Read CHUYA QELLQA La Biblia en Quechua de Ayacucho 2012 Deuteronomio 13 Bible Online

Deuteronomio 13 - CHUYA QELLQA La Biblia en Quechua de Ayacucho 2012 bible

Deuteronomio 13

¹Sichum qamkuna ukupi rikurirunman profeta tukuqkuna otaq revelacionninpi qawaq tukuqkunapas hinaspa imapas milagromanta otaq admirakuypaq kaqkunamanta nisunkichikman;

²chay milagro otaq admirakuypaq kaqpas cumplikuruptinñataq nisunkichikman: “Haku idolokunataña yupaychamusunchik” nispa,

³hinaptinqa amam kasunkichikchu. Chaywanqa Señornikichik Tayta Diosmi pruebasuchkankichik, cheqapchus icha manachus tukuy sonqoykichikwan, tukuy vidaykichikwan payta kuyasqaykichikta yachananpaq.

⁴Señornikichik Tayta Diosta qatispa payllata kasukuychik. Kamachikuyninkunata ruwayman churaychik, nisqankunata kasukuspa payllata yupaychaychik, payllata servispa ama haykapipas qepanchaychikchu.

⁵Chay Profeta tukuq otaq revelacionninpi qawaq tukuq runaqa wañuchisqam kanqa, chay runam Egipto nacionpi esclavo kachkaptikichik hurqomusuqnikichik Señornikichik Tayta Diosmanta rakisunaykichikpaq umachasurqankichik. Tayta Diospa ñanninmantam chay runaqa rakiyta munasurqankichik. Chayraykum qamkuna ukumanta chinkachinkichik.

⁶Sichum wawqekipas, qari churikipas, warmi churikipas, kuyay yanaykipas, llumpay kuyanakusqayki amistadnikipas, pakasqallapi nisunkiman idolonkunata ñawpaq taytaykikunapa mana servisqankunata yupaychanaykipaq, hinaptinqa amam kasunkichu, nitaqmi uyarinkichu. Chay idolokuna muyuriqnikipi kaq runakunapa diosnin kaptinpas otaq huklaw runakunapa diosnin kaptinpas amam kasunkichu nitaq uyarinkichu. Chay hikutasuqniki runataqa amam llakipayankichu, wañuchinankumantapas amam harkakunkichu nitaqmi pakankichikchu.

⁹Chay runataqa wañuchinkipunim, puntataqa qanmi wañuchiyta qallarinki, chaymantañam wakin runakunapas chaynata ruwanqaku.

¹⁰Egipto nacionpi esclavo kasqaykimanta hurqomusuqniki Señornikichik Tayta Diosmanta rakiy munasusqaykimantam wañunankama rumiwan chamqapanki.

¹¹Chayta qawas-pankum Israelpa llapallan mirayninkuna manchakunqaku, amaña yapamanta huchallikunankupaq.

¹²Sichum yachanaykipaq Señor-nikichik Tayta Diospa qosusqayki may-qan llaqtapipas uyarirunki pantachikuq mana allin runakunapa kayna nis-qankuta: “Hakuchik mana haykapipas yupaychasqanchik idolokunataña servimusunchik” niqta,

¹⁴hinaspaqa sumaqtam qatipaykunkichik. Sichum rimasqankuman hina chay millakuypaq kaq-kunata ruwaptinkuqa,

¹⁵chay llaqtapi runakunatam llapa animalnintinta espadawan wañuchinkichik, hinaspam chay llaqtapi tukuy imatapas pasaypaqta chinkachinkichik.

¹⁶Chay llaqtapa llapa kapuqnintam plazapa chawpinpi huñuruspaykichik llaqtantinta kañaykunkichik, Señornikichik Tayta Diospaq lliw kañana ofrendata hina. Chaynapim chay llaqta wiñaypaq purmachisqa kanqa, manaña huktawanqa hatarichisqa kanankama.

¹⁷Chay pasaypaq chinkachisqa kaq-kunamantaqa amam imatapas hapikuykunkichikchu, chaynapim Tayta Diospas qamkunawan mana piñakunqachu, aswanqa kuyasuspaykichikmi achkallataña mirachisunkichik, imaynam ñawpaq taytaykichikkunaman prometesqanman hina.

¹⁸Chaynataqa ruwanqa kunan kamachisqayman hina Señornikichik Tayta Diosta kasukuspa kamachisqankunatapas ruwayman churaptikichikmi chaynataq paypa munasqanman hina kawsaptikichikmi.