Read CHUYA QELLQA La Biblia en Quechua de Ayacucho 2012 Jeremías 21 Bible Online

Jeremías 21 - CHUYA QELLQA La Biblia en Quechua de Ayacucho 2012 bible

Jeremías 21

¹Rey Sedequiasmi Malquiaspa churin Pasurtawan Maasiaspa churin sacerdote Sofoniasta kacharqa, Jeremiasta kaynata nimunankupaq:

²Ama hina kaspaykiyá ñoqanchikpaq Tayta Diosta tapuykuy. Babilonia nacionpa reynin Nabucodonosormi atacamuwachkanchik, ichapas Tayta Diosqa ñawpaq tiempopi hina admirakuypaq kaqkunata ruwaspan Nabucodonosorta ñoqanchikmanta asurachinman, nispa.

³Jeremiasñataqmi paykunata nirqa: Rey Sedequiasman kaynata willamuychik:

⁴Israelpa yupaychasqan Tayta Diosmi kaynata nin: Ñoqam Babilonia reypa contranpi peleasqaykichik armakunata kikikichikpa contraykichikpi kutiriykachisaq. Murallaykichikpa hawa lawninmanta atacamuq Caldea runakunatañataqmi kay llaqtapa chawpinman huñurusaq.

⁵Kikiypunim qamkunapa contraykichikpi, hatun atiyniywan hinaspa nina hina manchakuypaq piñakuyniywan peleasaq.

⁶Kay llaqtapi yachaq runakunatawan animalkunatam mancharikuypaq peste onqoywan wañurachisaq.

⁷Chaymantam Judá nacionpa reynin Sedequiastapas, serviqninkunatapas, llaqta runakunatapas chaynataq peste onqoywan, guerrawan, yarqaywan wañunankumanta puchuqkunatapas, Babilonia nacionpa reynin Nabucodonosorman hinaspa wakin enemigonkunaman qoykusaq, hinaptinmi mana llakipayarispa wañuchinqaku. Ñoqa Tayta Diosmi chaynata nini.

⁸Chay runakunamanqa nimunkitaqmi: Ñoqa Tayta Diosmi kaynata nini: Kunanmi ñawpaqnikichikman churani kawsay ñantawan wañuy ñanta, mayqantapas akllakunaykichikpaq.

⁹Pipas kay llaqtapi puchuqkunaqa guerrawan, yarqaywan, peste onqoywanmi wañunkichik. Ataca-musuqnikichik Caldea runakunapa makinman churakuspam ichaqa kawsankichik, vidaykichiktapas salvankichikmi.

¹⁰Ñoqa Tayta Diosmi nini: Ñam tantea-runiña, kay llaqtataqa manañam kuya-payasaqñachu aswanqa castigasaqpunim. Babilonia nacionpa reyninmanmi qoykusaq, hinaptinmi kañaykunqa.

¹¹Judá nacionpa reynin Davidpa mirayninkunaman ñoqa Tayta Diospa nisqayta kaynata nimuy:

¹²Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

¹³Ñoqa Tayta Diosmi kaynata nini: Qechwapi munaychakuq llaqta pampapi qaqa hina llaqta, ñoqam contraykipi kachkani. Qamkunam ninkichik: ¿Pitaqsi ñoqanchikta atacawachwan? ¿Pitaqsi amparakunanchikman chayamunman? nisparaq.

¹⁴Mana allinkuna ruwasqaykichikman hinam castigasqaykichik, sachaykikunata kañaykuptiymi muyuriqnikipi tukuy ima kaqkunatapas ruparunqa. Ñoqa Tayta Diosmi chaynata nini.