Read CHUYA QELLQA La Biblia en Quechua de Ayacucho 2012 Mateo 22 Bible Online

Mateo 22 - CHUYA QELLQA La Biblia en Quechua de Ayacucho 2012 bible

Mateo 22

¹Jesusmi huktawan rimarispan rikchanachiykunawan paykunata nirqa:

²Diospa munaychakuyninqa churinta casarachiq reymanmi rikchakun.

³Paymi serviqninkunata kacharqa convidoman qayachisqankunata pusamunankupaq, qayachimusqankunam ichaqa mana hamuyta munarqakuchu.

⁴Huktawan wakin serviqninkuna-ta kachaspanmi chay convidasqan-kunata kaynata nichimurqa: “Mikuyqa kachkanñam, toroykunatawan wira animalniykunatapas nakarachiniñam, chaynaqa casamientomanyá hamuychikña”, nispa.

⁵Convidasqankunañataqmi mana kasukuspanku huknin pasakurqa chakranman, hukninñataq negocionman.

⁶Wakinñataqmi reypa serviqninkunata hapiruspanku maqaparuspa wañu-rachirqaku.

⁷Chayta uyariruspanmi reyqa llum-payta piñakururqa, hinaspam solda-donkunata kamachirqa chay wañu-chiqkunata wañuchimunankupaq chay-nataq llaqtankutapas kañamunanku-paq.

⁸Hinaspam serviqninkunata nirqa: Casamientopaq convidoqa listo-ñam kachkan, convidasqaykunam icha-qa mana chaypaq hinachu karqaku.

⁹Chaynaqa, tupanakuq ñankunaman rispa haykam tupamusqaykichikta convidoman qayamuychik, nispa.

¹⁰Chaymi serviqninkuna rispanku haykam tupasqankuta pusamurqaku, pusamurqakutaqmi allin runakunatapas chaynataq mana allin runakunatapas. Chaymi casamientoqa achkallaña convidasqakunawan huntaykurqa.

¹¹Reyñataqmi convidasqankunata qawaykuq yaykuykuspan, huk runata mana casamiento pachawan pachasqata rikururqa.

¹²Chaymi nirqa: Amigo, ¿imanasqataq yaykuramunki mana casamiento pachawan pachasqa kachkaspaqa? nispan. Chay runañataqmi mana imatapas rimarirqachu.

¹³Hinaptinmi reyqa mesaman serviqkunata nirqa: Chakinkunatawan makin-kunata wataspa tutayaypa kasqanman wischumuychik. Chaypim waqaywan kiru kirichichiyllaña kanqa.

¹⁴Chaynaqa, achkam qayasqakunaqa, akllasqakunam ichaqa aslla, nispa.

¹⁵Chaykunapa qepantam fariseokuna huñunakuspa tanteanakururqaku, Jesusta ima rimasqanpipas wichirachispanku chaywan acusanankupaq.

¹⁶Hinaspam paykunamanta kaq fari-seokunatawan Herodespa qatiqninkunata kacharqaku Jesusta kaynata nimunankupaq: Yachachikuq, qamqa cheqap rimaq kasqaykitam yachaniku, yachanikutaqmi runakunapa rimasqanwan mana apachikuspa Diospa munasqanman hina cheqap kawsakuyta yachachisqaykitapas, qamqa manam runakunapa hawallantachu qawanki.

¹⁷Chaynaqa, niykuwaykuyá, ¿allinchu Cesarman impuesto pagay, icha manachu? nispanku.

¹⁸Jesusñataqmi mana allin piensasqankuta yachaspan nirqa: ¡Iskay uyakuna! ¿Imanasqataq pan-tachiwaypi richkankichik?

¹⁹Impuesto paganaykichik qollqeta qawachiwaychik, nispa. Chaymi qollqeta haywaykurqaku.

²⁰Qawaykuspanmi Jesús tapurqa: ¿Pipa uyanwan pipa sutintaq kay qollqepi qellqasqa kachkan? nispa.

²¹Paykunañataqmi nirqaku: Rey Cesarpam, nispanku. Hinaptinmi Jesusñataq nirqa: Cesarpa kaqtaqa paymanyá qoychik, Diospa kaqtañataq Diosman, nispa.

