Read CHUYA QELLQA La Biblia en Quechua de Ayacucho 2012 Mateo 5 Bible Online

Mateo 5 - CHUYA QELLQA La Biblia en Quechua de Ayacucho 2012 bible

Mateo 5

¹Jesusmi llapa runakunata qaway-kuspan orqoman qespispan chay-pi tiyaykurqa. Hinaspanmi discipulonkuna asuykuptinku,

³Mayna kusisqam “Diosmantam necesitani” niq wakchakunaqa, Diospa munaychakuyninpas paykunapam.

⁴Mayna kusisqam waqaqkunaqa, paykunataqa Diosmi consuelanqa.

⁵Mayna kusisqam llampu sonqoyuqkunaqa, paykunam kay pachata herenciankupaq chaskinqaku.

⁶Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

⁷Mayna kusisqam llakipayakuqkunaqa, paykunamantapas Diosmi llaki-payarikunqa.

⁸Mayna kusisqam chuya sonqoyuqkunaqa, paykunam Diosta rikunqaku.

⁹Mayna kusisqam hawkayayta maskaqkunaqa, paykunam Diospa churinwan sutichasqa kanqaku.

¹⁰Mayna kusisqam allin kaqta ruwasqankurayku qatikachasqakunaqa, paykunapam Diospa munaychakuyninpas.

¹¹Mayna kusisqam kankichik ñoqa-rayku kamisuptikichik, ñakarichi-suptikichik hinaspa contraykichikpi llullakunata rimaptinkuqa.

¹²Anchatayá kusikuychik, hanaq pachapim hatun premiota chaskinkichik. Chaynatam qatikacharqaku qamkunamanta ñawpaq kaq profetakunatapas.

¹³Qamkunaqa kay pachapi runakunapaqmi kachi hina kankichik. Kachi qamyayaruspaqa, ¿imapaqtaq valenman? Manam imapaqpas servinñachu, aswanqa wischusqa kaptin runakuna sarutyanallanpaqñam.

¹⁴Qamkunaqa kay pachapi runakunapaqmi achkiy hina kankichik, orqopa puntanpi llaqtaqa manam pakasqachu.

¹⁵Manataqmi achkitapas ratachinaqa cajonpa ukunman churanapaqchu, aswanqa altoman churanapaqmi, chaynapi wasipi kaqkunata achkinanpaq.

¹⁶Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

¹⁷Qamkunaqa amayá piensaychikchu leyta otaq profetakunapa nisqanta chinkachiq hamusqaytaqa; ñoqaqa manam chinkachiqchu hamurqani aswanqa cumplinaypaqmi.

¹⁸Cheqaptapunim nikichik, hanaq pachawan kay pacha kanankamaqa, manam leypaqa huk letrallanpas nitaq huk puntollanpas qechusqachu kanqa lliw cumplikunankama.

¹⁹Chaynaqa, pipas kay kamachikuykunamanta taksallantapas mana kasukuqqa hinaspa runamasintapas kasukunanpaq mana yachachiqqa, Diospa munaychakuyninpim taksallapaq hapisqa kanqa. Pipas kasukuspa chaynataq runamasintapas kasukuyta yachachiqmi ichaqa, Diospa munaychakuyninpipas hatunpaq hapisqa kanqa.

²⁰Chayraykum nikichik, sichum Diospa kamachikuyninkuna yachachiqkunamantapas hinaspa fariseokunamantapas aswan allin kaqkunata mana ruwaspaykichikqa Diospa munaychakuyninmanqa manam yaykunkichikchu.

²¹Uyarirqankichikmi ñawpaq runakunaman kayna nisqankutaqa: “Amam wañuchinkichu, pipas wañuchiqqa juz-gasqam kanqa”, nispa.

²²Ichaqa niki-chikmi, pipas wawqenpaq piñakuq-qa juzgasqam kanqa, wawqenta upalla-manta kamiqñataqmi cortepi juzgas-qa kanqa, pipas wawqenta ñakaq-ñataqmi infiernoman wischusqa kanqa.

²³Chaynaqa, sichum altarman ofren-daykita apamunki hinaspa runamasikiwan imamantapas piñanakusqaykita yuyariruspaqa,

²⁴ofrendaykita altarpa ñawpaqninpi saqeykuspam paywan allinyanakamunaykipaq kutirinki, hinaspañam ofrendaykitaqa qonki.

