Read CHUYA QELLQA La Biblia en Quechua de Ayacucho 2012 Números 26 Bible Online

Números 26 - CHUYA QELLQA La Biblia en Quechua de Ayacucho 2012 bible

Números 26

¹Peste onqoy taniruptinmi Moises-tawan sacerdote Aaronpa churin Eleazarta Tayta Dios nirqa:

²Israelpa mirayninkunamantam, ayllun-kuman hina iskay chunka watayuqmanta hanayman guerraman riqpaq hina qarikunata yupankichik, nispa.

³Chaymi Jordán mayupa hichpan Moab law pampapi otaq Jericó llaqtapa chimpanpi, llapa runakunata Moiseswan sacerdote Eleazar nirqaku,

⁴Tayta Diospa kamachisqanman hina, iskay chunka watayuqmanta hanayman yupasqa kanankupaq. Egipto nacionmanta lloqsimuq Israelpa mirayninkunam kaykuna karqaku:

⁵Israelpa piwi churin Rubenmantam karqa: Enocpa, Falupa,

⁶Hezronpa hinaspa Carmipa mirayninkuna.

⁷Rubén aylluta yuparuptinkum tawa chunka kimsayuq waranqa qanchis pachak kimsa chunka qarikuna karqaku.

⁸Falupa churinmi karqa: Eliab,

⁹Eliabpañataqmi Nemuel, Datán hinaspa Abiram. Datanwan Abirammi Coreywan kuska llapa runakunata Moisespa hinaspa Aaronpa contranpi umachaspanku Tayta Diospa contranpi hatarirqaku.

¹⁰Chaymi allpa kichakuykuspan Datantawan Abiramta chaynataq Coreytapas millpururqa. Chaypitaqmi iskay pachak pichqa chunka runakunapas ninapa rupasqan wañururqaku. Chayqa pasakurqa hamuq punchawkunapi chaynata mana pipas hatarinanpaqmi.

¹¹Coreypa churinkunam ichaqa mana wañurqakuchu.

¹²Simeón ayllumantam karqaku: Nemuelpa, Jaminpa, Jaquinpa,

¹³Zerapa hinaspa Saulpa mirayninkuna.

¹⁴Simeón aylluta yuparuptinkum iskay chunka iskayniyuq waranqa iskay pachaknin qarikuna karqaku.

¹⁵Gad ayllumantam karqaku: Zefonpa, Haguipa, Sunipa,

¹⁶Oznipa, Eripa,

¹⁷Arodpa hinaspa Arelipa mirayninkuna.

¹⁸Gad aylluta yuparuptinkum tawa chunka waranqa pichqa pachaknin qarikuna karqaku.

¹⁹Judapa churinkunam karqa Er hinaspa Onán, ichaqa paykunam Canaán allpapi kachkaspallaraq wañukurqaku.

²⁰Judá ayllumantam karqaku: Selapa, Farespa hinaspa Zerapa mirayninkuna.

²¹Farespa churinkunañataqmi karqa Hezrón hinaspa Hamul.

²²Judá aylluta yuparuptinkum qanchis chunka soqtayuq waranqa pichqa pachaknin qarikuna karqaku.

²³Isacar ayllumantam karqaku: Tolapa, Fuapa,

²⁴Jasubpa hinaspa Simronpa mirayninkuna.

²⁵Isacar aylluta yuparuptinkum soqta chunka tawayuq waranqa kimsa pachaknin qarikuna karqaku.

²⁶Zabulón ayllumantam karqaku: Seredpa, Elonpa hinaspa Jahleelpa mirayninkuna.

²⁷Zabulón aylluta yupa-ruptinkum soqta chunka waranqa pichqa pachaknin qarikuna karqaku.

²⁸Joseypa churinkunam ayllunkuman hina karqa Manaseswan Efraín.

²⁹Ma-nasés ayllumantam karqaku: Maquirpa mirayninkuna hinaspa Maquirpa churin Galaadpa mirayninkuna.

³⁰Galaadpa mirayninkunamantam karqaku Jezer-pa, Helecpa,

³¹Asrielpa, Siquempa,

³²Semidapa hinaspa Heferpa mirayninkuna.

³³Heferpa churin Zelofehadpaqa manam qari churinkuna karqachu, warmikunallam karqa. Paykunam karqa Maala, Noa, Hogla, Milca hinaspa Tirsa.

³⁴Manasés aylluta yuparuptinkum pichqa chunka iskayniyuq waranqa qanchis pachaknin qarikuna karqaku.

³⁵Efraín ayllumantam karqaku: Sute-lapa, Bequerpa hinaspa Tahanpa mirayninkuna.

