabpa mirayninkunamanta iskay waranqa pusaq pachak chunka pusaqniyuq runakuna.

¹²Elampa mirayninkunamanta waranqa iskay pachak pichqa chunka tawayuq runakuna.

¹³Zatupa mirayninkunamanta pusaq pachak tawa chunka pichqayuq runakuna.

¹⁴Zacaipa mirayninkunamanta qanchis pachak soqta chunka runakuna.

¹⁵Binuipa mirayninkunamanta soqta pachak tawa chunka pusaqniyuq runakuna.

¹⁶Bebaipa mirayninkunamanta soqta pachak iskay chunka pusaqniyuq runa-kuna.

¹⁷Azgadpa mirayninkunamanta iskay waranqa kimsa pachak iskay chunka iskayniyuq runakuna.

¹⁸Adonicampa mirayninkunamanta soqta pachak soqta chunka qanchisniyuq runakuna.

¹⁹Bigvaipa mirayninkunamanta iskay waranqa soqta chunka qanchisniyuq runakuna.

²⁰Adinpa mirayninkunamanta soqta pachak pichqa chunka pichqayuq runakuna.

²¹Ater lawmanta kaq Ezequiaspa mirayninkunamanta isqon chunka pusaqniyuq runakuna.

²²Hasumpa mirayninkunamanta kimsa pachak iskay chunka pusaqniyuq runakuna.

²³Bezaipa mirayninkunamanta kimsa pachak iskay chunka tawayuq runakuna.

²⁴Harifpa mirayninkunamanta pachak chunka iskayniyuq runakuna.

²⁵Gabaonpa mirayninkunamanta isqon chunka pichqayuq runakuna.

²⁶Belén hinaspa Netofa llaqtayuqkunamanta pachak pusaq chunka pusaqniyuq runakuna.

²⁷Anatot llaqtayuqkunamanta pachak iskay chunka pusaqniyuq runakuna.

²⁸Bet-azmavet llaqtayuqkunamanta tawa chunka iskayniyuq runakuna.

²⁹Quiriat-jearim, Cafira hinaspa Beerot llaqtayuqkunamanta qanchis pachak tawa chunka kimsayuq runakuna.

³⁰Ramá hinaspa Geba llaqtayuqkunamanta soqta pachak iskay chunka hukniyuq runakuna.

³¹Micmas llaqtayuqkunamanta pachak iskay chunka iskayniyuq runakuna.

³²Bet-el hinaspa Hai llaqtayuqkunamanta pachak iskay chunka kimsayuq runakuna.

³³Huknin Nebo llaqtayuqkunamanta pichqa chunka iskayniyuq runakuna.

³⁴Huknin Elam llaqtayuqkunamanta waranqa iskay pachak pichqa chunka tawayuq runakuna.

³⁵Harim llaqtayuqkunamanta kimsa pachak iskay chunka runakuna.

³⁶Jericó llaqtayuqkunamanta kimsa pachak tawa chunka pichqayuq runakuna.

³⁷Lod, Hadid hinaspa Ono llaqtayuqkunamanta qanchis pachak iskay chunka hukniyuq runakuna.

³⁸Senaa llaqtayuqkunamanta kimsa waranqa isqon pachak kimsa chunka runakuna.

³⁹Sacerdotekunamanta kutimuqkunam karqaku, Josueypa hinaspa Jedaiaspa mirayninkunamanta isqon pachak qanchis chunka kimsayuq runakuna.

⁴⁰Imerpa mirayninkunamantam waranqa pichqa chunka iskayniyuq runakuna.

⁴¹Pasurpa mirayninkunamanta waran-qa iskay pachaknin tawa chunka qanchisniyuq runakuna.

⁴²Harimpa mirayninkunamanta waranqa chunka qanchisniyuq runakuna.

⁴³Levitakunamanta kutimuqkunam karqaku, Hodaviaspa churinkuna Josueypa chaynataq Cadmielpa mirayninkunamanta qanchis chunka tawayuq runakuna.

⁴⁴Takiqkunamanta kutimuqkunam karqaku, Asafpa mirayninkunamanta pachak tawa chunka pusaqniyuq runa-kuna.

⁴⁵Punku waqaychaqkunamanta kutimuqkunam karqaku, Salumpa, Aterpa, Talmonpa, Acubpa, Hatitapa hinaspa Sobaipa mirayninkunamanta pachak kimsa chunka pusaqniyuq runakuna.

