Read CHUYA QELLQA La Biblia en Quechua de Ayacucho 2012 Números 3 Bible Online

Números 3 - CHUYA QELLQA La Biblia en Quechua de Ayacucho 2012 bible

Números 3

¹Sinaí orqopi Moisesta Tayta Diospa rimapayasqan tiempopim, Aaronpa chaynataq Moisespa churinkuna kaykuna karqaku:

²Aaronpa piwi churinmi karqa Nadab, paypa qatiqkunañataqmi Abiú, Eleazar hinaspa Itamar.

³Kay tawankum sacerdote kanankupaq Diospa akllasqan kaspanku aceitewan tallisqa karqaku.

⁴Ichaqa sacerdote Abiú hinaspa sacerdote Nadabmi Tayta Diospa qayllanpi Sinaí chunniqpi wañururqaku, altarpi inciensota mana Diospa kamachisqanman hinachu ofrecesqankurayku. Paykunaqa manaraq churiyuq kachkaspam wañukurqaku. Chaynapim Eleazarwan Itamarllaña taytanku Aaronpa qawasqanta sacerdote kayninkupi servikurqaku.

⁵Moisestam Tayta Dios nirqa:

⁶Leví aylluta qayay chaynapi sacerdote Aaronta yanapanankupaq.

⁷Paykunam Aaronpa rantinpi chaynataq llapa runakunapa rantinpi asuykamuwanaykichik carpapi servikunqaku.

⁸Asuykamuwanaykichik carpapi serviciokunatam nanachikunqaku, hinaspam Israel mirayninkunapa rantinpi ñoqaman asuykamuwanaykichik carpapi servikunqaku.

⁹Israelpa mirayninkunamantam Leví aylluta Aaronman hinaspa mirayninkunaman qonki.

¹⁰Aaronwan churinkunam sacerdotekunapa imam ruwananta ruwanqaku. Pipas mana sacerdote kachkaspa santuarioman asuykuqqa wañunqam, nispa.

¹¹Moisestam Tayta Dios kaynata nirqa:

¹²Ñoqam Israelpa piwi churinkunapa rantinpi Leví aylluta akllakuni. Leví ayllukunam ñoqallapaqña kanqa.

¹³Egipto nacionpi piwi wawakunata wañuchisqaymantapunim Israel ayllukunapa piwi churinkunataqa ñoqallapaqña sapaqchakurqani. Animalkunapa punta wawantapas ñoqallapaqñam sapaqchakurqani, Tukuy chaykunam ñoqapaq kanqa. Ñoqaqa Tayta Diosmi kani, nispa.

¹⁴Sinaí chunniqpim Moisesta Tayta Dios nirqa:

¹⁵Leviypa mirayninkunatam ayllunkuman chaynataq mirayninkuman hina, huk killayuqmanta hanayman qari wawakunata yupanki, nispa.

¹⁶Chaymi Tayta Diospa nisqanman hina Moisés yuparqa.

¹⁷Leviypa churinkunam karqa: Gersón, Coat hinaspa Merari.

¹⁸Gersonpa churinkunam ayllunman hina karqaku, Libni hinaspa Simei.

¹⁹Coatpa churinkunam ayllunman hina karqaku: Amram, Izhar, Hebrón hinaspa Uziel.

²⁰Meraripa churinkunam ayllunman hina karqaku Mahli hinaspa Musi. Kaykunam Leviypa churinkuna ayllunkuman hina karqaku.

²¹Libnipa chaynataq Simeipa ayllunkunaqa Gersonpa mirayninkunam karqaku.

²²Gersonpa mirayninkunam huk killayuqmanta hanayman yupaptinku qanchis waranqa pichqa pachaknin qarikuna karqaku.

²³Gersonpa ayllunkunam Diosman asuykuna carpapa qepanpi otaq intipa seqaykunan lawninpi samarqaku.

²⁴Gersonpa mirayninkunapa kamachiqninmi karqa Laelpa churin Eliasaf.

²⁵Diosman asuykuna carpapim Gersonpa mirayninkuna nanachikuqku: Santuariota, carpapa cortinankunata, carpapa punkunpi telakunata, carpapa qatankunata,

²⁶patiopa muyuriqninpi cortinakunata, patiopa punkunpi telakunata, altarpa muyuriqninpi telakunata chaynataq waskankunatapas.

²⁷Coatpa mirayninkunam karqaku: Amram, Izhar, Hebrón hinaspa Uziel.

