Read CHUYA QELLQA La Biblia en Quechua de Ayacucho 2012 Números 11 Bible Online

Números 11 - CHUYA QELLQA La Biblia en Quechua de Ayacucho 2012 bible

Números 11

¹Huk punchawmi Israelpa miray-ninkuna sasachakuykunapi kaspanku Tayta Diospa contranpi rimarqaku. Chaymi pay anchallataña piñakuruspan campamentopa muyuriqninta ninawan kañarurqa.

²Hinaptinmi runakuna qaparispanku Moisesta qayakurqaku, Moisesñataqmi Tayta Diosta mañakurqa. Chayñam chay nina tanirurqa.

³Tayta Diospa ninan paykuna ukupi ratarirusqanraykum chay sitiota “[1]Tabera” nispa suticharqaku.

⁴Israelpa mirayninkunamanmi huklaw llaqtayuq runakuna hukllawakaramurqa. Paykunam wiksanku huntachiyllapi yuyaymanaqku. Chaymi Israelpa mirayninkunapas paykunata qatipakuspa kaynata nispa waqarqaku: ¡Maypiraq aycha mikuykunanchi-kpaq!

⁵¡Maypiraq Egipto nacionpi ma-na qollqellapaq mikusqanchik challwa, pepinokuna, sandillakuna, porokuna, cebollakuna chaynataq ajoskunapas!

⁶Kunanqa yarqaymantam wañuruchkanchikña, kay “maná” sutiyuq mikuyllatañam kaypiqa tarinchik, nispanku.

⁷“Maná” sutiyuq mikuyqa culantropa muhumanmi rikchakurqa, colorninñataqmi karqa resina hina qellu.

⁸Runa-kunam lloqsispanku huñukamuqku, hinaspam maraypi otaq muchkapi kutaspanku mankapi yanuqku, otaqmi tortata ruwaqku; asnayninñataqmi karqa chayllaraq hurqosqa aceitepa asnaynin hina.

⁹Campamentoman tuta sullamuptinmi “maná” sutiyuq mikuypas wichimuq.

¹⁰Moisesmi uyarirurqa Israelpa mirayninkuna carpankupa punkunpi waqasqankuta. Chaymi Tayta Dios anchallataña piñakurqa. Chay ruwasqankutaqa Moisespas mana allinpaqmi qawarqa.

¹¹Hinaptinmi Tayta Diosta Moisés nirqa: ¿Imanasqataq kay serviqnikita ñakarichiwanki? ¿Imanasqataq mana yana-paykuwankichu? ¿Imanasqataq kay runay-kikunata churkuykuwanki?

¹²¿Ñoqa-qa paykunapa tayta mamanchu kar-qani ñuñuq wawata hina ñawpaq tay-tankuman prometesqayki allpaman marqayniypi apanaypaq?

¹³¿Maymantataq kay runakunaman qonaypaq aychata hurqomusaq? Waqastinmi ñoqaman hamunku: “Mikunaykupaq aychata qowayku”, nispanku.

¹⁴Sapallayqa manam kay runaykikuna pusaytaqa atiymanchu, ancha sasallañam.

¹⁵Sichum chaynata ñoqawan ruwaspaykiqa, ama hina kaspa wañurachiway. Hinaptinqa manañam chayna sasachakuykunapi kasaqñachu, nispa.

¹⁶Chaymi Moisesta Tayta Dios nirqa: Israelpa mirayninkunamanta reqsisqayki qanchis chunka ancianokunata otaq paykunapi kamachikuqkunata huñumuway hinaspa asuykamuwanaykichik carpapa punkunman pusamuptiki qanwan kuska suyachunku.

¹⁷Uraykamuspaymi qanwan rimasaq, hinaspam qampi kaq espiritumanta paykunaman qosaq, chaynapi runakuna nanachikuypi yanapasunaykipaq. Chaynapim runakunamantaqa manaña qamllañachu nanachikunki.

¹⁸Llaqtata kamachiy paqarin chuyanchakunankupaq, chaynapi aychata mikunankupaq. Paykunatam uyarirqani: “Maypiraq aycha mikunanchikpaq”, nispa waqasqankuta. Uyarirqanitaqmi “Egipto nacionpiqa allinmi kakurqanchik”, nisqankutapas. Chaynaqa, ñoqam paykunaman mikunankupaq aychata qosaq.