²²Kayta uyarispankum admirasqallaña pasakurqaku.

²³Chay punchawllapitaqmi wakin saduceokunapas Jesusman hamurqaku. Saduceokunaqa wañuqkunapa kawsarimunanpiqa manam creerqakuchu. Paykunam Jesusta tapurqaku:

²⁴Yachachikuq, Moisesmi nirqa: “Sichum huk casado runa mana churiyuq kachkaspa wañukuptinqa wawqenmi viudanta casaranqa, chaynapi wañukuqpa miraynin kananpaq”, nispa.

²⁵Ñoqayku ukupim karqa qanchis wawqentin qarikuna. Mayor kaqmi casarakuruspan manaraq churiyuq kachkaspa wañukurqa, hinaptinmi qatiqnin wawqenña chay viudata casararqa.

²⁶Chaynataqmi paypas wañukurqa, chaynallam pasakurqa kimsa kaqwanpas chaynataq llapallan qanchisnintin wawqenkunawanpas.

²⁷Paykunapa qepantam warmipas wañururqa.

²⁸Wañuqkuna kawsarimuptinqa, ¿mayqanpa warmintaq kanqa qanchisnintinwan casarakuchkaptinqa? nispanku.

²⁹Jesusñataqmi nirqa: Qamkunaqa Qellqatapas chayna-taq Diospa atiynintapas mana req-sisqaykichikraykum pantaypi kach-kankichik.

³⁰Wañuqkunamanta kaw-sarimuspankuqa manañam casarakunqakuchu, nitaqmi paykunapaqqa casarakuypas kanqañachu, aswanqa hanaq pachapi angelkuna hinañam kanqaku.

³¹Wañuqkunapa kawsarimunanmantaqa, ¿manachu leerqankichik Diospuni:

³²“Ñoqaqa kani Abrahampa, Isaacpa hinaspa Jacobpa Diosninmi” nisqanta? Diosqa manam wañusqakunapa Diosninchu, aswanqa kawsaqkunapa Diosninmi, nispa.

³³Chayta uyariruspankum yacha-chisqanwan llapa runakuna llumpayta admirakurqaku.

³⁴Saduceokunata Jesús upallarachis-qanta qawaykuspankum llapa fariseokuna hukllaman huñunakururqaku.

³⁵Hinaptinmi paykunamanta huknin kaq, Diospa leynin yachaq runa, imaynapas wichirachiyta munaspan Jesusta tapurqa:

³⁶Yachachikuq, leykunamanta, ¿may-qantaq hatun kamachikuy? nispa.

³⁷Chaymi Jesusñataq nirqa: Señor Diosnikitam kuyanki tukuy sonqoykiwan, tukuy vidaykiwan hi-naspa tukuy yuyaymanaynikiwan.

³⁸Kaymi punta kaq hatun kamachikuy.

³⁹Iskay kaq kamachikuypas punta kaqman rikchakuqmi: Runamasikitam kikikita hina kuyanki.

⁴⁰Kay iskaynin kamachikuykunapim leypas chaynataq profetakunapa qellqasqanpas sapinchakun, nispa.

⁴¹Huñunasqa kachkaptinkuraqmi fariseokunata Jesús tapurqa:

⁴²¿Imaninkichiktaq Cristomanta? ¿Pipa churintaq? nispanku. Paykunañataqmi nirqaku: Davidpa churinmi, nispanku.

⁴³Jesusñataqmi nirqa: ¿Imaynanpitaq Davidqa Chuya Espi-ritupa yachachisqan, Cristota Señorwan suticharqa? Davidmi nirqa:

⁴⁴“Diosmi Señorniyta nirqa: Enemigoykikunata chakikipa sarupakunanta ruwanaykama alleqniypi tiyaykuy”, nispa.

⁴⁵¿Imaynataq Davidpa churinqa kanman Davidpuni “Señorniy” nispa nichkaptinqa? nispa.

⁴⁶Chaynapim mana pipas ima niy-tapas atirqakuchu. Chay punchawmantapunim manaña imatapas tapur-qakuñachu.