²⁵Pipas quejaman apasuptikiqa ñanllapiraqyá paywan allinyanakuruy, yanqañataq juezman qoykusunkiman, juezñataq guardiaman, payñataq carcelman wichqarusunkiman.

²⁶Che-qaptapunim niki: Chaymantaqa manam lloqsimunkichu lliw manuykita paganaykikama.

²⁷Uyarirqankichikmi “amam waqllikunkichu” nisqantapas.

²⁸Ñoqam ichaqa nikichik: Pipas warmita munapayaspan qawaqqa sonqonpim waqllikurunña.

²⁹Chaynaqa, sichum alleq ñawiki huchallichisuptikiqa hurqoruspayá wischuruy, cuerpoykipa huknin partellanta pierderuynikim allinqa, infiernoman lliw cuerpontin wischusqa kanaykimantaqa.

³⁰Sichum alleq makiki huchallichisuptikiqa kuchuruspayá wischuruy, cuerpoykipa huknin partellanta pierderuynikim allinqa, infiernoman lliw cuerpontin wischusqa kanaykimantaqa.

³¹Nirqakutaqmi: “Pipas warminmanta rakikuqqa, rakikusqanmanta papelta ruwanakuspa qochun”, nispankupas.

³²Ñoqam ichaqa nikichik: Huk qariwan mana waqllikuchkaptin warminmanta rakikuqqa, hukwan waqllikunanpaqmi tanqaykun, chay warmiwan casarakuqpas waqllikuruntaqmi.

³³ Uyarirqankichiktaqmi ñawpaq runakunaman: “Juraspa Diosman prometesqaykitaqa cumplinkipunim”, nisqankutapas.

³⁴Ñoqam ichaqa nikichik: Amam imaraykupas jurankichikchu. Amam hanaq pacharaykupas jurankichikchu, hanaq pachaqa Diospa tiyananmi.

³⁵Amataqmi kay pacharaykupas jurankichikchu, kay pachaqa Diospa sarupakunanmi; nitaq Jerusalenraykupas, Jerusalenqa munayniyuq Reypa llaqtanmi.

³⁶Amataqmi umaykiraykupas jurankichu, qamqa manam huk chukchallatapas yuraqyachiyta nitaq yanayachiytapas atiwaqchu.

³⁷Rimaynikichikqa kanan “arí” otaq “manam” nispallam, chaymanta aswan rimasqaykichikqa supaymantam hamun.

³⁸Uyarirqankichiktaqmi: “Runaqa ñawimantam ñawinwan paganqa, kiru-mantam kirunwan paganqa”, nisqankutapas.

³⁹Ñoqam ichaqa nikichik: Mana allin ruwasuqnikitaqa amayá kutichikuychu. Sichum pipas huknin uyaykipi laqyarusuptikiqa huknin uyaykitawanyá qoykuy.

⁴⁰Pipas quejakususpayki camisaykita qechuyta munasuptikiqa capaykitawan qoykuy.

⁴¹Pipas huk kilómetro puriyta qepita apachisuptikiqa huk chaynatawanyá aparapuy.

⁴²Mañakuqnikimanqa qoykuyá, prestakusuqnikitaqa amayá negaychu.

⁴³Uyarirqankichiktaqmi: “Runamasi-kitaqa kuyankim, enemigoykitañataqmi cheqninki” nisqankutapas.

⁴⁴Ñoqam ichaqa nikichik: Enemigoykichikkunata kuyaychik, ñakarichisuqnikichik runakunapaqpas mañapuychik.

⁴⁵Chaynapim hanaq pachapi kaq Taytaykichikpa churinkuna kankichik, payqa intitapas allin ruwaq runapaqwan mana allin runapaqmi qespichimun, paratapas lliwpaqmi chayachimun.

⁴⁶Sichum kuyaqllaykichikta kuyaspaqa, ¿ima premiotataq chaskiwaqchik? Romapaq impuesto cobraqkunapas chaynataqa ruwankum.

⁴⁷Reqsinakuqpuralla rimaykanakuspaqa, ¿ima allintataq ruwachkankichik? Diosta mana reqsiqkunapas chaynataqa ruwankum.

⁴⁸Qamkunaqa hanaq pachapi Taytaykichik hina mana pantaqyá kaychik.