¹⁹Paykunaqa manam huk punchawllachu, iskay punchawllachu, pichqa punchawllachu, chunka punchawllachu nitaq iskay chunka punchawllachu mikunqaku.

²⁰Aswanqa killantinmi senqankutapas lloqsinankama hinaspa millakuspa aminankukama mikunqaku. Ñoqa Tayta Dios paykunawan kachkaptiymi qepanchawaspanku qayllaypi waqaspa nirqaku: “¿Imapaqraq Egipto nacionmanta lloqsimurqanchik?” nispanku.

²¹Hinaptinmi Tayta Diosta Moisés nirqa: Ñoqawanqa soqta pachak waranqa soldadokunam kachkanku. Qamñataqmi ninki: “Aychatam killantin mikunaykichikpaq qosqaykichik”, nispa.

²²¿Maypitaq nana-nanaq ovejakuna, vacakuna kachkan, chaynapi nakaspay llapallanman mikuchinapaq? Lamar qochapi challwakunapas manam paykunamanqa haypanmanchu, nispa.

²³Chaymi Moisesta Tayta Dios nirqa: ¿Pisi atiyniyuqlla kasqaytachu piensanki? Kunanmi yachanki nisqaykuna cumplikusqanta otaq mana cumplikusqantapas, nispa.

²⁴Moisesmi lloqsiruspan Tayta Diospa nisqanta runakunaman nirqa, hinaspam qanchis chunka ancianokunata huñuruspan carpapa muyuriqninpi sayachirqa.

²⁵Tayta Diosmi puyupi uraykamuspan Moiseswan rimarqa hinaspam paywan kaq espiritumanta qanchis chunka ancianokunaman qorqa, chaymi paykuna profetizayta qallaykurqaku, chaymanta qepamanqa manañam profetizarqakuñachu.

²⁶Eldadwan Medadmi chay qanchis chunka ancianokunawan listasqa kachkaspanku campamentopi qeparurqaku, ichaqa paykunamanpas hina campamentopim espíritu huntaykurqa, hinaptinmi profetizarqaku.

²⁷Chaymi huk warma kallpaspan Moisesman willaykamurqa: Eldadwan Medadmi campamentopi profetizachkanku, nispa.

²⁸Hinaptinmi joven kayninmanta serviqnin Nunpa churin Josueyñataq Moisesta nirqa: Taytáy, chay runakunata upallachimuy, nispa.

²⁹Chaymi Moisés nirqa: ¿Imamantataq envidiakunki? Amalaya llapallan runankunaman Espiritunta Tayta Dios qoykunman, chaynapi llapallankuña profetizanankupaq, nispa.

³⁰Chaymantam Moisés, Israelpa ancianokunapiwan campamentoman kutirqaku.

³¹Tayta Diosmi lamar qocha lawmanta wayrachimuspa codornizkunata aparachimurqa, chay animalkunam campamentopa muyuriqnin pampapi tiyarurqaku, hinaspam mastarikururqaku campamentomanta yaqa huk punchaw puriykama yaqa huk metro raktayuqta.

³²Hinaptinmi tukuylla punchaw hinaspa tukuylla tuta chay animalkunata huñurqaku, paqarinnintin punchawpas huñurqakuraqmi. Asllaña huñuyninkupim sapakama chunka montonta huñururqaku, hinaspam campamentopa muyuriqninpi chakichirqaku.

³³Aychata manaraqpas Israelpa mirayninkuna malliykuchkaptinkum Tayta Diosqa paykunapa contranpi piñakuruspa achka-achka runata wañurachirqa.

³⁴Chayraykum chay sitiota suticharqaku “[2]Kibrot-hataava” nispanku. Chaynataqa suticharqaku mikuysapallaña runakuna wañuruptin chaypi pampasqankuraykum.

³⁵Kibrot-hataavamanta lloqsispankum Hazerot lawman chayarurqaku, hinaspam chaypi samarurqaku.