Read CHUYA QELLQA La Biblia en Quechua de Ayacucho 2012 Deuteronomio 8 Bible Online

Deuteronomio 8 - CHUYA QELLQA La Biblia en Quechua de Ayacucho 2012 bible

Deuteronomio 8

¹Kay qosqay kamachikuykunatayá ruwayman churaychik, chayna-pi kawsaspaykichik achkallataña mira-naykichikpaq hinaspa ñawpaq taytay-kichikkunaman Tayta Diospa prometesqan allpaman yaykunaykichikpaq.

²Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

³Yarqaymanta ñakarichisuspaykichikpas “maná” sutiyuq mikuytam mikuchisurqankichik, ñawpaq taytaykichikkunapapas nitaq qamkunapapas mana reqsisqaykichik mikuyta, chaynapim yacharqankichik: Runaqa manam mikuyllawanchu kawsan, aswanqa Tayta Diospa Chuya siminmanta lloqsimuq rimaykunawanmi.

⁴Chay tawa chunka watapiqa manampachaykichikpas tukurqachu nitaqmi chakikichikpas punkirqachu.

⁵Sonqoy-kichikpiyá reqsikuychik Señornikichik Tayta Diosmi corregisurqankichik churinta taytan corregichkaq hina.

⁶Señornikichik Tayta Diospa kamachikuyninkunata ruwayman churaspayá payta kasukuychik, hinaspayá munasqanman hina kawsaychik.

⁷Señornikichik Tayta Diosmi allin allpaman pusasunkichik, mayukunapa kasqan allpaman, qechwakunapipas chaynataq orqokunapipas pukyukunapa hinaspa yakukunapa kanan allpaman.

⁸Chay allpaqa trigopa, cebadapa, uvas-pa, higospa, granadapa, olivospa hinas-pa mielpa kanan allpam.

⁹Chay allpapiqa manam mikuymantapas nitaq imamantapas usunkichikchu, rumikunamantam fierrota hurqonkichik, orqokunamantañataqmi cobreta hur-qonkichik.

¹⁰Saksanaykichikkama mikuspam allin allpa qosusqaykichikmanta Señornikichik Tayta Diosta yupaychankichik.

¹¹Señornikichik Tayta Diostaqa amam qonqarunkichikchu. Kay kamachisqay kamachikuyninkunata, estatutokunata hinaspa decretokunataqa amam qonqarunkichikchu.

¹²Saksanaykichikkama mikuspaykichikqa, hatarichisqaykichik sumaq wasikunapi yachaspaykichikqa,

¹³vacaykichikkunapas, ovejaykichikkunapas miraruptinqa, qorikichikpas qollqekichikpas achkayaruptinqa chay-nataq tukuy imaykichikkunapas achka-yaruptinqa,

¹⁴amam hatun tukuqqa rikurirunkichikchu, nitaqmi Señor-nikichik Tayta Diostapas qonqarunkichikchu, payqa Egipto nacionpi esclavo kasqaykichikmantam hurqomusurqankichik.

¹⁵Paymi mana yakupa kanan manchakuypaq hatun chunniqninta, kachukuq maqta urukunapa kasqanta chaynataq atoq-atoqkunapa kasqan lawninkunata pusamusurqankichik. Yakutapas qaqa rumimanta toqyachimuspam tomachisurqankichik.

¹⁶Chunniqpim “maná” sutiyuq mikuyta mikuchisurqankichik, ñawpaq taytanchikkunapapas mana reqsisqan mikuyta. Chaykunatam uchuychasunaykichikpaq hinaspa pruebasunaykichikpaq ruwarqa, chaynapi chay pruebakuna tukusqa kaptin allinnikichikpaqña kananpaq.

¹⁷Yanqañataq sonqoykichikpi niwaqchik: “Kay llapa kapuqninchiktaqa kall-panchikwanmi armakurqanchik”, nispaykichik.

¹⁸Aswanqa Señornikichik Tayta Diostam yuyarinkichik. Paymi kapuqnikichikta armakunaykichikpaq kallpata qosurqankichik, chaynapi ñawpaq taytaykichikkunaman jurasqan pactota qamkunawan kunan cumplinanpaq.

¹⁹Sichum Señornikichik Tayta Diosta qonqaruspa, idolokunataña qatispa yupaychaptikichikqa ñoqam kunan nikichik, cheqaptapunim chinkachisqa kankichik.

²⁰Imaynam qamkunapa qayllaykichikmanta nacionkunata Tayta Dios chinkachinqa, chaynam qamkunapas Señornikichik Tayta Diospa nisqanta mana kasukuspaykichikqa chinkachisqa kankichik.