Read CHUYA QELLQA La Biblia en Quechua de Ayacucho 2012 1~Timoteo 5 Bible Online

1~Timoteo 5 - CHUYA QELLQA La Biblia en Quechua de Ayacucho 2012 bible

1~Timoteo 5

¹Amayá mayor señorkunataqa qaqchaychu, aswanqa taytaykita hinayá rimapayay, jovenkunatañataq wawqekikunata hina.

²Mayor señorakunataqa amayá qaqchaychu, aswanqa kuyakuywanyá mamaykita hina rimapayaykuy, sipaskunatapas panikikunata hinayá respetowan rimapayay.

³Mana piniyuq viudakunatapas yanapaykuyá.

⁴Sichum huk viudapa kanman wawan otaq willkanpas, hinaspaqa paykunayá puntata wasinpi kaqkunapaq allin ruwayta yachachunku, tayta-mamanmanyá uywasqanmanta kuyakuywan kutichichun. Chayna ruwayqa Diosninchikpa allin qawasqanmi kanqa.

⁵Sapallan qeparuq cheqap mana piniyuq viudaqa Diosmanmi hapipakun, payqa tuta punchawmi mana qonqaspa Diosta mañakun.

⁶Mana allinkunapi puriq viudam ichaqa wañusqa hinaña kachkan.

⁷Tukuy kaykunatayá yachachiy chaynapi imamantapas ama qaqchachikunankupaq.

⁸Sichum pipas ayllunkunata hinaspa tukuymanta llalliqtaqa wasinpi yachaqkunata mana mantienespanqa iñisqantapas qepanchakurunñam, Diosman mana iñiq runakunamantapas aswanraqmi payqa rikurirun.

⁹Listaman churaspaqa soqta chunka masnin watayuq viudakunallatayá churay, paykunaqa kanan qosan wañukuptin mana yapakuqkunallam.

¹⁰Payqa wawankuna allin uywasqanwanmi, visitakuna allin chaskisqanwanmi, iñiqmasinkunapa [1]chakin mayllaykusqanwanmi, ñakariqkunata yanapasqanwanmi hinaspa tukuy imapas allinkuna ruwasqanwanmi reqsichikuna.

¹¹Kallpanpiraq kaq viudakunataqa amaraq listamanqa churaychu. Pay-kunaqa Jesucristoman promete-kusqankuta qonqaruspankum huktawan casarakuyta munanmanku,

¹²hinaspam prometekusqankuta mana cumplispanku huchallikunmanku.

¹³Mana imapas ruwananku kaptinmi wasin-wasin purinmanku, cuento qepi rikuriruspankum yanqakunaman chapukunmanku mana rimanakunata rimaspa.

¹⁴Chaymi ñoqaqa munayman kallpanpiraq kaq viudakunaqa huktawan casarakuspanku wawayuq kanankuta, wasinkupi ocupakunankuta, chaynapi enemigowan ama kamichikunankupaq.

¹⁵Wakin viudakunaqa Cristomanta karunchakuruspankum satanastaña qatichkanku.

¹⁶Sichum Jesucristoman iñikuq warmipa otaq qaripa ayllunmanta viudayaruqkuna kaptinqa, paymi chay viudakunataqa yanapanan, chaynapi iglesiata ama gastoman churananpaq, chayna kaptinqa cheqap mana piniyuq viudakunallatam iñiqkunaqa yanapanqaku.

¹⁷Haykam iñiqkuna ukupi llamkaq ancianokunaqa allin respetasqa hinaspa allin pagasqa kachunku, tukuymanta llalliqtaqa willakuqkunawan hinaspa yachachikuqkuna.

¹⁸Chuya Qellqapim kaynata nin: Erapi trillachkaq torotaqa amam senqapankichikchu, nispa. Huklawpipas nichkantaqmi: Llamkaqqa pagontam chaskinan, nispa.

¹⁹Huk ancianota, pipas imamantapas tumpaspaqa iskay otaq kimsa testigota pusamuchun, sichum mana pusamuptinqa ama chaskiychu.

²⁰Ñataq-ñataq huchapi puriqkunataqa llapallankupa qayllanpiyá qaqchay, chaynapi hukkunapas manchakunankupaq.

²¹Dios Taytanchikpa, Señor Jesucristopa hi-naspa akllasqan angelkunapa qayllanpim kamachiki kay yachachisqaykunata cumplinaykipaq, amam imatapas ruwankichu pimanpas sayapakuspaqa.

²²Manaraq sumaqta reqsiykuchkaspaykiqa amayá chayllaqa pimanpas makikitaqa churaychu kamachikuq kananpaqqa, chaynapi paykunapa huchanwan ama qachachakunaykipaq. Qamqa chuya sonqollayá kawsay.

²³Wiksa nanaynikiraykuyá hinaspa sapa kuti onqosqaykiraykuyá ama yakullatañachu tomay, aswanqa as vinotawanyá tomay.

²⁴Wakin runakunapa huchanqa ma-naraq juzgasqa kachkaptinmi sutilla qawachikun, wakinkunapam ichaqa chaymantaña yachakun.

²⁵Chayna-llataqmi runapa allinkuna ruwasqankunapas sutilla qawachikun, mana allinkuna ruwasqakunapas manataqmi pakasqachu kanqa.