Read CHUYA QELLQA La Biblia en Quechua de Ayacucho 2012 2~Tesalonicenses 3 Bible Online

2~Tesalonicenses 3 - CHUYA QELLQA La Biblia en Quechua de Ayacucho 2012 bible

2~Tesalonicenses 3

¹Wawqe-panillaykuna, ñoqaykupaqpas Diostayá mañakuychik, chaynapi paypa palabranta willakuptiyku Diosta hatunchaspa qamkuna hina chaskinankupaq.

²Mañakuychiktaqyá daño ruwaq mana allin runakunamanta librawanankupaqpas, manam llapallankuchu iñiyniyuq kanku.

³Señorqa hapipakunapaqmi, paymi allinta takya-chispa mana allinkunamanta waqay-chasunkichik.

⁴Señorpim confiakuch-kaniku imam kamachisqayku ruwas-qaykichikmanta hinaspa hamuq punchaw-kunapi ruwanaykichikpaqpas.

⁵Señoryá sonqoykichikta yanapachun, chaynapi Diospa kuyakuynintawan Cristopa pa-ciencianta haypanaykichikpaq.

⁶Wawqe-panillaykuna, Señor Jesu-cristopa sutinpim kamachimuykiku, qella wawqe-panikunamanta karunchakunaykichikpaq, paykunaqa manam yachachisqaykuman hinachu kawsachkanku.

⁷Qamkunaqa yachankichikñam ñoqayku hina imaynam kawsaytaqa. Qamkunawan kaspaykuqa manam qella runakuna hinachu kawsarqaniku.

⁸Ma-nam pipa mikuynintapas gratisllaqa mikurqanikuchu, aswanqa tuta punchaw pisipaywan llamkaspam mikurqaniku, chaynapi pitapas mana gastachinaykupaq.

⁹Cheqaptapunipas ñoqaykupaqa derechoykum karqa mañakunaykupaq, ichaqa llamkarqanikum qamkunapas ñoqayku hina kanaykichikpaq.

¹⁰Qamkunawan kachkaspaykuraqmi kaynata nirqaykiku: “Pipas mana llamkay munaqqa amayá mikuchunpaschu”, nispayku.

¹¹Uyarinikum, qamkuna ukupis qella-kuna kachkanraq, mana imapipas llamkaspas runakunapa asuntonman chapukuchkanku.

¹²Chay runakuna-tam nimuniku: Señorninchik Jesucristopa sutinpi qaqchaspam kama-chimuniku, hawkalla llamkaspayá ganakusqankuwan mikuchunku.

¹³Wawqe-panillaykuna, qamkunayá ichaqa allinkuna ruwaytaqa ama amiy-chikchu.

¹⁴Sichum kay cartantakama nimusqaykuta pipas mana kasukup-tinqa, chay runataqa allinta reqsiykuychik hinaspa ama hukllawakuychikchu chaynapi penqakunanpaq.

¹⁵Ichaqa ama enemigota hinachu qawaychik, aswanqa Señorpi iñiqmasikichikta hinayá qaqchaykuychik.

¹⁶Hawkayay qokuq Señoryá tukuy tiempo hinaspa tukuy imapipas hawkayayta qosunkichik. Señorninchikyá llapaykichikwan kachun.

¹⁷Ñoqa Pablom makiywanpuni qellqamuspay rimaykamuykichik, hina kikiytaqmi cartaykunapiqa firmani.

¹⁸Señorninchik Jesucristopa kuyakuyninyá qamkunawan kachun. Amén.