Read CHUYA QELLQA La Biblia en Quechua de Ayacucho 2012 Malaquías 3 Bible Online

Malaquías 3 - CHUYA QELLQA La Biblia en Quechua de Ayacucho 2012 bible

Malaquías 3

¹Qamkunaqa amirachikunkichik: “Mana allin ruwaq runakunatapas Diosqa chaskinmi, Diosqa paykunawanmi kusikun, mana chayqa manach allin ruwaq Dioschu kanman” nisqaykichikwanmi. Tukuy Atiyniyuq Tayta Diosmi kaynata nin: Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.

²Ichaqa, ¿pitaq aguantayta atinman paypa hamunan punchawta? ¿Pitaq pay chayamuptin sayayta atinman? Payqa chuyanchawananchikpaqmi nina hina chayamunqa; jabón hinam huchanchikmanta mayllawasun.

³Leví ayllutam qorita qollqeta hina Tayta Dios chuyanchanqa. Chaymantañam paykunaqa Tayta Diospa munasqanman hina ofrendata apamunqaku.

⁴Hinaptinmi Tayta Diosñataq Judá nacionpa chaynallataq Jerusalén llaqtapa ofrendanwan kusikunqa, ñawpaq tiempokunapi paykunawan kusikusqanta hinaraq.

⁵Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

⁶Ñoqa Tayta Diosqa hina kaqllam kani; chayraykum Jacobpa miraynin-kuna mana paqwaypaqchu chinkarunkichik.

⁷Qamkunaqa ñawpaq taytayki-chikkunamanta qallaykuspam kama-chikuyniykunata qepanchakuruspa ka-sukuyta mana munankichikchu. Ñoqa Tukuy Atiyniyuq Tayta Diosmi nikichik: Kutirikamuwaychik ñoqaman, ñoqapas qamkunamanmi kutirikamusaq, nispa. Ichaqa qamkunam ninkichik: ¿Imanasqataq qanman kutirikamusaqku? nispaykichik.

⁸Niwaychik: ¿Yaqachu Diosmanta runa suwakunman? Arí, qamkunaqa ñoqamantam suwakuwachkankichik. Hinaspam kaynataraq ninkichik: “¿Imaykitataq ñoqaykuqa suwakuruykiku?” nisparaq. Qamku-naqa diezmoykunatawan ofrendayku-natam suwakuchkankichik.

⁹Suwakuwas-qaykichikraykum qamkunaqa nacionnintin ñakasqa kachkankichik.

¹⁰Chaynaqa, llapa diezmokunata temployman apamuychik, wasiypi mikuy ama pisinanpaq. Chaywan pruebaykuwaychik, manachus cielokunapa ventananta kichaykuspay bendicionniyta llimparinankama chaqchurimusqaykichik.

¹¹Kikiypunim kawsaynikichikta mikuq urukunatapas qarqorusaq, hinaptinmi chakraykichikpa ruruntapas mana mikupusunkichikchu, chakraykichikpi uvas plantaykichikpas mana pisiytam rurunqa. Tukuy Atiyniyuq Tayta Diosmi chay-nata nin.

¹²Hinaptinmi llapallan nacion-kuna sutichasunkichik kusisqa llaqtawan, munayllapaqña kasqaykichikrayku. Tukuy Atiyniyuq Tayta Diosmi chaynata nin.

¹³Tayta Diosmi nin: Rimasqaykichikwan piñachiwach-kaspapas qamkunaqa kaynataraqmi tapuwankichik: “¿Imatataq qampa con-traykipi rimarqaniku?” nisparaq.

¹⁴Qam-kunaqa kaynatam ninkichik: “Diostaqa yanqapaqmi servinchik. ¿Imatataq hurqokunchik paypa kamachikuyninkunata ruwaspa? ¿Imatataq hurqokunchik Tukuy Atiyniyuq Tayta Diospa ñawpaqninpi llaki uyantin purispa?

¹⁵Ñoqanchikqa rikunchikmi mana kasukuq runakunapas kusisqa kawsakusqankuta, mana allin ruwaqkunapas tukuy imapi allin lloqsisqankuta, paykunaraqmi Diostaqa kutipankupas, ichaqa manam ima castigotapas chaskinkuchu”, nispa.

¹⁶Hinaptinmi Tayta Diosta kasukuspa hatunchaqkuna kikinkupura rimanakurqaku, chaytam Tayta Dios allinta uyarirqa. Chaymi Tayta Diospa qayllanpi huk librota qellqarqaku, Diosta kasukuqkunamanta chaynataq sutinta hatunchaqkunamanta yuyarinankupaq.

¹⁷Tukuy Atiyniyuq Tayta Diosmi nin: Huk punchawtam allichachkani chay-napi paykuna huktawan llaqtay kanan-kupaq. Huk tayta serviqnin churinmanta llakipayarikusqanta hinam ñoqapas paykunamanta llakipayarikusaq.

¹⁸Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.