²⁸Coatpa mirayninkunata huk killayuqmanta hanayman yuparuptinkum pusaq waranqa soqta pachaknin qarikuna karqaku. Paykunam Diosman asuykuna carpata nanachikurqaku.

²⁹Coatpa mirayninkunam Diosman asuykuna carpapa sur lawninpi otaq alleq lawninpi samarqaku.

³⁰Coatpa mirayninkunapa kamachiqninmi karqa Uzielpa churin Elizafán.

³¹Paykunam nanachikurqaku: Arcata, mesata, candelabrota, altarkunata, santuariopi imapas serviciokunata, carpa rakinaq velota chaynataq tukuy ima servichikuna kaqkunatapas.

³²Leví ayllumanta kamachikuqkunapa kamachiqninmi karqa sacerdote Aaronpa churin Eleazar. Paymi santuario nanachikuqkunata kamachirqa.

³³Meraripa mirayninkunam karqa mahlitakuna hinaspa musitakuna.

³⁴Meraripa mirayninkunata huk killayuqmanta hanayman yuparuptinkum soqta waranqa iskay pachaknin qarikuna karqaku.

³⁵Meraripa mirayninkunapa kamachiqninmi karqa Abihailpa churin Zuriel. Paykunam Diosman asuyku-na carpapa norte lawninpi otaq ichoq lawninpi samarqaku.

³⁶Meraripa ayllun-kunam nanachikurqaku: Diospa car-panpa marconkunata, qerunkunata, pilarninkunata, chay pilarkunapa tiyanankunata, tukuy ima servichikuna kaqkunata,

³⁷patiopa muyuriqninpi pilarkunata, chay pilarkunapa tiyanankunata, estacankunata chaynataq waskankunatapas.

³⁸Santuariopa ñawpaqninpim otaq intipa qespimunan lawninpim Moisés, Aarón hinaspa churinkuna samarqaku. Paykunam carpata Israelpa mirayninkunapa rantinpi nanachikurqaku. Mana sacerdote kachkaspa pipas santuarioman asuykuqqa wañuchisqam kanan karqa.

³⁹Tayta Diospa nisqanman hinam Leviypa mirayninkunata ayllunkuman hina Moiseswan Aarón yuparqaku. Chaymi huk killayuqmanta hanayman iskay chunka iskayniyuq waranqa qarikuna karqaku.

⁴⁰Moisestam Tayta Dios nirqa: Israelpa mirayninkunamantam huk killayuqmanta hanayman llapa piwi kaq qarikunata sutin-sutin yupaspa listaman churanki.

⁴¹Israel miraykunapa piwi churikunapa rantinpim Leví aylluta rakipuwanki. Llapa animalninkunapa piwinkunapa rantinpiñataqmi Leví ayllupa animalninkunata rakipuwanki. Ñoqaqa Tayta Diosmi kani, nispa.

⁴²Tayta Diospa kamachisqanman hinam Israelpa mirayninkunapa llapa piwi churinkunata Moisés yuparqa.

⁴³Llapa piwi churikunata huk killayuqmanta hanayman yuparuptinmi iskay chunka iskayniyuq waranqa iskay pachak qanchis chunka kimsayuq qarikuna karqaku.

⁴⁴Moisestam Tayta Dios nirqa:

⁴⁵Israelpa mirayninmanta llapa piwi churikunapa rantinpim Leví aylluta rakipuwanki, animalninkupa rantinpipas Leví ayllupa animalninkunatam raki-puwanki; Leví aylluqa ñoqapam. Ñoqa-qa Tayta Diosmi kani, nispa.

⁴⁶Israel miraykunapa piwi churinkunaqa achkallañam kachkanku, Leví ayllukunam ichaqa aslla. Chaynaqa, chay iskay pachak qanchis chunka kimsayuq puchuq churikunata reclamanankupaqmi,

⁴⁷sapa churimanta santuariopi pesoman hina iskay onza qollqeta mañanki. Chay santuariopi pesoqa yaqa media onzam.

⁴⁸Chay puchuq piwi churikunata reclamasqanku qollqetaqa Aaronmanwan churinkunamanmi qonki, nispa.

⁴⁹Leví ayllukuna aslla kasqankurayku Israelpa mirayninmanta puchuq piwi churikunata reclamasqanku qollqetam Moisés chaskirqa chunka soqtayuq kilo tumpa masninta, santuariopi pesoman hina.

⁵⁰

⁵¹Chay qollqetam Aaronmanwan churinkunaman qoykurqa. Chaynataqa ruwarqa Tayta Diospa kamachisqanman hinam.