Read CHUYA QELLQA La Biblia en Quechua de Ayacucho 2012 Mateo 1 Bible Online

Mateo 1 - CHUYA QELLQA La Biblia en Quechua de Ayacucho 2012 bible

Mateo 1

¹Kaykunam Jesucristopa ñawpaq taytankuna, payqa karqa Abrahampa chaynataq Davidpa mirayninmi:

²Abrahampa churinmi karqa Isaac, Isaacpañataqmi Jacob, Jacobmi karqa Judapawan wawqenkunapa taytan.

³Judapa churinkunam karqa Fareswan Zara, paykunapa mamankum karqa Tamar. Farespa churinmi karqa Esrom, Esrompañataqmi Aram,

⁴Arampañataqmi Aminadab, Aminadabpañataqmi Naa-són, Naasonpañataqmi Salmón,

⁵Salmon-pañataqmi Booz, Boozpa mamanmi karqa Rahab. Boozmi warmin Rutpi churyakurqa Obedta, Obedñataqmi Isaita,

⁶Isaiñataqmi rey Davidta, Davidñataqmi Salomonta, Salomonpa mamanmi karqa Uriaspa warmin Betsabé.

⁷Salomonpa churinmi karqa Roboam, Roboampañataqmi Abías, Abiaspaña-taqmi Asa,

⁸Asapañataqmi Josafat, Josafatpañataqmi Joram, Jorampaña-taqmi Uzías,

⁹Uziaspañataqmi Jotam, Jotampañataqmi Acaz, Acazpañataqmi Ezequías,

¹⁰Ezequiaspañataqmi Manasés, Manasespañataqmi Amón, Amonpaña-taqmi Josías.

¹¹Israelpa mirayninkuna Babiloniaman preso apasqa kasqanku tiempopim Josías churyakurqa Jeconiastawan wawqenkunata.

¹²Babiloniaman preso apasqa kas-qankupa qepantam Jeconías churyakurqa Salatielta. Salatielpa churinmi karqa Zorobabel,

¹³Zorobabelpañataqmi Abiud, Abiudpañataqmi Eliaquim, Eliaquimpañataqmi Azor,

¹⁴Azorpaña-taqmi Sadoc, Sadocpañataqmi Aquim, Aquimpañataqmi Eliud,

¹⁵Eliudpañataqmi Eleazar, Eleazarpañataqmi Matán, Matanpañataqmi Jacob.

¹⁶Jacobpa churinmi karqa Mariapa qosan José, Mariam karqa Cristowan sutichasqa Jesuspa maman.

¹⁷Abrahammanta Davidkamam chunka tawayuq miraykuna karqa, Davidmanta Israelpa mirayninkuna Babiloniaman preso apasqa kasqanku tiempokamapas chunka tawayuq miraykunam karqa, Babiloniaman preso apasqa kasqanku tiempomanta Cristokamapas chunka tawayuqtaqmi karqa.

¹⁸Kaykunam Jesuspa nacesqanmanta willakuy: Jesuspa maman Mariam rimapayasqaña karqa Joseywan casarakunanpaq, ichaqa manaraq kuskanchakuchkaptinkum Chuya Espiritupa atiyninwan wiksayuq rikurirurqa.

¹⁹Rimaymasin Joseyñataqmi chuya sonqoyuq kasqanrayku Mariata mana penqayman churayta munaspan upallalla saqeruyta munarqa.

²⁰Chaynata tanteachkaptinmi Diospa angelnin mosqoyninpi rikuriykuspan kaynata nirqa: Davidpa miraynin José, Mariawan casarakuytaqa ama manchakuychu, payqa Chuya Espiritupa atiyninwanmi wiksayakurun.

²¹ Qari wawatam wachakunqa, paytam Jesuswan sutichanki, paymi llaqtanta huchankunamanta salvanqa, nispa.

²²Tukuy kaykunam pasakurqa profetantakama Diospa kayna nisqan cumplikunanpaq:

²³Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

²⁴Chaymi Joseyqa puñusqanmanta rikcharispan, angelpa kamachisqanman hina ruwaspan Mariawan casarakurqa.

²⁵Ichaqa manam kuskachu puñurqaku, piwi wawanta wachakunankama; chay wawatam Jesuswan suticharqa.