Read CHUYA QELLQA La Biblia en Quechua de Ayacucho 2012 Proverbios 3 Bible Online

Proverbios 3 - CHUYA QELLQA La Biblia en Quechua de Ayacucho 2012 bible

Proverbios 3

¹Churilláy, yachachikuyniykunata ama qonqaychu, kamachikuyniykunata sonqoykipi waqaychay,

²hinaspaqa unay watakunam kawsakunki, kusikuytawan hawkayaytam tarinki.

³Kuyapayakuytawan cheqap kaqtaqa amayá haykapipas saqeruychu, collarta hinayá wallqakuruy, tablapi hinayá sonqoykipi qellqaruy,

⁴hinaspaqa Diospa chaynataq runakunapa kuyakuynintam tarinki.

⁵Tayta Diospiyá tukuy sonqoykiwan hapipakuy, kikikipa yachayllaykipiqa amayá hapipakuychu.

⁶Tukuy ima ruwasqaykipipas Tayta Diospi yuyaymanay, hinaptinqa paymi munasqanman hina kawsachisunki.

⁷Amayá yachayniyuqpaqqa hapikuruychu, aswanqa Tayta Diosta kasukuspa mana allinmanta suchurikuy,

⁸Chaykunaqa cuerpoykipaq hampim kanqa, tulluykikuna kallpanchaqmi kanqa.

⁹Tayta Diosta hatunchay tukuy ima kapuqnikikunawan, chaynallataq tarpusqaykipa punta rurunkunawanpas,

¹⁰hinaptinqa taqekikunapas kawsaykunawanmi llimparinqa, maqmaykipas vinowanmi llimparinqa.

¹¹ Churilláy, Tayta Diospa corregisusqaykitaqa ama wischupakuychu, corregisuptikiqa amayá piñakuychu.

¹²Tayta Diosqa kuyasqankunatam castigan, imaynam huk tayta kuyasqan churinta corregisqanta hina.

¹³¡Mayna kusisqam yachayta tariruq runaqa! ¡Mayna kusisqam yachayta chaskiruq runaqa!

¹⁴Yachayqa qollqemantapas aswan valorniyuqmi, qorimantapas aswan allin kaqkunatam qokun,

¹⁵alhaja rumimantapas aswan sumaqmi munayllapaqña ima kaqpas chaymanqa manam haypanmanchu.

¹⁶Yachayqa alleq makinwanmi unay kawsakuyta qokun, ichoq makinwanñataqmi apuyaytawan ancha reqsisqa kayta qokun,

¹⁷ñanninkunapas mayna sumaqmi, chayninta puriyqa hawkayaypi kawsakuymi.

¹⁸Yachayqa kawsaymi pipas tariruqninpaqqa. ¡Mayna kusisqam tariruspa waqaychaqkunaqa!

¹⁹Tayta Diosqa yachaywanmi kay pachata unancharqa, yachaywanmi cielokunatapas takyachirqa,

²⁰yachayninwanmi lamar qochatapas rakinarqa, yachayninwanmi puyukunamanta sullachimun.

²¹Churilláy, yachayniyuq kaytaqa amayá qonqaychu, allinta tantearispa imatapas ruway,

²²chaykunam qamta kawsachisunki, kunkaykipi collar hinam adornasunki.

²³Ñanta purispapas hawkam purikunki, manam chakikipas haytakunqachu.

²⁴Samaykuspaykipas manam manchakunkichu, puñuykuspaykipas hawkam puñukunki.

²⁵Qonqaymanta hamuq sasachakuykunatapas manam manchakunkichu, mana allin runakunaman hamuq sasachakuytapas manam manchakunkichu,

²⁶aswanqa Tayta Diosmi waqaychasunki, paymi trampaman wichinaykimantapas harkaykusunki.

²⁷Mañakusuqnikitaqa yanapaykuyá, qoykunaykipaq kachkaptinqa qoykuyá.

²⁸Runamasikita kunan yanapaykunaykipaq kachkaptinqa, amayá “paqarinña kutimuy” niychu.

²⁹Qanman hapipakuspa kawsaq runamasikipa contranpiqa amayá ima mana allintapas tanteaychu.

³⁰Mana pipas imanasuchkaptikiqa amayá piwanpas yanqamantaqa piñanakuychu.

³¹Mana allin runataqa amayá envidiakuychu, mana allin ruwasqankunatapas amayá qatipakuychu.

³²Tayta Diosmi millakun chayna runataqa, allin runatam ichaqa anchata kuyan.

³³Tayta Diosqa ñakanmi mana allin ruwaqpa wasintaqa, allin ruwaqpa wasintam ichaqa bendicen.

³⁴Burlakuqkunamantaqa Tayta Diospas burlakunmi, llampu sonqokunatam ichaqa kuyapayan.

³⁵Yachayniyuq runakunaqa ancha reqsisqam kanqaku, mana yachayniyuqkunam ichaqa, penqayman churasqa kanqaku.