Read CHUYA QELLQA La Biblia en Quechua de Ayacucho 2012 Levítico 27 Bible Online

Levítico 27 - CHUYA QELLQA La Biblia en Quechua de Ayacucho 2012 bible

Levítico 27

¹Israelpa mirayninkunaman ninanpaqmi Moisesta Tayta Dios kaynata nirqa: Sichum pipas ñoqa Tayta Diosta serviwananpaq qosqa runata reclamayta munaspaqa,

³iskay chunka watayuqmanta soqta chunka watayuqkamam qari kaptinqa santuariopi pesoman hina medio kilo masnin qollqeta tasankichik.

⁴Warmi kaptinñataqmi cuarto kilo masnin qollqeta tasankichik.

⁵Pichqa watayuqmanta iskay chunka watayuqkama qari kaptinqa cuarto kilo qollqetam tasankichik. Warmi kaptinñataqmi tawa onza qollqeta tasankichik.

⁶Huk killayuqmanta pichqa watankamañataqmi iskay onza qollqeta tasankichik, warmi kaptinñataqmi huk onza masnin qollqeta qonkichik.

⁷Soqta chunka watayuqmanta hanaymanñataqmi qari kaptinqa soqta onza qollqeta tasankichik. Warmi kaptinñataqmi tawa onza qollqeta tasankichik.

⁸Chay prometekuq runa llumpay wakcha kaspan tasasqaykichikta mana pagayta atiptinmi ichaqa, chay prometekuq runataqa sacerdoteman pusankichik, hinaptinmi sacerdote precionta churanqa prometekuqpa pagay atinanpaq hinallata.

⁹Sichum ñoqa Tayta Diosman ofrecewanaykichikpaq animalmanta ofrenda kaptinqa chay animalmi ñoqallapaqña sapaqchasqa kanqa.

¹⁰Huk animalwanqa amam cambiankichu allin kaptin otaq mana allin kaptinpas, sichum cambiarunki hinaptinqa iskaynin animalmi ñoqapaq sapaqchasqa kanqa.

¹¹Sichum ñoqa Tayta Diosman mana ofrecewanaykichikpaq hina chay animal kaptinqa, sacerdotemanmi pusankichik.

¹²Sacerdoteñataqmi qawaspan precionta churanqa allin otaq mana allin kaptinpas, chaynapim animalpa precionqa kanqa sacerdotepa churasqanman hina.

¹³Chay animalta pipas reclamayta munaspaqa, chay precionmanmi pichqa parteman rakisqapa hukninta yapanqa.

¹⁴Pipas wasinta ñoqa Tayta Diospaqña sapaqchapuwaptinqa sacerdotem precionta churanqa allin otaq mana allin kaptinpas. Precionqa sacerdotepa chu-rasqanman hinam kanqa.

¹⁵Sapaqchapuwasqan wasita pipas kutichikuyta munaspaqa chay wasipa precionmanmi yapaykunqa pichqa parteman rakisqapa hukninta, hinaspam kutichikunqa.

¹⁶Pipas hukkaqnin herencia chakranta ñoqa Tayta Diospaq sapaqchapuwaptinqa, precionmi kanqa tarpunapaq muhu yaykusqanman hina. Chakraman pachak iskay chunka kilo cebada yaykuptinqa medio kilo qollqe masninmi valenqa.

¹⁷Sichum pipas jubileo watapi chakranta sapaqchapuwaptinqa hina medio kilo masnin qollqellam valenqa.

¹⁸Sichum jubileo watapa qepantaña pipas chakranta sapaqchapuwaptinmi ichaqa sacerdote precionta churanqa. Chay watamanta qallarispa jubileo watakama precionta churaspanmi chayman hina menosyachinqa.

¹⁹Sichum chay chakra sapaqchapuwaqniy kutichikuyta munaspanqa precionmanmi pichqa parteman rakisqapa hukninta yapanqa, hinaspam kutichikunqa.

²⁰Chay chakrapa dueñon mana kutichikuyta otaq huk runamanña rantikusqa kaptinqa manam kutichikuyta atinmanñachu.

²¹Sichum jubileo watapi chay chakra libre kaspaqa ñoqallapaqñam kanqa hinaptinmi sacerdotepaqña kanqa.

²²Sichum pipas rantisqan chakrata otaq mana herencian kachkaptin ñoqa Tayta Diospaq chay chakrata sapaqchapuwaptinqa,

²³sacerdotem chay chakrapa precionta jubileo watakama churanqa. Hinaptinmi chay chakra sapaqchapuwaqniy runañataq chay punchawpuni sacerdotepa tasasqanman hina paganqa, chaynapim chay qollqeqa ñoqa Tayta Diospaq sapaqchasqa kanqa.

²⁴Chay chakraqa jubileo watapiñam rantikuqnin runaman otaq chay herenciayuq runaman kutiykunqa.

²⁵Imakunapapas precion tasasqaykichikqa kanqa santuariopi pesoman hinam, chay santuariopi pesoqa yaqa media onzam.

²⁶Animalkunapa punta wawanqa, punta naceq kasqanraykum ñoqa Tayta Diospaq kanqa. Chay animalkunataqa manam pipas sapaqchapuwanmanñachu, toro kaspa otaq carnero kaspapas ñoqapam.

²⁷Mana mikuna animalpa punta kaq uñantaqa tasasqanku qollqeman pichqa parteman rakisqapa hukninta yapaspam reclamakunqa. Mana reclamaptinkuqa sacerdotepa tasasqanman hinam rantikusqa kanqa.

²⁸Sichum pipas kapuqninkunamanta ñoqa Tayta Diosllapaqña rakipuwan-man runata, animalta, otaq heren-cia allpanta, hinaspaqa manam chay-kunataqa rantikunmanchu, nitaqmi kutiykachikunmanchu, tukuy sapaqchasqa kaqkunaqa ñoqa Tayta Diosllapaqñam kanqa.

²⁹Wañunanpaq sentenciasqa runataqa manam pipas reclamanmanchu. Wañunanpaq sapaqchasqa runaqa wañunqapunim.

³⁰Kawsay cosechamanta diezmoqa chaynataq frutakunamanta diezmopas ñoqa Tayta Diospaqmi kanqa. Chaykunaqa ñoqallapaqña sapaqchasqam.

³¹Sichum pipas chay diezmomanta wakinta kutichikuyta munaspaqa kutichikunanpaqmi chaykunapa precionman pichqa parteman rakisqapa hukninta yapanqa.

³²Vacamanta kaptin otaq ovejamanta kaptinpas sapa chunka animal yupas-qamantam hukninta diezmopaq sapaq-chanqaku ñoqa Tayta Diospaq. Chay animalkunaqa diezmo kasqanraykum ñoqallapaqña sapaqchasqa kanqa.

³³Akllasqa kasqanmantaqa allin kasqanta otaq mana allin kasqantapas amam qawanqachu, nitaqmi cambianqachu. Cambiasqa kaspaqa chay diezmo animalpas hinaspa cambianapaq qosqan animalpas iskayninmi ñoqallapaqña kanqa. Chaynaqa, mana reclamay atinañam kanqa, nispa.

³⁴Israelpa mirayninkunapaqmi kay kamachikuykunata Tayta Dios qorqa Moisesman Sinaí orqopi.