³⁶Sutelapa mirayninkunam karqa Eranpa mirayninkuna.

³⁷Efraín aylluta yuparuptinkum kimsa chunka iskayniyuq waranqa pichqa pachaknin qarikuna karqaku. Chaynam Joseypa ayllumanta qarikuna karqaku.

³⁸Benjamín ayllumantam karqaku: Belapa, Asbelpa, Ahirampa,

³⁹Sufampa hinaspa Hufampa mirayninkuna.

⁴⁰Belapa mirayninkunam karqa Ardpa mirayninkuna hinaspa Naamanpa mirayninkuna.

⁴¹Benjamín aylluta yuparuptinkum tawa chunka pichqayuq waranqa soqta pachaknin qarikuna karqaku.

⁴²Dan ayllumantam karqaku: Suhampa mirayninkuna. Paykunam Danpa mirayninkuna karqaku.

⁴³Súham aylluta yuparuptinkum soqta chunka tawayuq waranqa tawa pachaknin qarikuna karqaku.

⁴⁴Aser ayllumantam karqaku: Imnapa, Isuipa hinaspa Beriapa mirayninkuna.

⁴⁵Bería ayllumantam karqaku Heberpa, Malquielpa mirayninkuna.

⁴⁶Aserpaqa warmi churinpas karqam Sera sutiyuq.

⁴⁷Aser aylluta yuparuptinkum pichqa chunka kimsayuq waranqa tawa pachaknin qarikuna karqaku.

⁴⁸Neftalí ayllumantam karqaku: Jahzeelpa, Gunipa,

⁴⁹Jezerpa hinaspa Silempa mirayninkuna.

⁵⁰Neftalí aylluta yuparuptinkum tawa chunka pichqayuq waranqa tawa pachaknin qarikuna karqaku.

⁵¹Israelpa mirayninkunata yuparuptinkum soqta pachak hukniyuq waranqa qanchis pachak kimsa chunka qarikuna karqaku.

⁵²Moisestam Tayta Dios nirqa:

⁵³Allpataqa haykam kasqankuman hinam rakinanki.

⁵⁴Achka kaqkunamanmi hatunta qonki, aslla kaqkunamanñataqmi taksallata. Chay allpataqa sapa ayllumanmi paykunapaña kananpaq haykam kasqankuman hina qonki.

⁵⁵Chay allpataqa sorteaspam rakinanki, sapakamam ñawpaq taytankupa ayllunman hina tupaqninta chaskinqaku.

⁵⁶Chaynaqa, sorteaspam achkapas otaq asllapas kasqankuman hina rakinanki.

⁵⁷Leví ayllumanta yupasqa kaqkunam karqaku Gersonpa, Coatpa hinaspa Meraripa mirayninkuna.

⁵⁸Leví ayllumanta kaqkunam karqaku: Libnipa, Hebronpa, Mahlipa, Musipa hinaspa Coreypa mirayninkunapas. Coatpa mirayninmi karqa Amram.

⁵⁹Egipto nacionpiraq Leviypa mirayninkuna kachkaptinkum Jocabed sutiyuq warmi nacerqa, chay warmiwanmi Amram casarakurqa. Paykunapa wawa-churinmi karqa: Aarón, Moisés hinaspa paninku Mariapas.

⁶⁰Aaronpa churinkunam karqa: Nadab, Abiú, Eleazar hinaspa Itamar.

⁶¹Nadabwan Abium ichaqa, Tayta Diospa mana kamachisqanman hina inciensota qontichisqankurayku wañururqaku.

⁶²Leví ayllumanta kaqkunata huk killayuqmanta hanayman yuparuptinkum iskay chunka kimsayuq waranqa qarikuna karqaku. Leví ayllukunaqa manam wakin Israel ayllukunawan kuskaqa yupasqachu karqaku. Chaynaqa, karqaku Israel wakin ayllukunawan herencia allpata mana chaskisqankuraykum.

⁶³Israelpa mirayninkunatam Moises-piwan Sacerdote Eleazar yuparqaku Jordán mayupa hichpan Jericó llaqtapa chimpan Moab pampakunapi.

⁶⁴Kay yupasqankupiqa manañam karqakuñachu Moiseswan sacerdote Aaronpa Sinaí chunniqpi yupasqan runakunaqa.

⁶⁵Chay wañuruq runakunamantaqa Tayta Diosmi kaynata nirqaña: Paykunaqa lliwmi chunniqpi wañunqaku, manam huk qaripas puchunqachu, puchuspaqa-puchunqa Jefonepa churin Calebwan Nunpa churin Josueyllañam, nispa.