⁴⁶Templopi servikuqkunamanta kutimuqkunam karqaku, Zihapa, Hasufapa, Tabaotpa,

⁴⁷Querospa, Siahapa, Padonpa,

⁴⁸Lebanapa, Hagabapa, Salmaipa,

⁴⁹Hananpa, Gidelpa, Gaharpa,

⁵⁰Reaiapa, Rezinpa, Necodapa,

⁵¹Gazampa, Uzapa, Paseahpa,

⁵²Besaipa, Mehunimpa, Nefisempa,

⁵³Bacbucpa, Hacufapa, Harhurpa,

⁵⁴Bazlutpa, Mehidapa, Harsapa,

⁵⁵Barcospa, Sisarapa, Temapa,

⁵⁶Neziapa hinaspa Hatifapa mirayninkuna.

⁵⁷Salomonpa serviqninkunapa mirayninkunamanta kutimuqkunam karqaku, Sotaipa, Soferetpa, Perudapa,

⁵⁸Jaalapa, Darconpa, Gidelpa,

⁵⁹Sefatiaspa, Hatilpa, Poqueret-hazebaimpa hinaspa Amonpa mirayninkuna.

⁶⁰Templopi servikuqkunapa hinaspa Salomonpa serviqninkunapa mirayninkunamantam karqaku kimsa pachak isqon chunka iskayniyuq runakuna.

⁶¹Tel-mela, Tel-harsa, Querub, Adón hinaspa Imer llaqtakunamanta kuti-muqkunaqa manam allintaqa yachakurqakuchu Israelpa miraynin otaq karu ayllullan kasqankutapas. Paykunam karqaku:

⁶²Delaiapa, Tobiaspa hinaspa Necodapa mirayninkunamanta soqta pachak tawa chunka iskayniyuq runakuna.

⁶³Sacerdotekunapa mirayninkunamanta kutimuqkunam karqaku, Habaiapa, Cospa hinaspa Barzilaipa mirayninkuna. Barzilaimi Galaad lawmanta kaq Barzilaipa huknin warmi churinwan casarakurqa, chayraykum suegronpa sutinwan sutichakurqa.

⁶⁴Paykunam ñawpaq taytankupa sutinta listakunapi maskaspanku mana tarirqakuchu, chaynapim sacerdote kayninkumantapas hurqosqa karqaku.

⁶⁵Chayraykum paykunata gobernador kamachirqa, Diospaq sapaqchasqa kaqkunata amaraq mikunankupaq, Urimtawan Tumimta choqaspa sacerdote tapunankama.

⁶⁶Babiloniamanta llapallan kutimuqkunam karqaku tawa chunka iskayniyuq waranqa kimsa pachak soqta chunka runakuna.

⁶⁷Criadokunawan criadakunaqa manam yupasqachu karqaku. Paykunam karqaku qanchis waranqa kimsa pachak kimsa chunka qanchisniyuq runakuna, paykuna ukupim karqa qaripas warmipas iskay pachak tawa chunka pichqayuq takiqkuna.

⁶⁸Caballokunam karqa qanchis pachak kimsa chunka soqtayuq, mulakunam karqa iskay pachak tawa chunka pichqayuq,

⁶⁹Camellokunam karqa tawa pachak kimsa chunka pichqayuq, asnokunañataqmi karqa soqta waranqa qanchis pachak iskay chunkan.

⁷⁰Ayllukunapi kamachikuqkunamantam wakiqninku, obrapaq ofrendakunata qorqaku. Gobernadorpas templopi qori-qollqe waqaychaqmanmi qorqa pusaq kilo qorita, pichqa chunka tazonkunata, sacerdotekunapa pachankunatapas pichqa pachakta.

⁷¹Ayllukunapi kamachikuqkunam templopi qori-qollqe waqaychaqman qorqaku pachak soqta chunka kilo qoritawan waranqa iskay pachak chunka kilo qollqeta.

⁷²Llapa runakunamantapas wakiqninkum qorqaku soqta chunka kilo qoritawan waranqa pachaknin kilo qollqeta, sacerdotekunapa pachankunatapas soqta chunka qanchisniyuqtam qorqaku.

⁷³Llapa sacerdotekunawan, levitakuna, punku nanachikuqkuna, takiqkuna, llapa runakuna, templopi servikuqkunaqa sapakamam llaqtankupi yacharqaku. Qanchis kaq killa chayaramuptinqa, Israel runakunaqa llaqtankupiñam sapakama yachakurqaku.